Vd 14 Title | బ్రిటీష‌ర్ల‌ను ఎదురించిన యోధుడు – ర‌ణ‌బాలిగా విజ‌య్ దేవ‌ర‌కొండ – టైటిల్ గ్లింప్స్ రిలీజ్‌

Vd 14 Title | టాక్సీవాలా బ్లాక్‌బ‌స్ట‌ర్ త‌ర్వాత విజ‌య్ దేవ‌ర‌కొండ హీరోగా రాహుల్ సాంకృత్యాన్ ద‌ర్శ‌క‌త్వంలో ఓ మూవీ తెర‌కెక్కుతోంది. హిస్టారిక‌ల్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ సినిమాకు ర‌ణ‌బాలి అనే టైటిల్‌ను ఫిక్స్ చేశారు. సోమ‌వారం టైటిల్ గ్లింప్స్‌ను రిలీజ్ చేశారు.

మ‌ద్రాస్ ప్రెసిడెన్సీ...

యానిమేష‌న్‌లో సాగిన ర‌ణ‌బాలి గ్లింప్స్ ఆస‌క్తిని పంచుతోంది. భార‌తదేశం నుంచి బ్రిటీష‌ర్లు న‌ల‌భై ఐదు ట్రిలియ‌న్‌ డాల‌ర్ల సంప‌ద‌ను దొంగిలించారు. న‌ల‌భై ఏళ్ల వ‌ల‌స పాల‌న‌లో వంద మిలియ‌న్ల‌కుపైగా అమాయ‌కుల మ‌ర‌ణాల‌కు కార‌ణ‌మ‌య్యారు అంటూ వీడియోలో క‌నిపిస్తోన్న క్యాప్ష‌న్స్ ఆస‌క్తిని పంచుతున్నాయి. దేశ‌ సంప‌ద‌, ధాన్యాన్ని ఎలా దోచుకొని విదేశాల‌కు త‌ర‌లించార‌న్న‌ది చూపించారు. మ‌ద్రాస్ ప్రెసిడెన్సీ 1876 అంటూ ఈ గ్లింప్స్‌లో ఓ ప‌టం క‌నిపించింది. వారిని ఎదురించి పోరాడిన యోధుడిగా చివ‌ర‌లో విజ‌య్ దేవ‌ర‌కొండ క‌నిపించారు. నిప్పుల కొలిమిలా మండుతున్న క‌ళ్ల‌ను చూపిస్తూ టైటిల్‌ను రివీల్ చేశారు. వీడియో గ్లింప్స్ చివ‌ర‌లో బ్రిటీష్ సైనికుడిని బంధించి రైలు ప‌ట్టాల‌పై లాక్కెళుతూ విజ‌య్ దేవ‌ర‌కొండ క‌నిపించే సీన్ గ్లింప్స్‌కు హైలైట్‌గా నిలిచింది.

మ‌ర‌ణం లేని వీరుడు...

బ్రిటీష‌ర్లు అత‌డిని ఓ క్రూరమృగం అని పిలిచేవారు ...అత‌డు మరణం లేని వీరుడు... ర‌ణ‌బాలి. బ్రిటీష‌ర్లు పాతిపెట్టాల‌ని చూసిన మ‌న అస‌లైన చ‌రిత్ర‌ను ప్ర‌పంచానికి చాటిచెప్పే స‌మ‌యం ఆస‌న్న‌మైంది అంటూ ఈ వీడియో గ్లింప్స్‌ను ఉద్దేశించి విజ‌య్ దేవ‌ర‌కొండ ట్వీట్ చేశారు.ఈ సినిమాలో హాలీవుడ్ న‌టుడు ఆర్నాల్డ్ వోస్లో కీల‌క పాత్ర‌లో న‌టించ‌నున్న‌ట్లు గ్లింప్స్ ద్వారా క్లారిటీ ఇచ్చారు. జ‌య‌మ్మ అనే పాత్ర‌లో ర‌ష్మిక మంద‌న్న న‌టించ‌బోతున్న‌ట్లు ప్ర‌క‌టించారు.

అజ‌య్ అతుల్ మ్యూజిక్‌...

పీరియాడిక‌ల్ యాక్ష‌న్ థ్రిల్ల‌ర్‌గా ద‌ర్శ‌కుడు రాహుల్ సాంకృత్యాన్ ఈ సినిమాను రూపొందిస్తున్నారు. అజ‌య్, అతుల్ మ్యూజిక్ అందిస్తున్నారు.ర‌ణ‌బ‌లి మూవీలో ర‌ష్మిక మంద‌న్న హీరోయిన్‌గా న‌టిస్తోంది. గీత‌గోవిందం, డియ‌ర్ కామ్రేడ్ త‌ర్వాత విజ‌య్‌, ర‌ష్మిక కాంబినేష‌న్‌లో వ‌స్తోన్న మూడో సినిమా ఇది. మైత్రీ మూవీ మేక‌ర్స్ సంస్థ ఈ సినిమాను నిర్మిస్తోంది.

 

https://x.com/TheDeverakonda/status/2015786584185123173