Prabhas Fans | రాజాసాబ్ క్రేజ్ – మొస‌ళ్ల‌తో థియేట‌ర్ల‌లో ఫ్యాన్స్ హంగామా

Prabhas Fans |  ప్ర‌భాస్ రాజాసాబ్ మూవీ శుక్ర‌వారం వ‌ర‌ల్డ్ వైడ్‌గా రిలీజైంది. తెలుగు రాష్ట్రాల్లో మాత్రం ఓ రోజు ముందుగానే ప్రీమియ‌ర్ షోస్‌తో రాజాసాబ్ సంద‌డి మొద‌లైంది. గురువారం ఏపీలో ప్రీమియ‌ర్స్ షోస్ ఎలాంటి అడ్డంకులు లేకుండా ప‌డ‌గా తెలంగాణ‌లో మాత్రం ఆల‌స్యంగా మొద‌ల‌య్యాయి.
ఈ అడ్డంకుల‌తో సంబంధం లేకుండా ఫ్యాన్స్ హంగామాతో రాజాసాబ్ థియేట‌ర్లు క‌ళ‌క‌ళ‌లాడాయి. థియేట‌ర్ల‌లోకి ఏకంగా మొస‌ళ్ల‌తో ఎంట్రీ ఇచ్చారు. రియ‌ల్‌వి కాదు..బొమ్మ మొస‌ళ్ల‌తో సంద‌డి చేశారు. ఇందుకు సంబంధించిన వీడియోలు సోష‌ల్ మీడియాలో వైర‌ల్ అవుతున్నాయి. మొస‌ళ్ల‌తో థియేట‌ర్ల‌కు అభిమానులు రావ‌డం వెనుక‌ ఓ స్టోరీ ఉంది. రాజాసాబ్‌లో ప్ర‌భాస్ మొస‌ళితో ఫైట్ చేసే సీన్ ఉంటుంది. హార‌ర్ కామెడీ మూవీకి హైలైట్‌గా మొస‌ళి ఫైట్ సీన్ నిలిచింది.

రీక్రియేట్‌...

ఈ ఫైట్ సీన్‌ను థియేట‌ర్ల‌లో ఫ్యాన్స్ రీక్రియేట్ చేశారు. బొమ్మ మొస‌ళ్ల‌తో థియేట‌ర్ల‌లోకి వ‌చ్చారు. మొస‌ళిఫైట్ సీన్ రాగానే స్క్రీన్ ద‌గ్గ‌ర‌కు బొమ్మ మొస‌ళ్ల‌ను ప‌ట్టుకుంటూ ప్ర‌భాస్ సీన్ కాపీ కొట్టారు ఈ వీడియోలు సోష‌ల్ మీడియాలో తెగ వైర‌ల్ అవుతున్నాయి. ఎవ‌ర్రా మీరంతా అంటూ ఈ వీడియోల‌ను ఉద్దేశించి నెటిజ‌న్లు కామెంట్స్ చేస్తున్నారు. మ‌రికొంద‌రు నెటిజ‌న్లు మాత్రం డైహార్డ్ ఫ్యాన్స్ అంటూ పేర్కొంటున్నారు.
కాగా రాజాసాబ్ ప్రీమియ‌ర్స్‌కు నెగెటివ్ టాక్ వ‌చ్చింది. ముఖ్యంగా మారుతిని ప్ర‌భాస్ అభిమానులు తెగ ట్రోల్ చేస్తున్నారు. ప్ర‌భాస్ ఇచ్చిన మంచి అవ‌కాశాన్ని వేస్ట్ చేశాడంటూ కామెంట్స్ పెడుతున్నారు. మారుతి టేకింగ్‌పై దారుణంగా విమ‌ర్శ‌లొస్తున్నాయి. కామెడీ, హార‌ర్ ఏలిమెంట్స్ స‌రిగ్గా వ‌ర్క‌వుట్ కాలేద‌ని చెబుతున్నారు. ప్ర‌భాస్ లుక్ విష‌యంలో నెగెటివ్ కామెంట్స్ వినిపిస్తున్నాయి.
రాజాసాడ్‌ ఫ‌స్ట్ డే 65 నుంచి డెబ్భై కోట్ల మ‌ధ్య క‌లెక్ష‌న్స్ రాబ‌ట్టే అవ‌కాశం ఉంద‌ని అంటున్నారు. స‌లార్‌తో పోలిస్తే త‌క్కువ క‌లెక్ష‌న్స్ రాబ‌ట్టే అవ‌కాశం ఉన్న‌ట్లు వార్త‌లు వినిపిస్తున్నాయి.
రాజాసాబ్ మూవీలో మాళ‌వికా మోహ‌న‌న్‌, నిధి అగ‌ర్వాల్‌, రిద్ది కుమార్ హీరోయిన్లుగా న‌టిస్తున్నారు. దాదాపు నాలుగు వంద‌ల కోట్ల బ‌డ్జెట్‌తో టీజీ విశ్వ‌ప్ర‌సాద్ ఈ సినిమాను నిర్మించారు. త‌మ‌న్ మ్యూజిక్ అందించారు.

Omg 😱 see the Rebels bring crocodile 🐊 to #RajaSaab movie theatres 🥵🔥💥#Prabhas 🔥🔥🥵 pic.twitter.com/4FuA3V1UdP

— ℙℝ𝔼𝔼𝕋𝕐 (@MySelf_Preety) January 8, 2026