KTR | డైరెక్టర్ ఎన్ శంకర్‌ను పరామర్శించిన కేటీఆర్

KTR |  టాలీవుడ్ సీనియర్ డైరెక్టర్ ఎన్. శంకర్ తల్లి సక్కుబాయమ్మ ఇటీవల కన్నుమూశారు. ఈ నేపథ్యంలో బీఆర్‌ఎస్ వర్కింగ్ ప్రెసిడెంట్ కేటీఆర్ దర్శకుడు ఎన్ శంకర్ నివాసానికి వెళ్లి ఆయ‌న‌ను పరామర్శించారు. ‘జై బోలో తెలంగాణ’ సినిమా ద్వారా, గద్దర్ అన్న పాటతో తెలంగాణ అంతటా ఉద్యమానికి ఎన్ శంక‌ర్‌ ఊపు తీసుకొచ్చార‌ని కేటీఆర్ అన్నారు. శంకర్‌తో పాటు ఆయ‌న కుటుంబానికి బీఆర్‌ఎస్ పార్టీ ఎప్పుడూ అండగా ఉంటుంద‌ని కేటీఆర్ పేర్కొన్నారు. స‌క్కుబాయ‌మ్మ ద‌శ‌క‌ర్మ‌ కార్యక్రమానికి తప్పకుండా తాను హాజరవుతానని కేటీఆర్ హామీ ఇచ్చారు.