Chiranjeevi | చిరంజీవి సినిమాలో అలా వైకుంఠ‌పుర‌ములో బ్యూటీ – జెట్ స్పీడ్‌లో మెగా 158 షూటింగ్‌

Chiranjeevi |  వాల్తేర్ వీర‌య్య బ్లాక్‌బ‌స్ట‌ర్ త‌ర్వాత చిరంజీవి, డైరెక్ట‌ర్ బాబీ కాంబినేష‌న్‌లో మ‌రో మూవీ రాబోతుంది. మెగా 158 అనే వ‌ర్కింగ్ టైటిల్‌తో యాక్ష‌న్ థ్రిల్ల‌ర్‌గా రూపొందిన ఈ మూవీ ఇటీవ‌లే గ్రాండ్‌గా లాంఛ్ అయ్యింది. జెట్ స్పీడ్‌లో మేక‌ర్స్ ఈ సినిమా ఫ‌స్ట్‌ షెడ్యూల్‌ను కంప్లీట్ చేశారు.

బుధ‌వారంతో...

ఇటీవ‌లే మెగా 158 షూటింగ్ పొల్లాచ్చిలో మొద‌లైంది. ఈ షెడ్యూల్‌లో చిరంజీవి, అన‌స్వ‌ర రాజ‌న్‌, నివేదా థామ‌స్‌తో పాటు ప్ర‌ధాన తారాగ‌ణంపై కీల‌క స‌న్నివేశాల‌ను చిత్రీక‌రించారు డైరెక్ట‌ర్‌. బుధ‌వారం నాటితో పొల్లాచ్చి షెడ్యూల్ పూర్త‌య్యింది. ఈ ఫొటోల‌ను చిత్ర‌యూనిట్ అభిమానుల‌తో పంచుకున్నారు. ఈ ఫొటోల్లో చిరంజీవితో పాటు నివేదా థామ‌స్‌, అన‌స్వ‌ర రాజ‌న్ క‌నిపిస్తోన్నారు.

నివేదా థామ‌స్ రీఎంట్రీ....

చిరంజీవి మూవీతోనే నివేదా థామ‌స్ దాదాపు మూడేళ్ల గ్యాప్ త‌ర్వాత టాలీవుడ్‌లోకి రీఎంట్రీ ఇవ్వ‌బోతుంది. మేక‌ర్స్ రిలీజ్ చేసిన ఫొటోల్లో చీర‌క‌ట్టులో డీ గ్లామ‌ర్ లుక్‌లో నివేద క‌నిపిస్తోంది. ఆమె రోల్ ఏమిట‌న్న‌ది అభిమానుల్లో ఆస‌క్తిక‌రంగా మారింది. త్వ‌ర‌లోనే నెక్స్ట్ షెడ్యూల్‌ను మొద‌లుపెట్ట‌బోతున్న‌ట్లు ప్ర‌క‌టించారు. ఈ సినిమాకు త‌మ‌న్ మ్యూజిక్ అందిస్తున్నాడు. శాండ‌ల్‌వుడ్ అగ్ర నిర్మాణ సంస్థ కేవీఎన్ ప్రొడ‌క్ష‌న్స్ ఈ సినిమాను నిర్మిస్తోంది.