Janhvi Kapoor | పెద్ది రిలీజ్ వేళ – తిరుమ‌ల‌లో జాన్వీ క‌పూర్ సంద‌డి – కాలిన‌డ‌క‌న శ్రీవారి ద‌ర్శ‌నం

Janhvi Kapoor |  పెద్ది రిలీజ్ సంద‌ర్భంగా జాన్వీ క‌పూర్ తిరుమ‌ల‌లో సంద‌డి చేసింది. కాలిన‌డ‌క‌న శ్రీవారిని ద‌ర్శించుకుంది. రామ్‌చ‌ర‌ణ్ పెద్ది మూవీలో జాన్వీక‌పూర్ క‌థానాయిక‌గా న‌టించింది. స్పోర్ట్స్ యాక్ష‌న్ డ్రామాగా రూపొందిన ఈ మూవీ గురువారం పాన్ ఇండియ‌న్ లెవెల్‌లో తెలుగు, హిందీతో పాటు ఇత‌ర ద‌క్షిణాది భాష‌ల్లో రిలీజైంది. ఈ సినిమాలో అచ్చియ‌మ్మ‌గా గ్లామ‌ర్ రోల్‌లో జాన్వీక‌పూర్ క‌నిపించింది.  ఈ బాలీవుడ్ హీరోయిన్ స్క్రీన్ ప్ర‌జెన్స్‌, రామ్‌చ‌ర‌ణ్‌తో ఆమె కెమిస్ట్రీ అభిమానుల‌ను ఆక‌ట్టుకుంటున్నాయి.

మెట్ల మార్గం ద్వారా...

పెద్ది రిలీజ్ సంద‌ర్భంగా గురువారం జాన్వీ క‌పూర్  వెంక‌టేశ్వ‌ర స్వామి ఆశీస్సుల కోసం తిరుమ‌ల వ‌చ్చింది. అలిపిరి మెట్ల మార్గం ద్వారా తిరుమ‌ల చేరుకుంది. శ్రీవారిని ద‌ర్శించుకుంది. సీనియ‌ర్ హీరోయిన్ మ‌హేశ్వ‌రితో క‌లిసి జాన్వీ క‌పూర్ మెట్ల మార్గం ద్వారా తిరుమ‌ల కొండ ఎక్కుతున్న వీడియోలు, ఫొటోలు సోష‌ల్ మీడియాలో వైర‌ల్ అవుతోన్నాయి.

ప్ర‌త్యేక పూజ‌లు...

సుప్ర‌భాత సేవ‌లో పాల్గొన్న‌ది జాన్వీ. అనంత‌రం ప్ర‌త్యేక పూజ‌లు నిర్వ‌హించింది. శ్రీవారి ద‌ర్శ‌నానంత‌రం ఆమెకు రంగ‌నాయ‌కుల మండ‌పంలో అర్చ‌కులు జాన్వీ క‌పూర్‌కు స్వామివారి తీర్థ ప్ర‌సాదాలు అంద‌జేశారు.

తిరుమ‌ల‌లోనే పెళ్లి...

జాన్వీ క‌పూర్‌కు తిరుమ‌ల‌తో విడ‌దీయ‌రాని అనుబంధం ఉంది. త‌న త‌ల్లి పుట్టిన‌రోజుతో పాటు కొత్త సినిమాలు విడుద‌లైన ప్ర‌తిసారి జాన్వీ తిరుమ‌ల‌ను ద‌ర్శించుకుంటూ వ‌స్తోంది. ఆ సెంటిమెంట్‌ను పెద్ది రిలీజ్ సంద‌ర్భంగా కొన‌సాగించింది. త‌న పెళ్లి కూడా తిరుప‌తిలోనే చేసుకుంటాన‌ని, ఇక్క‌డే సెటిల‌వుతాన‌ని ప‌లు సంద‌ర్భాల్లో జాన్వీ చెప్పింది. పెద్ది హీరోయిన్‌గా జాన్వీకి తెలుగులో సెకండ్ మూవీ. ఎన్టీఆర్ దేవ‌ర మూవీతో హీరోయిన్‌గా టాలీవుడ్‌లోకి ఎంట్రీ ఇచ్చింది.

[video width="320" height="330" mp4="https://www.trinethra.news/static-media/wp-content/uploads/2026/06/janhvi.mp4"][/video]