Chiranjeevi fan died | చిరంజీవి సినిమా చూస్తూ ఆగిన అభిమాని గుండె

Chiranjeevi fan died | హైద‌రాబాద్ కూక‌ట్‌ప‌ల్లిలోని అర్జున్ థియేట‌ర్‌లో విషాదం చోటుచేసుకుంది. సినిమా చూస్తూ థియేట‌ర్‌లోనే ఓ అభిమాని మృత్యువాత ప‌డ్డారు. చిరంజీవి హీరోగా న‌టించిన మన శంకర వరప్రసాద్ గారు మూవీ సోమవారం రిలీజైంది. ఈ సినిమా చూడ‌టానికి కూక‌ట్‌ప‌ల్లిలోని అర్జున్ థియేట‌ర్‌కు ఆనంద్ కుమార్ అనే వ్య‌క్తి ఉద‌యం ఆట‌కు వ‌చ్చారు. సినిమా స్క్రీనింగ్ అవుతోన్న స‌మ‌యంలో థియేట‌ర్‌లోనే ఆనంద్ కుమార్ కుప్ప‌కూలిపోయారు. థియేట‌ర్ స్టాఫ్‌తో పాటు అభిమానులు ఆయ‌న్ని హుటాహుటినా హాస్పిట‌ల్‌కు త‌ర‌లించారు. అప్ప‌టికే ఆనంద్ కుమార్ చ‌నిపోయిన‌ట్లు వైద్యులు ప్ర‌క‌టించారు. సినిమా చూస్తూ థియేట‌ర్‌లోనే ప్రాణాలు వ‌ద‌ల‌డం అభిమానుల‌ను క‌లిసిచేసింది. గుండెపోటుతో ఆనంద్ కూమార్ చ‌నిపోయిన‌ట్లు పోలీసులు అనుమానిస్తున్నారు. కేసు న‌మోదు చేసుకొని విచార‌ణ కొన‌సాగిస్తున్నారు. ఆనంద్ కుమార్ ఏఎస్ఐగా ప‌నిచేసి రిటైర్ అయ్యారు.