Kaviya Maran | కోలీవుడ్ రాక్‌స్టార్‌తో ఏడడుగులు వేయ‌బోతున్న‌ కావ్య పాప – పెళ్లి ఎప్పుడు..ఎక్క‌డంటే?

Kaviya Maran | కోలీవుడ్ రాక్‌స్టార్‌ అనిరుధ్ , ఎస్ఆర్‌హెచ్ టీమ్ ఓన‌ర్ కావ్య మార‌న్ ప్రేమ‌లో ఉన్న‌ట్లుగా త‌మిళ సినీ వ‌ర్గాల్లో చాలా కాలంగా పుకార్లు షికారు చేస్తోన్నాయి. త్వ‌ర‌లోనే వీరిద్ద‌రు పెళ్లిపీట‌లు ఎక్క‌బోతున్న‌ట్లు ప్ర‌చారం జ‌రుగుతోంది. వీరి పెళ్లి డేట్‌తో పాటు వివాహ వేదిక కూడా ఖ‌రారైంద‌ట‌..

న్యూయార్క్ ట్రిప్‌...

అనిరుధ్‌, కావ్య మార‌న్ మ‌ధ్య గ‌త ఏడాది కాలంగా సీక్రెట్ ల‌వ్‌స్టోరీ సాగుతున్న‌ట్లు స‌మాచారం. కొన్ని నెల‌ల క్రితం వీరిద్ద‌రు న్యూయార్క్ ట్రిప్‌ను ఎంజాయ్ చేస్తోన్న ఫొటోలు, వీడియోలు సోష‌ల్ మీడియాలో చ‌క్క‌ర్లు కొట్టాయి. ఈ న్యూయార్క్ ట్రిప్‌తోనే వీరి ర‌హ‌స్య ప్రేమాయ‌ణం బ‌య‌ట‌ప‌డింది. త‌మ ప్రేమ‌బంధాన్ని నెక్స్ట్ లెవెల్‌లోకి తీసుకెళ్లేందుకు ఈ జంట రెడీ అయ్యార‌ట‌.

డెస్టినేష‌న్ వెడ్డింగ్‌...

అనిరుధ్ కావ్య మార‌న్ ప్రేమాయ‌ణం గురించి ఇరు కుటుంబ‌స‌భ్యుల‌కు తెలుసున‌ని స‌మాచారం. పెద్ద‌ల‌ అంగీకారంతో ఈ జంట ఈ ఏడాదే పెళ్లి పీట‌లు ఎక్క‌నున్న‌ట్లు కోలీవుడ్‌లో వార్త‌లు జోరుగా వినిపిస్తున్నాయి.  న‌వంబ‌ర్‌లో అనిరుధ్‌, కావ్య మార‌న్ పెళ్లి జ‌రుగ‌నుంద‌ట‌. ఇద్ద‌రి జాత‌కాల దృష్ట్యాను న‌వంబ‌ర్ నెల‌లో ముహూర్తం ఫిక్స్ చేశార‌ట‌. స్పెయిన్‌లో గ్రాండ్‌గా వివాహ వేడుక జ‌రుగ‌నున్న‌ట్లు చెబుతోన్నారు. ఈ డెస్టినేష‌న్ వెడ్డింగ్‌కు ఇరువురి కుటుంబ‌స‌భ్యుల‌తో పాటు కొంత‌మంది కోలీవుడ్ సినీ ప్ర‌ముఖులు అటెండ్ కానున్న‌ట్లు స‌మాచారం. త్వ‌ర‌లోనే వీరి పెళ్లిపై అఫీషియ‌ల్ అనౌన్స్‌మెంట్ వ‌చ్చే అవ‌కాశం ఉంద‌ని అంటున్నారు.

ర‌జ‌నీకాంత్ మేన‌ల్లుడిగా...

ర‌జ‌నీకాంత్ మేన‌ల్లుడిగా కోలీవుడ్‌లోకి ఎంట్రీ ఇచ్చాడు అనిరుధ్‌. కొల‌వెరి పాట‌తో ఫేమ‌స్ అయిన అనిరుధ్ త‌క్కువ టైమ్‌లోనే త‌మిళంలో టాప్ మ్యూజిక్ డైరెక్ట‌ర్‌గా మారాడు. తెలుగు, త‌మిళంలో విజ‌య్‌, ర‌జ‌నీకాంత్‌, అజిత్‌, ధ‌నుష్‌ పాటు ప‌వ‌న్ క‌ళ్యాణ్‌, ఎన్టీఆర్ వంటి స్టార్ హీరోల సినిమాల‌కు అనిరుధ్ అందించిన పాట‌లు పెద్ద హిట్ట‌య్యాయి. ప్ర‌స్తుతం ద‌క్షిణాదిలో హ‌య్యెస్ట్ రెమ్యూన‌రేష‌న్ తీసుకుంటున్న మ్యూజిక్ డైరెక్ట‌ర్‌గా అనిరుధ్ కొన‌సాగుతోన్నాడు. స‌న్ పిక్చ‌ర్స్ బ్యాన‌ర్‌పై కావ్య మార‌న్ తండ్రి క‌ళానిధి మార‌న్ నిర్మించిన ప‌లు సినిమాల‌కు అనిరుధ్ సంగీత ద‌ర్శ‌కుడిగా ప‌నిచేశాడు. ఆ టైమ్‌లోనే కావ్య మార‌న్‌తో అనిరుధ్‌కు ఏర్ప‌డిన ప‌రిచ‌యం ప్రేమ‌గా మారిన‌ట్లు స‌మాచారం.

ఐపీఎల్‌తో క్రేజ్‌...

ఐపీఎల్ ద్వారా సోష‌ల్ మీడియాలో పాపుల‌ర్ అయ్యింది కావ్య మార‌న్‌. ఎస్ఆర్‌హెచ్ టీమ్‌కు స‌హ య‌జ‌మానిగా వ్య‌వ‌హ‌రిస్తోన్న కావ్య మార‌న్ ప్ర‌తి ఐపీఎల్‌ మ్యాచ్‌కు హాజ‌ర‌వుతుంటుంది. మ్యాచ్ జ‌రుగుతోన్న టైమ్‌లో ఆమె ఇచ్చే ఎక్స్‌ప్రెష‌న్స్‌, సెల‌బ్రేష‌న్స్ ప‌లు మార్లు వైర‌ల్ అయ్యాయి.