Rashmika Mandanna | తెలంగాణ కోడ‌లిగా ఇది నా తొలి బ‌తుక‌మ్మ – ర‌ష్మిక కామెంట్స్ – నెటిజ‌న్ల ప్ర‌శంస‌లు

Rashmika Mandanna |  తెలంగాణ కోడ‌లిగా తొలి బ‌తుక‌మ్మ పండుగ జ‌రుపుకోవ‌డం ఎంతో ఆనందంగా ఉంద‌ని అన్న‌ది ర‌ష్మిక మంద‌న్న‌. తెలంగాణ ప్ర‌భుత్వం ఆధ్వ‌ర్యంలో హైద‌రాబాద్‌లోని ట్యాంక్‌బండ్ వ‌ద్ద జ‌రిగిన స‌ద్దుల‌ బ‌తుక‌మ్మ వేడుక‌ల్లో భ‌ర్త విజ‌య్ దేవ‌ర‌కొండ‌తో క‌లిసి ర‌ష్మిక మంద‌న్న పాల్గొన్న‌ది. తెలంగాణ మంత్రులు, ఇత‌ర మ‌హిళ‌ల‌లో క‌లిసి ర‌ష్మిక బ‌తుక‌మ్మ ఆడింది.

పెళ్లి త‌ర్వాత‌...

ఈ వేడుక‌లో ర‌ష్మిక మందన్న మాట్లాడుతూ "మా పెళ్లి త‌ర్వాత నేను జ‌రుపుకుంటున్న తొలి బ‌తుక‌మ్మ పండుగ ఇది. విజ‌య్ కూడా నేను బ‌తుక‌మ్మ ఆడాల‌ని కోరుకున్నాడు. ఈ వేడుక‌లో పాల్గొన‌డానికి వెళుతున్నాన‌ని చెప్ప‌గానే తెలంగాణ కోడ‌లిగా సంప్ర‌దాయంగా రెడీ అయ్యి వెళ్ల‌మ‌ని మా అత్త‌య్య చెప్పారు. ఈ రోజు మీ అంద‌రితో క‌లిసి తెలంగాణ కోడ‌లిగా బ‌తుక‌మ్మ ఆడ‌టం ఎంతో సంతోషంగా ఉంది" అని అన్న‌ది. ర‌ష్మిక బ‌తుక‌మ్మ ఆడితే చూడాల‌నే త‌న క‌ల తీరింద‌ని విజ‌య్ దేవ‌ర‌కొండ అన్నారు.

మ‌రింత అందం...

బ‌తుక‌మ్మ ఎత్తుకొని ఈ వేడుక‌లో ర‌ష్మిక సంద‌డి చేసింది. ఇందుకు సంబంధించిన ఫొటోలు వీడియోలు సోష‌ల్ మీడియాలో వైర‌ల్ అవుతోన్నాయి. సద్దుల బతుకమ్మ సంబరాల్లో పాల్గొన్ని తెలంగాణ సంప్రదాయానికి ర‌ష్మిక మరింత అందం తీసుకొచ్చింద‌ని నెటిజ‌న్లు ర‌ష్మిక‌పై ప్ర‌శంస‌లు కురిపిస్తున్నారు. తెలంగాణ ఆడ‌ప‌డుచు అని నిరూపించుకుంద‌ని అంటున్నారు. బతుకమ్మ పండుగకు రష్మికను తీసుకొచ్చి, మన సంప్రదాయంలో భాగస్వామిని చేయడం నిజంగా అభినందనీయం అంటూ విజ‌య్ దేవ‌ర‌కొండ‌ను మెచ్చుకుంటున్నారు.