Chiranjeevi | మ‌రోసారి మంచి మ‌న‌సు చాటుకున్న మెగాస్టార్ – గ‌బ్బ‌ర్‌సింగ్ న‌టుడికి ఆర్థిక సాయం

Chiranjeevi | ప‌వ‌న్ క‌ళ్యాణ్ గ‌బ్బ‌ర్‌సింగ్ మూవీతో ఫేమ‌స్ అయిన న‌టుడు ర‌మేష్ ఇటీవ‌ల బ్రెయిన్ స్ట్రోక్‌కు గుర‌య్యారు. గ‌త కొద్ది రోజులుగా హైద‌రాబాద్‌లోని ఓ ప్రైవేటు హాస్పిట‌ల్‌లో చికిత్స పొందుతున్నాడు. ర‌మేష్ కుటుంబానికి మెగాస్టార్ చిరంజీవి అండ‌గా నిలిచారు. చికిత్స‌కు అవ‌స‌ర‌మైన ఆర్థిక సాయాన్ని అంద‌జేశారు. మూడు ల‌క్ష‌ల రూపాయ‌ల చెక్‌ను ర‌మేష్ కుటుంబ‌స‌భ్యుల‌కు అందించారు.

అపోలో హాస్పిట‌ల్‌....

అపోలో హాస్పిట‌ల్ వైద్యుల‌తో మాట్లాడుతూ రమేష్ ఆరోగ్య పరిస్థితిని ఎప్పటికప్పుడు తెలుసుకుంటున్నారు చిరంజీవి. చికిత్సకు అవసరమైన అన్ని విధాల సహాయం అందేలా ప్రత్యేక శ్రద్ధ తీసుకుంటున్నారు. రాష్ట్ర ప్రభుత్వ ఆరోగ్య బీమా పథకం ద్వారా కూడా అవసరమైన సహాయం అందేలా సిఫార్సు చేస్తాన‌ని ర‌మేష్ కుటుంబ‌ సభ్యులకు చిరంజీవి హామీ ఇచ్చారు.

కాల‌రే ఎత్త‌రా....

గ‌బ్బ‌ర్‌సింగ్‌తో ఫేమ‌స్ అయిన ర‌మేష్ ప‌లు సినిమాల్లో విల‌న్‌గా న‌టించాడు. ఉస్తాద్ భ‌గ‌త్‌సింగ్‌లో ప‌వ‌న్ క‌ళ్యాణ్‌తో క‌లిసి కాల‌రే ఎత్త‌రా అనే పాట‌లో క‌నిపించాడు.