Aafia Sayed | నితిన్ అలియాస్ రుక్మిణికి హీరోయిన్ దొరికిందోచ్ – బాలీవుడ్ బ్యూటీ బ్యాక్‌గ్రౌండ్ మామూలుగా లేదుగా!

Aafia Sayed | నితిన్ క‌థానాయ‌కుడిగా న‌టిస్తోన్న అలియాస్ రుక్మిణి సినిమాకు హీరో నాని ప్ర‌జెంట‌ర్‌గా వ్య‌వ‌హ‌రిస్తోన్నారు. రొమాంటిక్ కామెడీగా తెర‌కెక్కుతోన్న ఈ మూవీని నాని సోద‌రి దీప్తి ఘంటా నిర్మిస్తోంది. దండోరా ఫేమ్ ముర‌ళీకాంత్ ద‌ర్శ‌క‌త్వం వ‌హిస్తోన్న అలియాస్ రుక్మిణి డిసెంబ‌ర్ 4న థియేట‌ర్ల‌లోకి రాబోతుంది.

వీడియో గ్లింప్స్ రిలీజ్‌...

షూటింగ్ మొద‌లై రెండు నెల‌లు అవుతోన్న ఈ సినిమాలో హీరోయిన్ ఎవ‌ర‌న్న‌ది మేక‌ర్స్ ఇప్ప‌టివ‌ర‌కు రివీల్ చేయ‌లేదు. ఎట్ట‌కేల‌కు ఈ స‌స్పెన్స్ వీడింది. అలియాస్ రుక్మిణిలో నితిన్ స‌ర‌స‌న‌ బాలీవుడ్ బ్యూటీ ఆఫియా సయ్యద్ హీరోయిన్‌గా న‌టిస్తోంది. ఈ అప్‌డేట్‌ను రివీల్ చేస్తూ మేక‌ర్స్ మంగ‌ళ‌వారం ఓ స్పెష‌ల్ వీడియో గ్లింప్స్‌ను రిలీజ్ చేశారు. ఈ రుక్మిణి అనే స్కూల్ టీచర్‌గా ఆఫియా సయ్యద్ కనిపిస్తుంది. ఆమెకు విద్యార్థులు ‘డెవిల్’, ‘హిట్లర్’, ‘హోంవర్క్ పోలీస్’ వంటి పేర్లు పెడుతూ బోర్డ్‌పై రాస్తారు. వాటిని చూసి కోపంగా అదే బోర్డుపై తన పేరు రుక్మిణి అని రాస్తూ, ఆ తర్వాత విద్యార్థుల వైపు ఇంటెన్స్ గా ఆఫియా సయ్యద్ చూడ‌టం ఈ గ్లింప్స్‌లో ఆక‌ట్టుకుంటోంది. ఈ గ్లింప్స్ చూస్తుంటే అందం, అహంకారం క‌ల‌గ‌లిసిన అమ్మాయిగా ఆఫియా సయ్యద్ ఈ సినిమాలో క‌నిపించ‌బోతున్న‌ట్లు క‌నిపిస్తోంది.

ప్రేమలు రీమేక్...

అలియాస్ రుక్మిణితోనే ఆఫియా సయ్యద్ హీరోయిన్‌గా టాలీవుడ్‌లోకి ఎంట్రీ ఇస్తోంది. బాలీవుడ్‌లో ప్రేమ కీటాను పేరుతో ఓ సినిమా చేసింది. మ‌మితాబైజు సూప‌ర్ హిట్ మూవీ ప్రేమ‌లుకు రీమేక్‌గా తెర‌కెక్కిన ఈ సినిమా బాలీవుడ్‌లో డిజాస్ట‌ర్‌గా నిలిచింది.

స్టార్ ప్రొడ్యూస‌ర్‌...

ఆఫియా సయ్యద్ బాలీవుడ్‌లో గ‌ట్టి బ్యాక్‌గ్రౌండ్ ఉంది. బాలీవుడ్ స్టార్ ప్రొడ్యూస‌ర్ సాజిద్ న‌డియాడ్‌వాలా మేన‌కోడ‌లే ఆఫియా సయ్యద్ . ఆమె త‌ల్లి కూడా నిర్మాతే. ట్రిపుల్ ఏస్ అనే బ్యాన‌ర్‌పై ఆఫియా సయ్యద్ త‌ల్లి ఆఫీఫా న‌డియాడ్‌వాలా కొన్ని మ‌రాఠీతో పాటు బాలీవుడ్ సినిమాల‌ను ప్రొడ్యూస్ చేశారు. ఆఫియా సయ్యద్ తండ్రితో పాటు తాత కూడా నిర్మాత‌లుగా సినిమాలు చేశారు.