Gopichand | ర‌గ్గ్‌డ్ లుక్‌లో గోపీచంద్ – నెక్స్ట్ మూవీ టైటిల్ ఇదే – హీరోయిన్‌గా మ‌ల‌యాళ ముద్దుగుమ్మ‌

Gopichand | మాస్ క‌థ‌ల‌కు టాలీవుడ్‌లో కేరాఫ్ అడ్ర‌స్‌గా నిలిచారుహీరో గోపీచంద్‌. యాక్ష‌న్ అంశాల క‌ల‌బోత‌గా గోపీచంద్ చేసిన ప‌లు సినిమాలు బాక్సాఫీస్ వ‌ద్ద కాసుల వ‌ర్షాన్ని కురిపించాయి. కొంత గ్యాప్ త‌ర్వాత కంప్లీట్ ఔట్ అండ్ ఔట్ మాస్ రోల్‌లో గోపీచంద్ క‌నిపించ‌బోతున్నారు. గోపీచంద్ హీరోగా ఫైట్ మాస్ట‌ర్ వెంక‌ట్ ద‌ర్శ‌క‌త్వంలో ఓ యాక్ష‌న్ థ్రిల్ల‌ర్ మూవీ తెర‌కెక్కుతోంది. 70ఎంఎం ఎంటర్‌టైన్‌మెంట్స్ బ్యానర్‌పై విజయ్ చిల్లా, శశి దేవిరెడ్డి ఈ సినిమాను నిర్మిస్తున్నారు.

బ‌ర్త్‌డే ట్రీట్‌...

గోపీచంద్ బ‌ర్త్‌డే సంద‌ర్భంగా శుక్ర‌వారం ఈ మూవీ టైటిల్‌తో పాటు ఫ‌స్ట్ లుక్‌ను మేక‌ర్స్ రిలీజ్ చేశారు. ఈ సినిమాకు సింగ అనే టైటిల్‌ను ఖ‌రారు చేశారు. వీడియో గ్లింప్స్‌ ఆడ‌వి ఎఫెక్ట్‌, ట్రైబ‌ల్ మ్యూజిక్‌తో ఆస‌క్తిక‌రంగా మొద‌లైంది. చిరుత పులిని పోలిన ఆకారం నుంచి గోపీచంద్ ఎంట్రీ ఇవ్వ‌డం ఆక‌ట్టుకుంటుంది. ఈ వీడియో గ్లింప్స్‌లో పొడ‌వైన మీస‌క‌ట్టు, గ‌డ్డంతో ర‌గ్గ్‌డ్ లుక్‌లో గోపీచంద్ క‌నిపిస్తున్నారు.

ఫైట్ మాస్ట‌ర్ వెంక‌ట్‌...

ఈ మాస్ రోల్ కోసం గోపీచంద్ ట్రాన్స్‌ఫ‌ర్మేష‌న్ అభిమానుల‌ను ఆక‌ట్టుకుంటోంది. సింగ‌ సినిమాతోనే ఫైట్ మాస్ట‌ర్ వెంక‌ట్ ద‌ర్శ‌కుడిగా టాలీవుడ్‌కు ప‌రిచ‌యం అవుతున్నారు. ఎమోష‌న‌ల్ యాక్ష‌న్ డ్రామాగా ఈ సినిమాను రూపొందిస్తున్నారు.

మ‌ల‌యాళ ముద్దుగుమ్మ‌...

సింగ సినిమాలో మ‌ల‌యాళ బ్యూటీ అనార్క‌లి న‌జ‌ర్ హీరోయిన్‌గా న‌టిస్తోంది. ఇదే ఆమెకు తొలి తెలుగు మూవీ కావ‌డం గ‌మ‌నార్హం. ప్ర‌స్తుతం సింగ‌ షూటింగ్ శ‌ర‌వేగంగా సాగుతోంది. సామ్ సీఎస్ మ్యూజిక్ అందిస్తున్నారు. షామ్‌ద‌త్ సినిమాటోగ్రాఫ‌ర్‌గా వ్య‌వ‌హ‌రిస్తున్నారు.

ప్ర‌స్తుతం సింగ‌తో పాటు భ‌ర‌త‌వ‌ర్ష పేరుతో ఓ హిస్టారిక‌ల్ మూవీ కూడా చేస్తోన్నాడు గోపీచంద్‌. ఘాజీ ఫేమ్ సంక‌ల్ప్ రెడ్డి ద‌ర్శ‌క‌త్వం వ‌హిస్తున్న ఈ మూవీ రిలీజ్‌కు సిద్ధంగా ఉంది.