Sreeleela | రూమ‌ర్ల‌కు చెక్ పెట్టిన శ్రీలీల – సెట్స్‌పైకి త‌మిళ మూవీ – నిర్మాత‌గా కోలీవుడ్ స్టార్ హీరో భార్య‌

Sreeleela |  అజిత్ హీరోగా న‌టిస్తోన్న త‌మిళ మూవీ డేర్‌డెవిల్ నుంచి శ్రీలీల (Sreeleela )త‌ప్పుకున్న‌ట్లు గ‌త కొద్ది రోజులుగా కోలీవుడ్‌లో ప్ర‌చారం జ‌రుగుతోంది. శ్రీలీల ప్లేస్‌లో క‌య‌దు లోహ‌ర్‌ను మేక‌ర్స్ ఎంపిక‌చేసిన‌ట్లు వార్త‌లొచ్చాయి. ఈ రూమ‌ర్ల‌కు అఫీషియ‌ల్‌గా చెక్ పెట్టింది శ్రీలీల‌.

ప్ర‌త్యేక ఆక‌ర్ష‌ణ‌...

డేర్‌డెవిల్ మూవీ పూజా కార్య‌క్ర‌మాల‌ను సోమ‌వారం చెన్నైలో నిర్వ‌హించారు. ఈ ఓపెనింగ్ ఈవెంట్‌లో శ్రీలీల పాల్గొన్న‌ది. ఈ వేడుకు ప్ర‌త్యేక ఆక‌ర్ష‌ణ‌గా నిలిచింది. యాక్ష‌న్ థ్రిల్ల‌ర్‌గా తెర‌కెక్కుతోన్న ఈ మూవీలో క‌థ‌ను మ‌లుపు తిప్పే ఓ కీల‌క పాత్ర‌లో ధ‌మాకా బ్యూటీ క‌నిపించ‌బోతుంది.

షాలిని నిర్మాత‌...

డేర్‌డెవిల్ మూవీకి ఆధిక్ ర‌విచంద్ర‌న్ ద‌ర్శ‌క‌త్వం వ‌హిస్తున్నారు. ఈ సినిమాతో కోలీవుడ్ సీనియ‌ర్ హీరోయిన్ షాలిని నిర్మాత‌గా అరంగేట్రం చేస్తోంది. భ‌ర్త సినిమాకు ప్రొడ్యూస‌ర్‌గా వ్య‌వ‌హ‌రిస్తోంది.

అజిత్ దూరం...

డేర్‌డెవిల్ ఓపెనింగ్ ఈవెంట్‌కు హీరో అజిత్ మాత్రం అటెండ్ కాలేదు. రేసింగ్ ఈవెంట్ కోసం దుబాయ్ వెళ్ల‌డంతో ఈ వేడుక‌కు దూర‌మ‌య్యారు. ఈ త‌మిళ మూవీ షూటింగ్ న‌వంబ‌ర్ రెండో వారం నుంచి హైద‌రాబాద్‌లో మొద‌లుకాబోతున్న‌ట్లు స‌మాచారం. అనిరుధ్ మ్యూజిక్ అందిస్తున్నారు. దాదాపు 300 కోట్ల బ‌డ్జెట్‌తో ఈ పాన్ ఇండియ‌న్ మూవీ రూపొందుతోన్న‌ట్లు చెబుతోన్నారు.

మూడో సినిమా...

శ్రీలీల హీరోయిన్‌గా న‌టిస్తోన్న మూడో త‌మిళ మూవీ ఇది. ఈ ఏడాది సంక్రాంతికి రిలీజైన ప‌రాశ‌క్తితో కోలీవుడ్‌లోకి ఎంట్రీ ఇచ్చింది. ప్ర‌స్తుతం ధ‌నుష్‌తో ఓం అనే సినిమా చేస్తోంది. తెలుగుకు దూర‌మైన శ్రీలీల...కోలీవుడ్‌, బాలీవుడ్‌లో ఫుల్ బిజీగా ఉంది.