Cocktail 2 Jab Talak Song | కాక్ టెయిల్ 2: ‘జబ్ తలక్’ సాంగ్ రిలీజ్.. అర్జిత్ సింగ్ పాటకు రష్మిక డ్యాన్స్ అదుర్స్

Cocktail 2 Jab Talak Song | త్రినేత్ర.న్యూస్ : ముగ్గురు అగ్ర తారలు, హుషారెత్తించే డ్యాన్స్, అందమైన బీచ్ లొకేషన్స్, దీనికి తోడు అర్జిత్ సింగ్ మ్యాజికల్ వాయిస్.. ఇవన్నీ కలిస్తే సూపర్ హిట్ 'కాక్ టెయిల్' రెడీ అయినట్లే. బాలీవుడ్ ప్రేక్షకులు ఎంతో ఆసక్తిగా ఎదురుచూస్తున్న 'కాక్ టెయిల్ 2' (Cocktail 2) సినిమా నుంచి మొదటి పాట విడుదలై ప్రేక్షకులను విశేషంగా ఆకట్టుకుంటోంది.

'జబ్ తలక్' (Jab Talak) పేరుతో విడుదలైన ఈ ఫస్ట్ సింగిల్‌లో బాలీవుడ్ స్టార్ హీరో షాహిద్ కపూర్, టాలెంటెడ్ బ్యూటీ కృతి సనన్, నేషనల్ క్రష్ రష్మిక మందన్న సందడి చేశారు. ఈ ఎనర్జిటిక్ అండ్ రొమాంటిక్ ట్రాక్‌ను స్టార్ సింగర్ అర్జిత్ సింగ్, ఆకాస కలిసి ఆలపించారు. ఈ పాటకు ప్రీతమ్ తనదైన శైలిలో అద్భుతమైన సంగీతాన్ని అందించగా.. అమితాబ్ భట్టాచార్య క్యాచీ లిరిక్స్ సమకూర్చారు.

పాట ఎలా ఉందంటే..

అందమైన సమ్మర్ ఔట్‌ఫిట్స్‌లో కృతి సనన్, రష్మిక మందన్న స్టన్నింగ్ బీచ్ లొకేషన్‌లో అందాలు ఆరబోస్తూ సాంగ్ కు మరింత గ్లామర్ అద్దారు. వీరికి తోడుగా తనదైన స్వాగ్, అద్భుతమైన డ్యాన్స్ స్కిల్స్‌తో షాహిద్ కపూర్ వేసిన స్టెప్పులు హైలైట్‌గా నిలిచాయి. ఈ పాట విజువల్స్ చూస్తుంటే.. మొదటి 'కాక్ టెయిల్' సినిమాలోని సూపర్ హిట్ ట్రాక్ 'తుమ్ హీ హో బంధు' (Tum Hi Ho Bandhu) వైబ్స్ గుర్తుకురాక మానవు.  ఈ పాటలో ఈ ముగ్గురు స్టార్స్ దాగుడుమూతలు ఆడుకోవడం, ఒకరినొకరు ఆటపట్టించుకోవడం వంటి దృశ్యాలతో వారి మధ్య కెమిస్ట్రీ పర్ఫెక్ట్ గా వర్కౌట్ అయింది.

'కాక్ టెయిల్ 2' గురించి..

హోమీ అదజానియా దర్శకత్వం వహించిన ఈ సినిమా షూటింగ్ జనవరిలోనే పూర్తయింది. షూటింగ్ పూర్తయిన సందర్భంగా దర్శకుడు తన టీమ్‌తో దిగిన ఫన్ పిక్‌ను షేర్ చేస్తూ.. "కాక్ టెయిల్ 2 షూటింగ్ వ్రాప్ అప్. నా అద్భుతమైన క్రూ, కాస్ట్‌కి పెద్ద థాంక్స్" అని పేర్కొన్నారు.  ఈ సినిమా గురించి కృతి సనన్ ఓ ఇంటర్వ్యూలో ఆసక్తికర విషయాలు పంచుకుంది.

"మీరు మొదటి కాక్ టెయిల్ సినిమా చూసినప్పుడు.. అది 12 ఏళ్ల క్రితం నాటి సినిమా లాగా అనిపించదు. ఇప్పటికీ ఫ్రెష్‌గా నేటి సినిమా లాగే ఫీల్ ఇస్తుంది. ఇప్పుడు రాబోతున్న కాక్ టెయిల్ 2 కూడా అంతే రిఫ్రెషింగ్‌గా ఉంటుంది. విజువల్స్ చాలా అద్భుతంగా వచ్చాయి. నేటి ఆధునిక సంబంధాలు (modern equations and relationships) గురించి ఈ సినిమాలో చూపించనున్నారు.  షాహిద్, రష్మికలతో కలిసి షూటింగ్ చేయడం చాలా ఎంజాయ్ చేశాను. దర్శకుడు హోమీతో ప్రయాణం ఒక ఫన్ రైడ్ లాగా సాగింది." అంటూ కృతి చెప్పుకొచ్చింది. శరవేగంగా పోస్ట్ ప్రొడక్షన్ పనులు జరుపుకుంటున్న ఈ చిత్రం జూన్ 19న థియేటర్లలో గ్రాండ్‌గా విడుదల కానుంది.