Short Film | నో లాంగర్ హ్యూమన్ షార్ట్ ఫిల్మ్‌పై మాజీ మంత్రి జ‌గ‌దీష్ రెడ్డి ప్ర‌శంస‌లు

Short Film |  లిఖిత్ తిరున‌గ‌రి రూపొందించిన నో లాంగ‌ర్ హ్యూమ‌న్ షార్ట్ ఫిల్మ్ ఆలోచ‌నాత్మ‌కంగా ఉంద‌ని మాజీ మంత్రి సూర్య‌పేట ఎమ్మెల్యే జ‌గ‌దీష్ రెడ్డి అన్నారు. ఇటీవ‌ల హైద‌రాబాద్‌లోని ప్ర‌సాద్ ల్యాబ్‌లో నో లాంగ‌ర్ హ్యూమ‌న్ షార్ట్‌ఫిల్మ్ స్క్రీనింగ్ జ‌రిగింది. ఈ వేడుక‌లో మాజీ మంత్రి జ‌గ‌దీష్ రెడ్డితో పాటు బీఆర్ఎస్ పార్టీ సీనియ‌ర్ లీడ‌ర్ చింత‌ల వెంక‌ట‌శ్వ‌ర్ రెడ్డి పాల్గొన్నారు.

సందేశాత్మ‌క క‌థాంశంతో...

అనంత‌రం ఏర్పాటుచేసిన పాత్రికేయుల స‌మావేశంలో ద‌ర్శ‌కుడు లిఖిత్ తిరున‌గ‌రితో పాటు మిగిలిన యూనిట్ స‌భ్యుల‌ను జ‌గ‌దీష్ రెడ్డి ప్ర‌శంసించారు. సందేశాత్మ‌క క‌థాంశంతో ఈ షార్ట్ ఫిల్మ్‌ను రూపొందించార‌ని అన్నారు. స‌మాజానికి ద‌ర్శ‌కుడు మంచి మెసేజ్ ఇచ్చాడ‌ని చెప్పారు. ఈ షార్ట్ ఫిల్మ్‌ చ‌క్క‌టి ఆర‌ణ పొందాల‌ని, సినీ ప‌రిశ్ర‌మ‌లో ద‌ర్శ‌కుడిగా లిఖిత్ రాణించాల‌ని జ‌గ‌దీష్ రెడ్డి ఆకాంక్షించారు.
ఈ సందర్భంగా షార్ట్ ఫిలిం బృందం జగదీష్ రెడ్డితో పాటు చింతల వెంకటేశ్వర్ రెడ్డి కి మెమోంటో ల‌ను అందజేసి, శాలువాతో సత్కరించింది.