Telugu OTT | ఓటీటీలోకి తెలుగు టీనేజ్ బోల్డ్ ల‌వ్‌స్టోరీ – ఇంట‌ర్‌లోనే ప్రేమ‌లో ప‌డితే!

Telugu OTT | హ‌ర్ష్ రోష‌న్‌, న‌క్ష‌త్ర హీరోహీరోయిన్లుగా న‌టించిన తెల్ల‌కాగితం మూవీ యూత్ ఆడియెన్స్‌ను మెప్పించింది. టీనేజ్ ల‌వ్‌స్టోరీగా తెర‌కెక్కిన ఈ సినిమాకు ర‌మేష్ బండ్రెడ్డి ద‌ర్శ‌క‌త్వం వ‌హించారు. నందు క‌థ‌, స్క్రీన్‌ప్లే డైలాగ్స్ అందించారు. దాదాపు ఐదు కోట్ల బ‌డ్జెట్‌తో చిన్న సినిమాగా రూపొందిన తెల్ల‌కాగితం ప‌ది కోట్ల వ‌ర‌కు వ‌సూళ్ల‌ను ద‌క్కించుకుంది. నిర్మాత‌ల‌కు లాభాల‌ను తెచ్చిపెట్టింది.

రెండు ఓటీటీల‌లో...

ఈ రొమాంటిక్ మూవీ ఓటీటీలోకి రాబోతుంది. అక్టోబ‌ర్ 30 నుంచి ఈటీవీ విన్ ఓటీటీతో పాటు నెట్‌ఫ్లిక్స్‌లో ఈ సినిమా స్ట్రీమింగ్ కాబోతుంది. తెలుగుతో పాటు త‌మిళం, మ‌ల‌యాళం, క‌న్న‌డ భాష‌ల్లో రిలీజ్ అవుతోంది.

త‌ప్ప‌ట‌డుగు...

2000 సంవ‌త్స‌రం బ్యాక్‌డ్రాప్‌లో తెల్ల‌కాగితం మూవీని రూపొందించారు డైరెక్ట‌ర్‌. తెలిసి తెలియ‌ని వ‌య‌సులో యువ‌త వేసే త‌ప్ప‌ట‌డుగులు వారి జీవితాన్ని ఎలా ప్ర‌భావితం చేస్తాయ‌నే అంశాల‌ను బోల్డ్‌గా ఈ సినిమాలో చూపించారు. క‌థ పాత‌దే అయినా యూత్ ఆడియెన్స్‌ను మెప్పించేలా డ‌బుల్ మీనింగ్ డైలాగ్స్‌, రొమాంటిక్ సీన్స్‌, కామెడీ సీన్స్‌తో సినిమాను న‌డిపించారు. హ‌ర్ష్‌రోష‌న్‌, న‌క్ష‌త్ర కెమిస్ట్రీ ఈ సినిమాకు హైలైట్‌గా నిలిచింది. ఈ సినిమాతోనే హీరోయిన్‌గా న‌క్ష‌త్ర టాలీవుడ్‌లోకి ఎంట్రీ ఇచ్చింది.

ఇంట‌ర్ ల‌వ్‌స్టోరీ...

రాము ఇంట‌ర్‌మీడియ‌ట్ చ‌దువుతుంటాడు. క్లాస్‌మేట్ ఆశ‌తో ప్రేమ‌లో ప‌డ‌తాడు. రామును అపార్థం చేసుకున్న ఆశ తొలుత అత‌డిని దూరం పెడుతుంది. అపోహ‌లు తొల‌గిపోవ‌డంతో ఆశ కూడా రాముతో ప్రేమ‌లో ప‌డుతుంది. అనుకోకుండా చేసిన ఓ త‌ప్పు ఇద్ద‌రి జీవితాల‌ను క‌ష్టాల్లో ప‌డేస్తుంది? అదేమిటి? ప‌రువుకే ప్రాధాన్య‌మిచ్చే ఆశ తండ్రి కూతురి ప్రేమ గురించి తెలిసి ఎలాంటి నిర్ణ‌యం తీసుకున్నాడు అన్న‌దే ఈ మూవీ క‌థ‌.