Anil Ravipudi | బిగ్‌బాస్ కా బాప్ – తెలుగులో మ‌రో కొత్త రియాలిటీ షో – జ‌డ్జ్‌గా అనిల్ రావిపూడి – లాంఛ్ ఎప్పుడంటే?

Anil Ravipudi | రియాలిటీ షోస్‌లో బిగ్‌బాస్‌కు వ‌చ్చినంత క్రేజ్ ఏ షోకు రాలేదు. బిగ్‌బాస్‌కు పోటీగా చాలానే షోస్ మొద‌ల‌య్యాయి. కానీ ఏవి కూడా బిగ్‌బాస్‌ను బీట్ చేయ‌లేక‌పోయాయి. హిందీలో మొద‌లైన బిగ్‌బాస్ ఆ త‌ర్వాత తెలుగుతో పాటు త‌మిళం, మ‌ల‌యాళం, క‌న్న‌డ భాష‌ల్లో పాపుల‌ర్ అయ్యింది. బిగ్‌బాస్‌ క్రేజ్ క్ర‌మ‌క్ర‌మంగా త‌గ్గిపోతుంది. దాంతో జియో హాట్‌స్టార్ మ‌రో కొత్త షో ప్లాన్ చేసింది. మ్యాడ్ ఫ‌ర్ ఈచ్ అద‌ర్ పేరుతో ఓ సెలిబ్రిటీ కపుల్ షోను తెర‌కెక్కించ‌బోతున్న‌ట్లు ఇటీవ‌ల ప్ర‌క‌టించింది. మొత్తం ప‌ది జంట‌లు ఓ ల‌గ్జ‌రీ విల్లాలో ప‌ది వారాల (70 రోజులు) పాటు క‌లిసి ఉండాల‌నే కాన్సెప్ట్‌తో ఈ షోను ఉండబోతున్నట్లు వెల్ల‌డించింది.

అనిల్ రావిపూడి...

ఈ క‌పుల్ రియాలిటీ షోకు జ‌డ్జ్‌లు కూడా క‌న్ఫామ్ అయ్యారు. బ్లాక్‌బ‌స్ట‌ర్ డైరెక్ట‌ర్ అనిల్ రావిపూడితో పాటు సీనియ‌ర్ హీరోయిన్లు రాధ‌, ల‌య జ‌డ్జ్‌లుగా వ్య‌వ‌హ‌రించ‌నున్నారు. శ్రీముఖి హోస్ట్‌గా క‌నిపించ‌బోతుంది. జియో హాట్‌స్టార్‌తో పాటు స్టార్ మాలో ఈ షో టెలికాస్ట్ కానుంది. త్వ‌ర‌లోనే ఈ షో లాంఛ్ కానున్న‌ట్లు ఇటీవ‌ల జియో హాట్‌స్టార్ ప్ర‌క‌టించింది. బిగ్‌బాస్ త‌ర‌హాలోనే కంటెస్టెంట్స్‌కు ర‌క‌ర‌కాల టాస్కులు, గేమ్స్‌తో ఈ షో ఉండ‌బోతున్న‌ట్లు స‌మాచారం.

కంటెస్టెంట్స్ ఎవ‌రంటే?

మ్యాడ్ ఫ‌ర్ ఈజ్ ఆద‌ర్ షోలో పాల్గొనే కంటెస్టెంట్‌లు అల్రెడీ ఫిక్సైన‌ట్లు స‌మాచారం. సీరియ‌ల్ యాక్ట‌ర్ల‌తో పాటు కొంద‌రు బిగ్‌బాస్ కంటెస్టెంట్స్‌, వెబ్‌సిరీస్‌, సోష‌ల్ మీడియాతో ఫేమ‌స్ అయిన న‌టులు కూడా ఈ షోలో జంట‌లుగా క‌నిపించ‌బోతున్న‌ట్లు స‌మాచారం.నూకరాజు - ఆసియా, ఇమామ్మాన్యుయేల్ - మాధురి, అమర్‌దీప్ - తేజస్విని (తేజు), ప్రియాంక జైన్ - శివకుమార్ , హరిత - హరీష్ , నటరాజ్ మాస్టర్ - నీతూ , అంజలి - పవన్ సంతోష్, శుభశ్రీ రాయగురు - అజయ్, సోనియా సింగ్ - సిద్ధు , సాండ్రా - మహేష్ బాబు , వాసంతి - పవన్ కల్యాణ్ మ్యాడ్ ఫ‌ర్ ఈచ్ అద‌ర్‌లో కంటెస్టెంట్స్‌గా క‌నిపించ‌బోతున్న‌ట్లు వార్త‌లు వినిపిస్తున్నాయి. వీరే ఉంటారా?  కొత్త వాళ్లు  విల్లాలో అడుగుపెడతారా అన్నది లాంఛింగ్ రోజు రివీల్ కానుంది. లాంఛింగ్ ఎపిసోడ్ ను గ్రాండ్ గా ప్లాన్ చేసినట్లు సమాచారం.