Yellamma Movie | ప్రభాస్ ‘స్పిరిట్’ ప్లేస్‌లో దేవిశ్రీ ప్రసాద్ ‘ఎల్లమ్మ’

Yellamma Movie |  ప్ర‌భాస్ హీరోగా న‌టిస్తోన్న స్పిరిట్ మూవీ మార్చి 5న థియేట‌ర్ల‌లోకి రావాల్సింది. కానీ అనివార్య కార‌ణాల వ‌ల్ల‌ దీపావ‌ళికి ఈ సినిమాను వాయిదా వేస్తున్న‌ట్లు ఇటీవ‌లే మేక‌ర్స్ ప్ర‌క‌టించారు. ప్ర‌భాస్ వ‌దులుకున్న‌ డేట్‌కు దేవిశ్రీప్ర‌సాద్ సినిమా రిలీజ్ అవుతోంది. టాలీవుడ్ టాప్ మ్యూజిక్ డైరెక్ట‌ర్ దేవిశ్రీప్ర‌సాద్ ఎల్ల‌మ్మ మూవీతో హీరోగా తెరంగేట్రం చేస్తున్నాడు. బ‌ల‌గం ఫేమ్ వేణు ఎల్దండి ద‌ర్శ‌క‌త్వం వ‌హిస్తున్న ఈ సినిమాను దిల్‌రాజు నిర్మిస్తున్నారు. అనంతిక స‌నీల్ కుమార్ హీరోయిన్‌గా న‌టిస్తోంది.

ఐదు భాష‌ల్లో రిలీజ్‌...

ద‌స‌రా సంద‌ర్భంగా ఎల్ల‌మ్మ రిలీజ్ డేట్‌ను మేక‌ర్స్ రివీల్ చేశారు. 2027 మార్చి 5న ఈ మూవీ ప్రేక్ష‌కుల ముందుకు రాబోతున్న‌ట్లు ప్ర‌క‌టించారు. తెలుగుతో పాటు త‌మిళం, మ‌ల‌యాలం, హిందీ, క‌న్న‌డ భాష‌ల్లో ఈ మూవీ రిలీజ్ కానున్న‌ట్లు ప్ర‌క‌టించారు.

తెలంగాణ బ్యాక్‌డ్రాప్‌లో...

తెలంగాణ బ్యాక్‌డ్రాప్‌లో డ‌ప్పు వాయిద్య క‌ళాకారుడి జీవితంచుట్టూ సాగే క‌థ‌తో ఎమోష‌న‌ల్ డ్రామాగా ద‌ర్శ‌కుడు వేణు ఈ సినిమాను తెర‌కెక్కిస్తోన్నారు. ప్ర‌స్తుతం ఎల్ల‌మ్మ షూటింగ్ శ‌ర‌వేగంగా సాగుతోంది. ఈ సినిమాలో ప్ర‌కాష్ రాజ్ ఓ కీల‌క పాత్ర‌లో క‌నిపించ‌బోతున్నారు.

మ్యూజిక్ డైరెక్ట‌ర్‌....

హీరోగా న‌టిస్తూనే ఎల్ల‌మ్మ సినిమాకు దేవిశ్రీప్ర‌సాద్ మ్యూజిక్ అందిస్తున్నాడు. ఈ సినిమాలో హీరోయిన్‌గా తొలుత కీర్తి సురేష్, మృణాల్ ఠాకూర్‌తో పాటు ప‌లువురు స్టార్ హీరోయిన్ల పేర్లు ప్ర‌చారం జ‌రిగాయి. చివ‌ర‌కు అనంతిక స‌నీల్ కుమార్‌ను ఫిక్స్ చేశారు. బ‌ల‌గం త‌ర్వాత వేణు ఎల్దండి ద‌ర్శ‌క‌త్వం వ‌హిస్తున్న సినిమా ఇది.