Malayalam OTT | తెలుగులో ఓటీటీలో రిలీజైన మ‌ల‌యాళ క్రైమ్ థ్రిల్ల‌ర్ మూవీ – టూ మ‌చ్ వ‌య‌లెన్స్‌

Malayalam OTT |  శ్రీనాథ్ భాసీ, ర‌వీనా ర‌వి హీరోహీరోయిన్లుగా న‌టించిన మ‌ల‌యాళం మూవీ ఆజాదీ గ‌త ఏడాది థియేట‌ర్ల‌లో రిలీజైంది. క్రైమ్ థ్రిల్ల‌ర్‌గా తెర‌కెక్కిన ఈ సినిమాలో సీనియ‌ర్ హీరోయిన్ వాణి విశ్వ‌నాథ్ ప్ర‌ధాన పాత్ర‌లో న‌టించింది. మోస్ట్ వ‌య‌లెంట్ మూవీగా మ‌ల‌యాళ ప్రేక్ష‌కుల‌ను భ‌య‌పెట్టిన ఆజాదీ తాజాగా తెలుగులోకి వ‌చ్చింది. గురువారం డైరెక్ట్‌గా ఆహా ఓటీటీలో ఈ మూవీ రిలీజైంది. ఆజాదీ మూవీకి జో జార్జ్ ద‌ర్శ‌క‌త్వం వ‌హించారు.

హింస‌, ర‌క్త‌పాతం...

రివేంజ్ థ్రిల్ల‌ర్‌గా తెర‌కెక్కిన ఆజాదీ మ‌ల‌యాళంలో నెగెటివ్ టాక్‌ను సొంతం చేసుకుంది. మితిమీరిన హింస‌, ర‌క్త‌పాత స‌న్నివేశాల‌తో ద‌ర్శ‌కుడు ఈ సినిమాను తెర‌కెక్కించ‌డంపై విమ‌ర్శ‌లు వ‌చ్చాయి. అయితే  ఈ నెగెటివ్ టాక్‌తో సంబంధం లేకుండా థియేట‌ర్ల‌లో ఆజాదీ మంచి వ‌సూళ్ల‌ను రాబ‌ట్టింది. ఇందులో పోలీస్ ఆఫీస‌ర్ పాత్ర‌లో సీనియ‌ర్ హీరోయిన్ వాణి విశ్వ‌నాథ్ క‌నిపించింది. సైజు కురుప్‌, లాల్ కీల‌క పాత్ర‌లు పోషించారు. ఆజాదీతోనే జో జార్జ్ డైరెక్ట‌ర్‌గా మ‌ల‌యాళంలోకి ఎంట్రీ ఇచ్చాడు.

ఆజాదీ క‌థ ఇదే...

మోహ‌న్ కేర‌ళ‌లోనే ఫేమ‌స్ పొలిటీషియ‌న్‌. అత‌డి కొడుకును గంగ అనే మ‌హిళ హ‌త్య చేస్తుంది. కొడుకు మ‌ర‌ణాన్ని త‌ట్టుకోలేని మోహ‌న్ త‌న ప‌లుకుబ‌డితో గంగ‌కు ఉరిశిక్ష పడేలా చేస్తాడు. గంగ ప్రెగ్నెంట్ కావ‌డంతో ఉరిశిక్ష‌ను జైలు అధికారులు వాయిదావేస్తారు. డెలివ‌రీ కోసం గంగ‌ను హాస్పిట‌ల్‌లో జాయిన్ చేస్తారు అధికారులు. ఆ హాస్పిట‌ల్ నుంచి గంగ‌ను త‌ప్పించేందుకు ఆమె భ‌ర్త ర‌ఘు ప్లాన్ చేస్తాడు. మ‌రోవైపు గంగ‌ను హాస్పిట‌ల్‌లోనే చంపేందుకు మోహ‌న్ మ‌నుషులు ప్ర‌య‌త్నిస్తారు. గంగ హాస్పిట‌ల్ నుంచి త‌ప్పించుకుందా? మోహ‌న్ మ‌నుషుల బారి నుంచి భార్య‌ను ర‌ఘు కాపాడుకున్నాడా? అన్న‌దే ఈ మూవీ క‌థ‌.