Komalee Prasad | కోలీవుడ్‌లోకి ఎంట్రీ ఇస్తోన్న అచ్చ తెలుగు హీరోయిన్‌…

Komalee Prasad | కోమ‌లి ప్రసాద్....నెపోలియ‌న్, సెబాస్టియ‌న్‌తో పాటు మ‌రికొన్ని తెలుగు సినిమాల్లో హీరోయిన్‌గా క‌నిపించింది. అడివి శేష్ హిట్ 2తో పాటు నాని హిట్ 3లో పోలీస్ ఆఫీస‌ర్‌గా ర‌ఫ్ అండ్ ట‌ఫ్ రోల్‌తో మెప్పించింది. ఓ వైపు సినిమాలు చేస్తూనే మోడ్ర‌న్ ల‌వ్ హైద‌రాబాద్‌, ట‌చ్ మీ నాట్‌తో పాటు తెలుగులో మ‌రికొన్ని వెబ్‌సిరీస్‌లు చేసి న‌టిగా స‌త్తా చాటింది. తాజాగా ఈ అచ్చ తెలుగు బ్యూటీ కోలీవుడ్‌లోకి ఎంట్రీ ఇవ్వ‌బోతుంది. మండ‌వెట్టి పేరుతో త‌మిళంలో ఓ సినిమా చేయ‌బోతుంది. సూప‌ర్ నాచుర‌ల్ క్రైమ్ థ్రిల్ల‌ర్‌గా రూపొందుతోన్న ఈ సినిమాకు శ‌ర‌ణ్ రాజ్ సెంథిల్ కుమార్ ద‌ర్శ‌క‌త్వం వ‌హిస్తున్నారు.

రెగ్యుల‌ర్ షూటింగ్‌...

మండ‌వెట్టి మూవీ పూజా కార్య‌క్ర‌మాల‌ను ఇటీవ‌ల నిర్వ‌హించారు. రెగ్యుల‌ర్ షూటింగ్ మొద‌లైంది. ప్రస్తుతం తమిళనాడులోని మధురై జిల్లా ఉసిలంపట్టి ప్రాంతంలో షూటింగ్ జ‌రుపుతున్నారు. సూప‌ర్ నేచుర‌ల్ క్రైమ్ థ్రిల్ల‌ర్ అంశాల‌తో పాటు మిస్టిసిజం అనే కొత్త పాయింట్‌ను ఈ మూవీలో ట‌చ్ చేయ‌బోతున్నారు.

వెల్ల‌కుదిర‌...

శ‌ర‌ణ్ రాజ్ సెంథిల్ కుమార్ గ‌తంలో వెల్ల కుదిర సినిమాకు ద‌ర్శ‌క‌త్వం వ‌హించారు. సైక‌లాజిక‌ల్ థ్రిల్ల‌ర్‌గా రూపొందిన ఈ మూవీ క‌మ‌ర్షియ‌ల్ స‌క్సెస్‌గా నిలిచింది. మండ‌వెట్టి సినిమాలో మ‌రో డిఫ‌రెంట్ పాయింట్ ట‌చ్ చేయ‌బోతున్నారు. ఇందులో తేన‌ప్ప‌న్‌, గ‌జ‌రాజ్‌, అమృత కీల‌క పాత్ర‌ల్లో క‌నిపించ‌బోతున్నారు. ప‌వ‌ర్‌ఫుల్ ఉమెన్ ఓరియెంటెడ్ మూవీకి సంబంధించిన పూర్తి వివ‌రాల‌ను త్వ‌ర‌లోనే వెల్ల‌డిస్తామ‌ని మేక‌ర్స్ వెల్ల‌డించారు.

డాక్ట‌ర్‌...

స్వ‌త‌హాగా డాక్ట‌ర్ అయిన కోమ‌లి ప్ర‌సాద్ న‌ట‌న‌పై ఇంట్రెస్టింగ్‌తో యాక్ట‌ర్‌గా మారింది. ప్ర‌స్తుతం డెంట‌ల్ డాక్ట‌ర్‌గా ప్రాక్టీస్ చేస్తూనే సినిమాలో చేస్తోంది.