Kajal Aggarwal | ఓటీటీలోకి కాజ‌ల్ అగ‌ర్వాల్ తెలుగు క్రైమ్ థ్రిల్ల‌ర్ వెబ్‌సిరీస్ – స్ట్రీమింగ్ ఎందులో అంటే?

Kajal Aggarwal |ఒక‌ప్పుడు టాలీవుడ్‌లో టాప్ హీరోయిన్ల‌లో ఒక‌రిగా వెలుగొందింది కాజ‌ల్ అగ‌ర్వాల్‌ (Kajal Aggarwal). చిరంజీవి, బాల‌కృష్ణ‌ నుంచి ఎన్టీఆర్‌, మ‌హేష్‌బాబు వ‌ర‌కు స్టార్ హీరోలంద‌రితో సినిమాలు చేసింది. బ్యాక్ టూ బ్యాక్ స‌క్సెస్‌ల‌తో అద‌ర‌గొట్టింది ఈ అందాల చంద‌మామ‌.
గ‌త కొన్నాళ్లుగా కాజ‌ల్ జోరు త‌గ్గింది. 2023లో వ‌చ్చిన బాల‌కృష్ణ భ‌గ‌వంత్ కేస‌రి త‌ర్వాత ఈ అమ్మ‌డికి స‌రైన హిట్టు లేదు. స‌ల్మాన్ ఖాన్ సికంద‌ర్‌తో బాలీవుడ్‌లో త‌న ల‌క్ ప‌రీక్షించుకుంది. అక్క‌డ నిరాశే ఎదురైంది. క‌మ‌ల్‌హాస‌న్ ఇండియ‌న్ 2తో పాటు మంచు విష్ణు క‌న్న‌ప్ప‌లో న‌టించింది. కానీ స‌క్సెస్ మాత్రం ద‌క్క‌లేదు.
దాంతో హీరోయిన్‌గానే సినిమాలు చేయాల‌నే రూల్‌ను ప‌క్క‌న‌పెట్టేసింది కాజ‌ల్‌. స్టార్ హీరోల సినిమాల్లో ఇంపార్టెంట్ రోల్స్ కూడా చేయ‌డానికి రెడీ అవుతోంది. మ‌రోవైపు ఓటీటీల‌పై కూడా ఫోక‌స్ పెట్టింది.
తాజాగా కాజ‌ల్ అగ‌ర్వాల్ తెలుగులో ఫ‌స్ట్ టైమ్ ఓటీటీ ప్రాజెక్ట్ చేయ‌బోతున్న‌ది. వెబ్‌సిరీస్‌లో న‌టిస్తోంది. విశాఖ పేరుతో తెర‌కెక్కుతున్న ఈ వెబ్‌సిరీస్‌ జియో హాట్ స్టార్‌లో(Jio HotStar) స్ట్రీమింగ్ కాబోతుంది. మంగ‌ళ‌వారం చెన్నైలో జ‌రిగిన సౌత్ అన్ బౌండ్ వేడుక‌లో విశాఖ సిరీస్‌ను అఫీషియ‌ల్‌గా ప్ర‌క‌టించారు.
విశాఖ వెబ్‌సిరీస్‌కు స్వామిరారా ఫేమ్ సుధీర్ వ‌ర్మ ద‌ర్శ‌క‌త్వం వ‌హించ‌బోతున్నాడు. రైట‌ర్ బీవీఎస్ ర‌వి క‌థ‌ను అందిస్తున్నారు.
విశాఖ సిరీస్‌లో త‌ల్లి పాత్ర‌లో కాజ‌ల్ అగ‌ర్వాల్ న‌టిస్తున్న‌ట్లు చెబుతున్నారు. త‌న పిల్ల‌ల ప్రాణాల‌ను కాపాడ‌టం కోసం ఓ మ‌హిళ ఎలాంటి పోరాటం చేసింద‌నే పాయింట్‌తో క్రైమ్ థ్రిల్ల‌ర్‌గా విశాఖ వెబ్ సిరీస్ తెర‌కెక్కుతోన్న‌ట్లు స‌మాచారం. విశాఖ షూటింగ్ సైలెంట్‌గా జ‌రుగుతోంద‌ట‌. వ‌చ్చే ఏడాది జియో హాట్ స్టార్ ద్వారా కాజ‌ల్ వెబ్ సిరీస్‌ తెలుగు ప్రేక్ష‌కుల ముందుకు రానున్న‌ట్లు చెబుతున్నారు. హిందీలో విజ‌య‌వంత‌మైన ఆర్య వెబ్ సిరీస్ ఆధారంగా విశాఖ రూపొందుతోన్న‌ట్లు టాక్ వినిపిస్తోంది.
ప్ర‌స్తుతం బాలీవుడ్‌లో రామాయ‌ణ సినిమాలో న‌టిస్తోంది కాజ‌ల్ అగ‌ర్వాల్‌. ర‌ణ‌బీర్‌క‌పూర్‌, సాయిప‌ల్ల‌వి హీరోహీరోయిన్లుగా న‌టిస్తున్న ఈ మైథ‌లాజిక‌ల్ మూవీలో య‌శ్‌కు జోడీగా మండోద‌రి పాత్ర‌లో క‌నిపించ‌బోతున్న‌ది కాజ‌ల్‌