Nithiin | యంగ్ లుక్‌లో నితిన్ – రుక్మిణి కోసం కృష్ణ న‌యా అవ‌తారం

Nithiin | టాలీవుడ్ హీరోలు నితిన్‌, నాని కాంబినేష‌న్‌లో తెర‌కెక్కుతోన్న అలియాస్ రుక్మిణి మూవీ నుంచి స‌ర్‌ప్రైజ్ అప్‌డేట్ వ‌చ్చేసింది. రొమాంటిక్ ల‌వ్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమాకు దండోరా ఫేమ్ ముర‌ళీకాంత్ ద‌ర్శ‌క‌త్వం వ‌హిస్తున్నారు. ఇందులో బాలీవుడ్ బ్యూటీ అఫీయా స‌య్య‌ద్ హీరోయిన్‌గా న‌టిస్తోంది. అలియాస్ రుక్మిణితోనే టాలీవుడ్‌లోకి ఎంట్రీ ఇస్తోంది.

ర‌చ‌యిత‌...

అలియాస్ రుక్మిణి మూవీలో కృష్ణ అనే ర‌చ‌యిత పాత్ర‌లో నితిన్ న‌టిస్తున్న‌ట్లు మేక‌ర్స్ వెల్ల‌డించారు. తాజాగా ఈ మూవీ నుంచి మ‌రో స‌ర్‌ప్రైజ్‌ను రివీల్ చేశారు. ఇందులో కాలేజీ స్టూడెంట్‌గా మ‌రో యంగ్ లుక్‌లో నితిన్ క‌నిపించ‌బోతున్నాడు. ఈ కొత్త లుక్‌కు సంబంధించిన పోస్ట‌ర్‌ను శ‌నివారం రిలీజ్ చేశారు. ఇందులో క్లాస్ రూమ్‌లో బెంచ్‌పై కూర్చొని నూనూగు మీసాల కుర్రాడిగా నితిన్ క‌నిపిస్తోన్నారు. ఈ పోస్ట‌ర్ అభిమానుల‌ను ఆక‌ట్టుకుంటోంది.

డిసెంబ‌ర్ 4న‌...

అలియాస్ రుక్మిణి మూవీకి హీరో నాని ప్ర‌జెంట‌ర్‌గా వ్య‌వ‌హ‌రిస్తున్నారు. నాని సోద‌రి దీప్తి ఘంటా నిర్మిస్తున్న ఈ రొమాంటిక్ ఎంట‌ర్‌టైన‌ర్ మూవీ డిసెంబ‌ర్ 4న థియేట‌ర్ల‌లోకి రాబోతుంది. షూటింగ్ పూర్త‌య్యింది. కేవ‌లం మూడు నెల‌ల్లోనే చిత్రీక‌ర‌ణ మొత్తం పూర్తిచేసేశారు. ప్ర‌స్తుతం నిర్మాణానంత‌ర కార్య‌క్ర‌మాలు జ‌రుగుతున్నాయి. విజ‌య్ బుల్గానిన్ మ్యూజిక్ అందిస్తున్నారు.