Ram Gopal Varma Diwali Tweet | “చేతులు కాల్చుకునే వారికి నా విషెస్ వర్తించవు”.. దీపావళి వేళ పొల్యూషన్, టపాసులపై ఆర్జీవీ ట్వీట్!

• ఆర్జీవీ మార్క్ విషెస్
• గాయపడే వారికి మినహాయింపు
• జాగ్రత్తలు చెప్పనంటూనే చురకలు
• కాలుష్యంపై వ్యంగ్యాస్త్రాలు

Ram Gopal Varma Diwali Tweet | త్రినేత్ర న్యూస్ : ఏ పండుగ వచ్చినా, ఏ సందర్భమైనా అందరికంటే భిన్నంగా స్పందించడం ప్రముఖ సినీ దర్శకుడు రామ్ గోపాల్ వర్మ (Ram Gopal Varma) స్టైల్. తాజాగా దీపావళి పండుగ సందర్భంగా కూడా ఆర్జీవీ సోషల్ మీడియా (X) వేదికగా తనదైన శైలిలో వ్యంగ్యాస్త్రాలు సంధిస్తూ నెటిజన్లకు వెరైటీగా దీపావళి శుభాకాంక్షలు తెలిపారు. టపాసులు కాల్చే క్రమంలో గాయపడే వారిని, పర్యావరణ కాలుష్యాన్ని పెంచే వారిని టార్గెట్ చేస్తూ ఆయన చేసిన ట్వీట్ ఇప్పుడు వైరల్ అవుతోంది.

"టపాసులు కాల్చి తమ చేతి వేళ్లు లేదా ఇంకేదైనా కాల్చుకునే వారికి తప్ప.. మిగతా అందరికీ హ్యాపీ దీపావళి! అయితే నేను చెప్పినా ఎలాగూ ఎవరూ వినరు కాబట్టి, జాగ్రత్తగా ఉండమని మాత్రం నేను ఎవరికీ చెప్పను" అంటూ ఫైర్ ఎమోజీలతో తన పోస్ట్‌ను మొదలుపెట్టారు వర్మ. పండుగ పూట నిర్లక్ష్యంగా టపాసులు కాల్చి ఆస్పత్రి పాలయ్యే వారిని ఉద్దేశించి ఆయన ఈ సెటైర్ వేశారు.

అంతటితో ఆగకుండా పండుగ వేళ పెరిగిపోతున్న కాలుష్యంపైనా ఆర్జీవీ తన మార్క్ పంచ్ వేశారు. "శబ్ద కాలుష్యం (Noise Pollution), వాయు కాలుష్యం (Air Pollution) పెంచడానికి తమ వంతు సహకారం అందించే మహానుభావులకు మరింత గొప్ప 'హ్యాపీయర్ దీపావళి' శుభాకాంక్షలు" అంటూ వ్యంగ్యంగా చురకలు అంటించారు. సాధారణంగా సెలబ్రిటీలంతా రొటీన్ పండుగ విషెస్ చెబుతుంటే, వర్మ మాత్రం తన ట్రేడ్‌మార్క్ సర్కాజం (Sarcasm) తో చేసిన ఈ పోస్ట్ సోషల్ మీడియాలో హాట్ టాపిక్‌గా మారింది.

Happy Diwali to all , except for those who will burn their fingers or something else ..But since nobody anyway will listen I won’t tell anyone to be careful ! 🔥🔥🔥 and I wish a even more Happier Diwali to those who will contribute to noise and air pollution 🙌🏻🙌🏻🙌🏻🔥🔥🔥

— Ram Gopal Varma (@RGVzoomin) November 8, 2026