OTT | సైలెంట్‌గా ఓటీటీలోకి వ‌చ్చిన సింగ‌ర్ సునీత కొడుకు మూవీ

OTT |  టాలీవుడ్ సింగ‌ర్ సునీత కొడుకు ఆకాష్‌ హీరోగా న‌టించిన కొత్త మ‌లుపు మూవీ స‌డెన్‌గా ఓటీటీలోకి వ‌చ్చేసింది. సోమ‌వారం అమెజాన్ ప్రైమ్ ఓటీటీలో ఈ మూవీ రిలీజైంది. ఎలాంటి ముంద‌స్తు అనౌన్స్‌మెంట్ లేకుండా నేరుగా ఈ సినిమాను స్ట్రీమింగ్‌కు అందుబాటులోకి తీసుకొచ్చారు.

న్యూ ఏజ్ ల‌వ్‌స్టోరీ...

కొత్త మ‌లుపు మూవీలో భైర‌వి అర్ధ్యా హీరోయిన్‌గా న‌టించింది. ర‌ఘుబాబు, పృథ్వీ, ప్ర‌భావ‌తి కీల‌క పాత్ర‌లు పోషించారు. శివ కేస‌న‌కుర్తి ద‌ర్శ‌క‌త్వం వ‌హించిన ఈ సినిమాకు య‌శ్వంత్ నాగ్ మ్యూజిక్ అందించాడు. కోన‌సీమ బ్యాక్‌డ్రాప్‌లో న్యూ ఏజ్ ల‌వ్‌స్టోరీగా కొత్త మ‌లుపు రూపొందింది. అనుమానాలు, అపోహ‌లు జీవితాల‌ను ఏ విధంగా అత‌లాకుత‌లం చేస్తాయ‌నే మెసేజ్‌ను ఈ సినిమాతో ఇచ్చారు డైరెక్ట‌ర్‌. హీరోగా ఆకాష్ ఆక‌ట్టుకున్నా క‌మ‌ర్షియ‌ల్‌గా మాత్రం ఈ సినిమాతో అత‌డికి స‌క్సెస్ ద‌క్క‌లేదు.

క‌మ‌ల్ అన్వేష‌ణ‌...

కమ‌ల్ హైద‌రాబాదీ కుర్రాడు. ఓ పెళ్లి కోసం కోన‌సీమ వ‌స్తాడు. అక్క‌డే అత‌డికి వ‌ర‌ల‌క్ష్మి ప‌రిచ‌య‌మ‌వుతుంది. తొలిచూపులోనే ఆమెతో ప్రేమ‌లో ప‌డ‌తాడు. తాను ప్రేమించిన వ‌ర‌ల‌క్ష్మి స‌హాయంతోనే మ‌రో అమ్మాయి జాడ కోసం క‌మ‌ల్ వెతుకుతుంటాడు. క‌మ‌ల్ వెతుకుతున్న అమ్మాయి, అత‌డు ప్రేమించిన వ‌ర‌ల‌క్ష్మి ఒక్క‌రేనా? క‌మ‌ల్ ఓ పెద్ద స‌మ‌స్య‌లో ఎలా చిక్కుకున్నాడు అన్న‌దే ఈ మూవీ క‌థ‌.

సెకండ్ మూవీ...

ఆకాష్ హీరోగా న‌టించిన సెకండ్ మూవీ ఇది. స‌ర్కారు నౌక‌రి మూవీతో టాలీవుడ్‌లోకి ఎంట్రీ ఇచ్చాడు. క‌మ‌ర్షియ‌ల్ హంగుల‌కు దూరంగా రియ‌లిస్టిక్ క‌థాంశాల‌ను ఎంచుకుంటున్నాడు.