Sridevi | శ్రీదేవి కోసం చూడాల్సిన సినిమా – “హైకూ”పై కోన వెంక‌ట్ కామెంట్స్‌

Sridevi |  కోర్ట్ మూవీ ఫేమ్ శ్రీదేవి "హైకూ" సినిమాతో హీరోయిన్‌గా త‌మిళ ఇండ‌స్ట్రీకి ప‌రిచ‌యం కాబోతుంది. ఏగ‌న్ హీరోగా న‌టిస్తోన్న ఈ సినిమా అదే పేరుతో తెలుగులోనూ రిలీజ్ అవుతోంది. రొమాంటిక్ ఎంట‌ర్‌టైన‌ర్‌గా రూపొందిన ఈ సినిమాలో శ్రీదేవితో పాటు ఫెమినా జార్జ్ మ‌రో హీరోయిన్‌గా న‌టించింది. యువరాజ్ చిన్నసామి క‌థ‌ను అందిస్తూ ఈ సినిమాకు ద‌ర్శ‌క‌త్వం వ‌హించారు. అక్టోబ‌ర్ 23న హైకూ థియేట‌ర్ల‌లోకి రాబోతుంది. ఈ సంద‌ర్భంగా మేక‌ర్స్ హైద‌రాబాద్‌లో ఓ పాత్రికేయుల స‌మావేశాన్ని నిర్వ‌హించారు. ఈ కార్య‌క్ర‌మానికి ర‌చ‌యిత‌, నిర్మాత కోన వెంక‌ట్, కోర్ట్ డైరెక్టర్ రామ్ జగదీశ్ ముఖ్య అతిథిలుగా హాజ‌ర‌య్యారు.

మ‌న‌సుకు  న‌చ్చిన క‌థ

హీరోయిన్ శ్రీదేవి మాట్లాడుతూ.. ‘‘ నా మ‌న‌సుకు బాగా న‌చ్చిన క‌థ ఇది. ల‌వ్‌, లేషన్ షిప్ లోఉన్న వారితో పాటు , పెళ్లైన వారికి క‌నెక్ట్ అవుతుంది. ప్రేమ‌లో కాంప్లికేషన్స్ మొత్తం ఈ సినిమాలో చూస్తారు. షూటింగ్‌లో నా కాలేజీ నాటి రోజులు గుర్తొచ్చాయి. ఏగన్‌తో నా కాంబినేష‌న్‌లో వ‌చ్చే సీన్లు న‌వ్విస్తూనే ఎమోష‌న‌ల్‌కు గురిచేస్తాయి. త‌మిళంలో ఇదే నా డెబ్యూ మూవీ. మంచి సినిమాతో కోలీవుడ్‌లోకి అడుగుపెట్ట‌నుండ‌టం ఆనందంగా ఉంది" అని చెప్పింది.

ఇష్ట‌ప‌డి.. క‌ష్ట‌ప‌డి....

ఇష్ట‌ప‌డి, క‌ష్ట‌ప‌డి చేసిన సినిమా ఇద‌ని, యూత్‌తో పాటు అన్ని వ‌ర్గాల ఆడియెన్స్‌ను మెప్పిస్తుంద‌ని హీరో ఏగ‌న్ అన్నారు. కోర్ట్ డైరెక్టర్ రామ్ జగదీశ్ మాట్లాడుతూ.. ‘‘ శ్రీదేవి ప్ర‌తిభావంతురాలైన‌ న‌టి. కళ్ళతో ఏ భాష అయినా మాట్లాడగలడు. హైకూ కోసం ఆమె చాలా కష్టపడింది. కోర్ట్ త‌ర్వాత ఆమె కెరీర్‌లో మ‌రో బెస్ట్ మూవీగా హైకూ నిలుస్తుంద‌నే న‌మ్మ‌క‌ముంది" అని పేర్కొన్నారు.

ఓటీటీకి అమ్మేసి...

కోన వెంకట్ మాట్లాడుతూ.. ‘‘హైకూ ఓటీటీ హ‌క్కుల‌ను అమ్మేసి ఆ త‌ర్వాత సినిమా షూటింగ్ స్టార్ట్ చేయడం క‌థ‌పై మేక‌ర్స్‌కు ఉన్న న‌మ్మ‌కానికి నిద‌ర్శ‌నం. నెట్ ఫ్లిక్స్ వారికీ స్టోరీ చెప్పి హైకూ తీశారంటే వాళ్ళని ఈ క‌థ ఎంత మెప్పించిందో అర్థమ‌వుతుంది. సిన్సియర్ లవ్ స్టోరీ ఇది. . ప్ర‌తి ఒక్క‌రికి త‌మ కాలేజీ లైఫ్‌లోని జ్ఞాప‌కాల‌ను గుర్తుకుతెస్తుంది. సినిమా చూస్తున్న అంద‌రిని కాలేజీ రోజుల్లోకి తీసుకెళ్లే సినిమా అవుతుంది. స్పెషల్ గా ఈ సినిమాను శ్రీదేవి కోసం చూడాలి" అని అన్నారు.