Rashmika Mandanna | జాన్వీక‌పూర్ పెద్ది వివాదంపై ర‌ష్మిక రియాక్ష‌న్ – “నో” చెప్ప‌డం త‌ప్పుకాద‌న్న విజ‌య్ దేవ‌ర‌కొండ‌

Rashmika Mandanna | పెద్ది సినిమాలో జాన్వీక‌పూర్ పాత్ర‌ను ఆవిష్క‌రించిన‌ తీరు వివాదాస్ప‌ద‌మైంది. క‌థ‌లో ఏ మాత్రం ప్రాధాన్య‌త లేకుండా కేవ‌లం గ్లామ‌ర్ కోస‌మే ఆమె పాత్ర‌ను వాడుకోవడం, క్లోజ‌ప్ షాట్స్‌, లిప్‌లాక్‌ల‌పై దారుణంగా విమ‌ర్శ‌లొచ్చాయి. ఈ వివాదంపై బాలీవుడ్‌, టాలీవుడ్‌తో పాటు ఇత‌ర భాష‌ల హీరోయిన్లు ఫైర్ అయ్యారు. చివ‌ర‌కు డైరెక్ట‌ర్ బుచ్చిబాబు సానా సారీ చెప్పిన కూడా వివాదం స‌ద్దుమ‌ణ‌గ‌లేదు. ఈ విమ‌ర్శ‌ల కార‌ణంగా రిలీజ్ త‌ర్వాత పెద్ది ప్ర‌మోష‌న్స్‌కు జాన్వీక‌పూర్ దూర‌మైంది.

ర‌ష్మిక రియాక్ష‌న్‌....

తాజాగా పెద్ది కాంట్ర‌వ‌ర్సీపై ర‌ష్మిక మంద‌న్న రియాక్ట్ అయ్యింది. భ‌ర్త విజ‌య్ దేవ‌ర‌కొండ‌తో క‌లిసి కాఫీ విత్ క‌ర‌ణ్ టాక్ షోలో ర‌ష్మిక మంద‌న్న పాల్గొన్న‌ది. పెద్ది సినిమాలోని సీన్ల‌పై జాన్వీ ఇబ్బందిగా ఫీలై ఉంటుంద‌ని క‌ర‌ణ్ జోహార్ అన్నాడు. అలాంటి పాత్ర‌ల విష‌యంలో మీరు ఎలాంటి జాగ్ర‌త్త‌లు తీసుకుంటార‌ని ర‌ష్మిక‌ను క‌ర‌ణ్ జోహార్ అడిగాడు.

హ‌ద్దులు పాటిస్తా....

"క‌మ‌ర్షియ‌ల్ సినిమాల్లో హీరోయిన్లు గ్లామ‌ర‌స్‌గా క‌నిపించాల్సివుంటుంది. అందులో త‌ప్పులేదు. కానీ దానిని సాకుగా పెట్టుకొని మితిమిరిన స్కిన్‌షో, ఎక్స్‌పోజింగ్ చేయాల‌నే రూల్‌కు నేను వ్య‌తిరేకం. గ్లామ‌ర్ రోల్స్ విష‌యంలో నాకంటూ కొన్ని నిర్ధిష్ట‌మైన హ‌ద్దులు ఉన్నాయి. వాటికి లోబ‌డే సినిమాలు చేస్తాను. కొన్ని సార్లు పాత్ర‌లు, స‌న్నివేశాల‌కు అనుగుణంగా బికినీ లాంటివి ధ‌రించాల్సివ‌స్తుంది. అలాంటివి నాకు కంఫ‌ర్ట‌బుల్‌గా అనిపించ‌వు. అదే విష‌యాన్ని ద‌ర్శ‌కుల‌తో చెప్ప‌డానికి మొహ‌మొట‌ప‌డ‌ను. నా లిమిట్స్‌ను గౌర‌వించే ద‌ర్శ‌కుల‌తోనే ప‌నిచేయ‌డానికి ఇష్ట‌ప‌డ‌ను" అని ర‌ష్మిక అన్న‌ది. సినిమాల ప‌రంగా నాకు ఇబ్బందిగా అనిపించిన విష‌యాల‌ను విజ‌య్‌తో డిస్క‌స్ చేస్తుంటాన‌ని, ఏదైనా త‌న‌తో షేర్ చేసుకోవ‌చ్చున‌ని చెప్పి నాలో ధైర్యాన్ని నింపుతుంటాడ‌ని భ‌ర్త‌పై ర‌ష్మిక ప్ర‌శంస‌లు కురిపించింది.

నో చెప్ప‌డం త‌ప్పుకాదు...

సినిమా అంగీక‌రించినంత మాత్రానా ఇష్టం లేక‌పోయినా హీరోయిన్ స్కిన్ షో చేయాల్సిన అవ‌స‌రం లేద‌ని విజ‌య్ దేవ‌ర‌కొండ అన్నాడు. కంఫ‌ర్ట‌బుల్‌గా అనిపించ‌ని సీన్లు చేయ‌న‌ని చెప్ప‌డంలో త‌ప్పులేద‌ని పేర్కొన్నాడు. వీరిద్ద‌రి కామెంట్లు వైర‌ల్ అవుతోన్నాయి.