Nivetha Pethuraj | డీ గ్లామ‌ర్ పాత్ర‌లో నివేదా – టాలీవుడ్ హీరోతో రెండోసారి రొమాన్స్‌

Nivetha Pethuraj |  సింగ్ గీతం సినిమాతో టాలీవుడ్‌లోకి రీఎంట్రీ ఇచ్చింది నివేదా పేతురాజ్. క‌ల్కి డైరెక్ట‌ర్ నాగ్ అశ్విన్ నిర్మించిన ఈ సినిమాలో స్పెష‌ల్ రోల్‌లో క‌నిపించి స‌ర్‌ప్రైజ్ చేసింది. మెగాస్టార్ చిరంజీవి, బాబీ డైరెక్ష‌న్‌లో రూపొందుతోన్న సినిమాకు నివేదా గ్రీన్‌సిగ్న‌ల్ ఇచ్చింది. ఈ సినిమా షూటింగ్‌లోనూ  అడుగుపెట్టింది.   తాజాగా టాలీవుడ్‌లో ఈ త‌మిళ బ్యూటీ మ‌రో బంప‌రాఫ‌ర్ అందుకున్న‌ట్లు స‌మాచారం. రామ్ పోతినేని సినిమాలో ఛాన్స్ ద‌క్కించుకున్న‌ట్లు ప్రచారం జరుగుతోంది.

సైక‌లాజిక‌ల్ థ్రిల్ల‌ర్‌...

రామ్ పోతినేని ద‌ర్శ‌కుడిగా ఎంట్రీ ఇస్తూ ఓ సైక‌లాజిక‌ల్ థ్రిల్ల‌ర్ మూవీని రూపొందిస్తున్నారు. ఈ సినిమాలో అత‌డే హీరోగా క‌నిపించ‌బోతున్నాడు. ప్ర‌స్తుతం రామ్ డైరెక్ష‌న‌ల్ డెబ్యూ మూవీ ప్రీ ప్రొడ‌క్ష‌న్ ప‌నులు శ‌ర‌వేగంగా సాగుతోన్నాయి. రామ్ త‌మ్ముడు కృష్ణ చైత‌న్య ఈ పాన్ ఇండియ‌న్ సినిమాను నిర్మిస్తున్నారు.

డీ గ్లామ‌ర్ పాత్ర‌లో...

క‌థానుగుణంగా ఈ సినిమాలో ఇద్ద‌రూ హీరోయిన్లు ఉంటార‌ని టాక్. ఓ హీరోయిన్‌గా నివేదా పేతురాజ్‌ను  ఫైన‌ల్ చేశార‌ట‌. డీ గ్లామ‌ర్ పాత్ర‌లో ఈ కోలీవుడ్ సుంద‌రి క‌నిపించ‌నున్న‌ట్లు ప్ర‌చారం జ‌రుగుతోంది. రామ్‌, నివేదా కాంబినేష‌న్‌లో ఇది సెకండ్ మూవీ. రామ్ రెడ్ సినిమాలో పోలీస్ ఆఫీస‌ర్‌గా నివేదా న‌టించింది. కాగా మూడేళ్ల పాటు టాలీవుడ్‌కు దూరంగా ఉన్న ఈ బ్యూటీ బ్యాక్ టూ బ్యాక్ ఆఫ‌ర్లు అందుకోవ‌డం ఆస‌క్తిక‌రంగా మారింది. రామ్ సినిమాలో నివేదాపాటు మ‌రో హీరోయిన్‌గా క‌య‌దు లోహ‌ర్ నటిస్తోన్నట్లు వార్తలొస్తున్నాయి.

బ‌డ్జెట్ త‌గ్గింపు....

డైరెక్ట‌ర్‌గా త‌న తొలి సినిమాను 30 కోట్ల లోపు  కంప్లీట్ చేయాల‌ని రామ్ అనుకున్నార‌ట‌. కానీ రెమ్యూన‌రేష‌న్ల‌తో క‌లిపి మొత్తం  బ‌డ్జెట్ 45 కోట్ల‌ను దాటిన‌ట్లు స‌మాచారం. ప్ర‌స్తుతం బ‌డ్జెట్ త‌గ్గించే మార్గాల గురించి అన్వేషిస్తున్నార‌ట‌. ఈ సినిమాకు నేష‌న‌ల్ అవార్డ్ విన్న‌ర్ తిరు సినిమాటోగ్ర‌ఫీ అందిస్తున్నారు. రామ్ హిట్టు అందుకొని చాలా కాల‌మైంది. అత‌డి కెరీర్‌కు ఈ సినిమా కీల‌కంగా మారింది.