Malayalam OTT | ఇరుముడి టీచ‌ర్‌ మ‌ల‌యాళం స‌ర్వైవ‌ల్ థ్రిల్ల‌ర్ మూవీ – ఒక్క రాత్రిలో జ‌రిగే క‌థ‌

Malayalam OTT |  ర‌వితేజ హీరోగా శివ నిర్వాణ ద‌ర్శ‌క‌త్వంలో రూపొందిన ఇరుముడి ఈ ఏడాది తెలుగులో హ‌య్యెస్ట్ క‌లెక్ష‌న్స్ రాబ‌ట్టిన సినిమాగా నిలిచింది. ఎమోష‌న‌ల్ ఫ్యామిలీ డ్రామాగా రూపొందిన ఈ సినిమాలో త‌మిళ న‌టి స్వాసిక నెగెటివ్ షేడ్స్‌తో కూడిన క్యారెక్ట‌ర్‌లో క‌నిపించింది. టీచ‌ర్ పాత్ర‌తో ఆడియెన్స్‌ను భ‌య‌పెట్టింది. ఇరుముడి విజ‌యంతో స్వాసిక టాలీవుడ్‌లో బిజీగా మారిపోయింది. తెలుగు, త‌మిళంలోనే కాకుండా మ‌ల‌యాళంలో సినిమాలు చేస్తోంది.

స‌ర్వైవ‌ల్ థ్రిల్ల‌ర్‌...

స్వాసిక హీరోయిన్‌గా న‌టించిన మ‌ల‌యాళం మూవీ జెన్నిఫ‌ర్ థియేట‌ర్ల‌లో కాకుండా నేరుగా ఓటీటీ ద్వారా ప్రేక్ష‌కుల ముందుకొచ్చింది. స‌ర్వైవ‌ల్ థ్రిల్ల‌ర్‌గా తెర‌కెక్కిన ఈ మూవీని మ‌నోర‌మ మ్యాక్స్ ఓటీటీలో స్ట్రీమింగ్ అవుతోంది. అల్తాఫ్ ర‌హ‌మాన్ ద‌ర్శ‌క‌త్వం వ‌హించిన ఈ సినిమాలో స్వాసిక‌తో పాటు బినుదేవ్‌, ఆంటోనీ వ‌ర్గీస్‌, వాణి విశ్వ‌నాథ్ కీల‌క పాత్ర‌ల్లో న‌టించారు. సిజో జాన్ మ్యూజిక్ అందించారు.

ఒక్క రాత్రిలో జ‌రిగే క‌థ‌...

ఒక్క రాత్రిలో జ‌రిగే క‌థ‌తో ద‌ర్శ‌కుడు అల్తాఫ్ ఈ సినిమాను రూపొందించారు. జెన్నీఫ‌ర్ అనే మ‌హిళ త‌న భ‌ర్త‌తో క‌లిసి హిల్ స్టేష‌న్‌లో ఉన్న ఫామ్‌హౌజ్‌కు వ‌స్తుంది. అదే రోజు రాత్రి మాస్క్‌లు ధ‌రించిన కొంద‌రు వ్య‌క్తులు జెన్సీఫ‌ర్‌పై దాడిచేస్తారు. ఆమెను చంపాల‌ని చూస్తారు. వారి దాడి నుంచి జెన్నీఫ‌ర్ ఎలా బ‌య‌ట‌ప‌డింది? ఈ మాస్క్ ధ‌రించిన వ్య‌క్తులు ఎవ‌రు అన్న‌దే ఈ మూవీ క‌థ‌.

వివాదం...

కాగా ఇరుముడిలో స్వాసిక పాత్ర‌పై ప్ర‌శంస‌లుతో పాటు విమ‌ర్శ‌లు వ‌చ్చాయి. ప్ర‌భుత్వ టీచ‌ర్ల‌ను అభ్యంత‌ర‌క‌రంగా చూపించారంటూ కేసులు పెట్టారు.