Sai Pallavi | సాయిప‌ల్ల‌వి బాలీవుడ్ డెబ్యూ మూవీకి షాకింగ్ క‌లెక్ష‌న్స్ – తొలిరోజే థియేట‌ర్లు ఖాళీ

Sai Pallavi |  ద‌క్షిణాదిలో హ‌య్యెస్ట్ స‌క్సెస్ రేటుఉన్న హీరోయిన్ల‌లో ఒక‌రిగా కొన‌సాగుతోంది సాయిప‌ల్ల‌వి. నాచుర‌ల్ బ్యూటీ అంగీక‌రించిందంటే ఆ సినిమా హిట్టే అనే నమ్మ‌కం ద‌ర్శ‌క‌నిర్మాత‌ల‌తో పాటు ఆడియెన్స్‌లో క‌నిపిస్తుంది. సాయిప‌ల్ల‌వి చేసిన ప‌లు త‌మిళ‌, తెలుగు సినిమాలు బాక్సాఫీస్ రికార్డుల‌ను తిర‌గ‌రాశాయి. కానీ బాలీవుడ్‌లో మాత్రం తొలి అడుగులోనే సాయిప‌ల్ల‌వికి పెద్ద షాక్ త‌గిలింది. హిందీ డెబ్యూ మూవీ ఏక్ దిన్ ఆడియెన్స్ లేక తొలిరోజే చాలా థియేట‌ర్లు ఖాళీగా ద‌ర్శ‌న‌మిచ్చాయి.

మిస్ట‌ర్ ప‌ర్‌ఫెక్ష‌నిస్ట్‌...

బాలీవుడ్ మిస్ట‌ర్ ప‌ర్‌ఫెక్ష‌నిస్ట్ ఆమిర్ ఖాన్ నిర్మించిన ఏక్ దిన్ మూవీతో బాలీవుడ్‌లోకి అడుగుపెట్టింది సాయిప‌ల్ల‌వి. ఈ సినిమాలో ఆమిర్ ఖాన్ కొడుకు జునైద్ ఖాన్ హీరోగా న‌టించాడు. రొమాంటిక్ ల‌వ్‌స్టోరీగా తెర‌కెక్కిన ఈ సినిమాకు సునీల్ పాండే ద‌ర్శ‌క‌త్వం వ‌హించాడు.

భారీగా అంచ‌నాలు...

ఈ సినిమా స్టోరీ నుంచి ప్రొడ‌క్ష‌న్, రిలీజ్ వ‌ర‌కు అన్ని వ్య‌వ‌హారాల‌ను ఆమిర్ ఖాన్ ద‌గ్గ‌రుండి చూసుకున్నారు. రిలీజ్‌కు ముందు ప్ర‌మోష‌న్స్ భారీగానే చేశారు. ఆమిర్ ఖాన్ క్రేజ్‌కు తోడు క‌థ‌ల ఎంపిక‌లో సాయిప‌ల్ల‌వి జ‌డ్జిమెంట్ కార‌ణంగా ఏక్ దిన్ భారీగానే అంచ‌నాలు ఏర్ప‌డ్డాయి.

విమ‌ర్శ‌లు...ట్రోల్స్‌...

కానీ అవుట్‌డేటెడ్ కాన్సెప్ట్ కార‌ణంగా ఈ సినిమా ప్రేక్ష‌కులను మెప్పించ‌లేక‌పోయింది. జునైద్ ఖాన్‌, సాయిప‌ల్ల‌వి కెమిస్ట్రీ అస్స‌లు బాగాలేద‌ని, సాయిప‌ల్ల‌వి యాక్టింగ్ ముందు జునైద్ పూర్తిగా తేలిపోయాడ‌ని నెటిజ‌న్లు అంటున్నారు. క‌థ‌లో ఒరిజిన‌ల్ ఫీల్ మిస్స‌య్యింద‌ని, కొరియ‌న్ మూవీని ఫ్రేమ్ టూ ఫ్రేమ్ కాపీ చేశారంటూ చాలానే విమ‌ర్శ‌లు వినిపిస్తున్నాయి.

క‌లెక్ష‌న్స్‌...

దాదాపు ఇర‌వై ఐదు కోట్ల  బడ్జెట్ తోరూపొందిన ఏక్ దిన్‌ తొలిరోజు కేవ‌లం కోటి ప‌దిహేను ల‌క్ష‌ల రూపాయ‌ల క‌లెక్ష‌న్స్ మాత్ర‌మే రాబ‌ట్టింది. సాయిప‌ల్ల‌వి బాలీవుడ్ డెబ్యూ మూవీని ఆడియెన్స్ పెద్ద‌గా ప‌ట్టించుకోలేదు. పోటీగా పెద్ద సినిమాలేవి లేక‌పోయినా బాక్సాఫీస్ వ‌ద్ద ఏక్ దిన్ అంత‌గా ప్ర‌భావం చూపించ‌లేక‌పోవ‌డం ట్రేడ్ వ‌ర్గాల‌ను విస్మ‌య‌ప‌రుస్తోంది. తొలి రోజు ఈ సినిమా ఆక్యుపెన్సీ కేవ‌లం 14 శాతం కావ‌డం గ‌మ‌నార్హం. రెండు రోజు క‌లెక్ష‌న్స్ మ‌రింత త‌గ్గ‌వ‌చ్చ‌ని అంటున్నారు. ఓవ‌రాల్‌గా సాయిప‌ల్ల‌వి కెరీర్‌లోనే బిగ్గెస్ట్ డిజాస్ట‌ర్‌గా ఈ సినిమా నిల‌వ‌డం ఖాయ‌మ‌ని అంటున్నారు.
థాయ్‌లాండ్ మూవీ వ‌న్ డేకు రీమేక్‌గా ఏక్ దిన్ మూవీ రూపొందింది.