Bigg Boss | భ‌య‌పెట్ట‌బోతున్న బిగ్‌బాస్ విన్న‌ర్ – హార‌ర్ కామెడీ మూవీతో హీరోగా ఎంట్రీ

Bigg Boss | కామ‌న్ మ్యాన్‌గా తెలుగు బిగ్‌బాస్ సీజ‌న్ 9లోకి అడుగుపెట్టిన క‌ళ్యాణ్ ప‌డాల విన్న‌ర్‌గా నిలిచారు. బిగ్‌బాస్ షో ద్వారా వ‌చ్చిన క్రేజ్‌తో తాజాగా హీరోగా ఎంట్రీ ఇవ్వ‌బోతున్నాడు. క‌ళ్యాణ్ ప‌డాల హీరోగా హార‌ర్ కామెడీ మూవీ శుక్ర‌వారం పూజా కార్య‌క్ర‌మాల‌తో మొద‌లైంది. ఈ సినిమాకు ఫ‌న్ అనే టైటిల్‌ను ఖ‌రారు చేశారు. హేమంత్ కృష్ణ ద‌ర్శ‌క‌త్వం వ‌హిస్తున్నారు.

వ‌చ్చే ఏడాది...

ఫన్ మూవీ రెగ్యులర్ షూటింగ్ నవంబర్ 12 నుంచి మొదలుకాబోతుంది. నాన్‌స్టాప్‌గా షూటింగ్ చేసి వ‌చ్చే ఏడాది థియేట‌ర్ల‌లో ఈ సినిమాను థియేట‌ర్ల‌లోకి తీసుకొస్తామ‌ని మేక‌ర్స్ పేర్కొన్నారు. ఈ సినిమాలో సాహితి, అజయ్ ఘోష్, రవి శివ తేజ కీల‌క పాత్ర‌ల్లో క‌నిపించ‌బోతున్నారు. రామ్‌గోపాల్ మ్యూజిక్ అందిస్తున్నారు.

వెనుక‌బ‌డి...

బిగ్‌బాస్ సీజ‌న్ 9లోకి కామ‌న్ మ్యాన్‌గా ఎంట్రీ ఇచ్చిన క‌ళ్యాణ్ ఎవ‌రూ ఊహించ‌ని విధంగా విజేత‌గా నిలిచాడు. మొద‌ట్లో టాస్కుల‌తో పాటు ఆట‌తీరులో వెనుక‌బ‌డ్డ క‌ళ్యాణ్ ఆ త‌ర్వాత నిజాయితీతో ప్రేక్ష‌కుల మ‌న‌సుల‌ను గెలుచుకున్నాడు. త‌నూజ‌, సుమ‌న్ శెట్టి, భ‌ర‌ణి, ఫ్లోరా షైనీ, శ్ర‌ష్టీ వ‌ర్మ లాంటి పాపుల‌ర్ కంటెస్టెంట్స్‌తో పోటీప‌డి మ‌రీ టైటిల్ గెలిచాడు.

మినీ మూవీ...

బిగ్‌బాస్ త‌ర్వాత నిజ‌మే రుజువైన‌ది పేరుతో ఓ మినీ మూవీ చేశాడు క‌ళ్యాణ్ ప‌డాల‌. ఈటీవీ విన్ ఓటీటీలో రిలీజైన ఈ మినీ మూవీలో త‌మిళ బిగ్‌బాస్ కంటెస్టెంట్ వియానా కీల‌క పాత్ర పోషించింది.