Thalapathy Vijay | ద‌ళ‌ప‌తి విజ‌య్‌కి సీబీఐ నోటీసులు – కార‌ణం ఇదే

Thalapathy Vijay | క‌రూర్ తొక్కిస‌లాట ఘ‌ట‌న‌లో కోలీవుడ్ సినీ న‌టుడు, టీవీకే పార్టీ అధినేత‌ ద‌ళ‌ప‌తి విజ‌య్‌కి సీబీఐ అధికారులు షాకిచ్చారు. ఈ కేసుకు సంబంధించి విచార‌ణ‌కు హాజ‌రుకావాలంటూ విజ‌య్‌కి నోటీసులు జారీ చేశారు. ఈ నెల 12న ఢిల్లీలోని సీబీఐ ప్ర‌ధాన కార్యాల‌యంలో విజ‌య్‌ని సీబీఐ అధికారులు విచారించ‌బోతున్నారు. వ్య‌క్తిగ‌తంగానే ఈ విచార‌ణ‌కు హాజ‌రు కావాల‌ని నోటీసుల‌లో సీబీఐ అధికారులు పేర్కొన్న‌ట్లు స‌మాచారం.
ఇటీవ‌లే సినిమాల‌కు గుడ్‌బై చెప్పి పూర్తిస్థాయిలో రాజ‌కీయాల్లోకి ఎంట్రీ ఇవ్వ‌బోతున్న‌ట్లు విజ‌య్ ప్ర‌క‌టించాడు. విజ‌య్ అనౌన్స్ చేసిన కొద్ది రోజుల‌కే సీబీఐ నుంచి అత‌డికి నోటీసులు అంద‌డం త‌మిళ‌నాడు సినీ, రాజ‌కీయ వ‌ర్గాల్లో ఆస‌క్తిక‌రంగా మారింది.

41 మంది మ‌ర‌ణం...

గ‌త ఏడాది సెప్టెంబ‌ర్‌లో త‌మిళ‌నాడులోని క‌రూర్‌లో విజ‌య్ టీవీకే ప్ర‌చార స‌భ‌ను ఏర్పాటు చేశారు. ఈ ప్ర‌చార స‌భ‌కు భారీగా జ‌నం త‌ర‌లిరావ‌డంతో తొక్కిస‌లాట జ‌రిగింది. ఈ ప్ర‌మాదంలో 41 మంది మ‌ర‌ణించ‌గా , 60 మందికిపైగా గాయ‌ప‌డ్డారు. ఈ తొక్కిస‌లాట ఘ‌ట‌న‌కు సంబంధించి ఇటీవ‌లే సుప్రీంకోర్టు సీబీఐ విచార‌ణ‌కు ఆదేశాల‌ను జారీ చేసింది. మాజీ న్యాయ‌మూర్తి అజ‌య్ ర‌స్తోగి నేతృత్వంలో విచార‌ణ కొన‌సాగుతోంది.

సెన్సార్ చిక్కులు...

కాగా విజ‌య్ హీరోగా న‌టిస్తున్న చివ‌రి మూవీ జ‌న‌నాయ‌గ‌న్ జ‌న‌వ‌రి 9న ప్రేక్ష‌కుల ముందుకు రాబోతుంది. పొలిటిక‌ల్ థ్రిల్ల‌ర్‌గా రూపొందుతోన్న ఈ మూవీకి సెన్సార్ ప‌రంగా అభ్యంత‌రాలు ఎదుర‌య్యాయి. ఈ సినిమాలోని పొలిటిక‌ల్ డైలాగ్స్ తొల‌గించాలంటూ సెన్సార్ స‌భ్యులు డిమాండ్ చేసిన‌ట్లు స‌మాచారం. సినిమా పోస్ట్‌పోన్ కానున్న‌ట్లు ప్ర‌చారం జ‌రిగింది. చివ‌ర‌కు మంగ‌ళ‌వారం రోజు సెన్సార్ నుంచి క్లియ‌రెన్స్ వ‌చ్చింది. జ‌న‌నాయ‌గ‌న్ మూవీలో పూజా హెగ్డే హీరోయిన్‌గా న‌టిస్తోంది. హెచ్ వినోథ్ ద‌ర్శ‌క‌త్వం వ‌హిస్తున్న ఈ మూవీ బాల‌కృష్ణ తెలుగు మూవీ భ‌గ‌వంత్ కేస‌రికి రీమేక్‌గా తెర‌కెక్కుతోంది.