Telugu Serials | ఒకే రోజు రెండు తెలుగు సీరియ‌ల్స్ లాంఛ్ – ఒక‌టి స్టార్ మాలో…మ‌రోటి జీ తెలుగులో..

Telugu Serials | ఒకే రోజు రెండు తెలుగు సీరియ‌ల్స్ కొత్త‌గా లాంఛ్ కాబోతున్నాయి. ఓ సీరియ‌ల్ స్టార్ మాలో మొద‌ల‌వుతుండ‌గా...మ‌రో సీరియ‌ల్ జీ తెలుగులో టెలికాస్ట్ కాబోతుంది. రెండు సీరియ‌ల్స్ సేమ్ టైమ్ స్లాట్‌లో టెలికాస్ట్ కానుండ‌టం ఆస‌క్తిక‌రంగా మారింది.

నువ్వు లేక నేను లేను...

స్టార్ మాలో డిసెంబ‌ర్ 22 (నేటి ) నుంచి నువ్వు లేక నేను లేను పేరుతో మ‌రో కొత్త సీరియ‌ల్ టెలికాస్ట్ కాబోతుంది. బిగ్‌బాస్ సీజ‌న్ 9 ఆదివారం నాటితో ముగిసింది. బిగ్‌బాస్ ప్లేస్‌లో నువ్వు లేక నేను లేను సీరియ‌ల్‌ను స్టార్ మా లాంఛ్ చేయ‌బోతుంది. సోమ‌వారం నుంచి శుక్ర‌వారం వ‌ర‌కు రాత్రి ప‌ది గంట‌ల‌కు ఈ సీరియ‌ల్ ప్ర‌సారం అవుతుంది. క‌న్న‌డ సీరియ‌ల్‌కు రీమేక్ నువ్వు లేక నేను లేను తెర‌కెక్కుతున్న‌ట్లు స‌మాచారం. ఈ సీరియ‌ల్‌తో న‌వీన్‌, నిషా తెలుగు సీరియ‌ల్స్ లోకి ఎంట్రీ ఇవ్వ‌బోతున్నారు. వ‌చ్చే బిగ్‌బాస్ వ‌ర‌కు మాత్ర‌మే స్టార్ మాలో నువ్వు లేక నేను లేను సీరియ‌ల్ టెలికాస్ట్ అయ్యే అవ‌కాశం ఉన్న‌ట్లు ప్ర‌చారం జ‌రుగుతోంది. అందుకు త‌గ్గ‌ట్లే సీరియ‌ల్‌కు ఒక సంవ‌త్స‌రం క‌థేనా అనే క్యాప్ష‌న్ పెట్ట‌డం ఆస‌క్తిని పంచుతోంది.

ల‌క్ష్మి రావే మా ఇంటికి...

సోమ‌వారం నుంచి జీ తెలుగు ప్రేక్ష‌కుల ముందుకు మ‌రో కొత్త సీరియ‌ల్ రాబోతుంది. ల‌క్ష్మీరావే మా ఇంటికి పేరుతో తెర‌కెక్కిన‌ ఈ సీరియ‌ల్‌ నేటి నుంచి రాత్రి ప‌ది గంట‌లకు టెలికాస్ట్ కాబోతుంది . అన్న‌పూర్ణ స్టూడియోస్ సంస్థ నిర్మించిన ఈ సీరియ‌ల్‌లో ద‌ర్శిని గౌడ‌, శ్రీవాణి తో పాటు ప‌లువురు తెలుగు బుల్లితెర స్టార్స్ కీల‌క పాత్ర‌ల్లో క‌నిపించ‌బోతున్నారు. ఇటీవ‌ల ముగిసిన అమ్మాయిగారు సీరియ‌ల్ ప్లేస్‌లో ల‌క్ష్మీ రావే మా ఇంటికి సీరియ‌ల్ ప్రారంభించారు. టీఆర్‌పీలో టాప్‌లో ఉన్న సీరియ‌ల్‌ను ఎండ్ చేసి కొత్త సీరియ‌ల్‌ను ప్రారంభించ‌డం ఆస‌క్తిక‌రంగా మారింది.