Bigg Boss Kalyan | హీరోగా మారిన బిగ్‌బాస్ విన్న‌ర్ క‌ళ్యాణ్ ప‌డాల – రియ‌ల్ లైఫ్ బ్రేక‌ప్‌ ల‌వ్‌స్టోరీతో డెబ్యూ మూవీ

Bigg Boss Kalyan | బిగ్‌బాస్ తెలుగు సీజ‌న్ 9 విన్న‌ర్ క‌ళ్యాణ్ ప‌డాల హీరోగా మారాడు. నిజ‌మే రుజువైన‌ది పేరుతో ఓ సినిమా చేశాడు. ఇందులో త‌మిళ న‌టి, బిగ్‌బాస్ ఫేమ్ వియానా హీరోయిన్‌గా న‌టించింది. కేవ‌లం 30 నిమిషాల నిడివితో మినీ ఇండిపెండెంట్ మూవీగా నిజ‌మే రుజువైన‌ది రూపొందింది. ఈ సినిమాకు ప్ర‌కాష్ రెడ్డి ద‌ర్శ‌క‌త్వం వ‌హించారు.

నేరుగా ఓటీటీలో....

క‌ళ్యాణ్ ప‌డాల డెబ్యూ మూవీ నేరుగా ఓటీటీలో రిలీజ్ కాబోతుంది. ఆగ‌స్ట్ 14 నుంచి ఈటీవీ విన్ ఓటీటీలో నిజ‌మే రుజువైన‌ది స్ట్రీమింగ్ కాబోతుంది. క‌ళ్యాణ్ ప‌డాల రియ‌ల్ లైఫ్ ల‌వ్‌స్టోరీ ఆధారంగా ఈ సినిమా రూపొందిన‌ట్లు ప్ర‌చారం జ‌రుగుతోంది. ఓ అమ్మాయి ప్రాణంగా ప్రేమించిన క‌ళ్యాణ్ ఆమెకు ఎలా దూర‌మ‌య్యాడ‌న్న‌ది ఇందులో ఎమోష‌న‌ల్‌గా చూపించ‌బోతున్న‌ట్లు స‌మాచారం.

ప్రీమియ‌ర్‌...

ఇటీవ‌ల నిజ‌మే రుజువైన‌ది ప్రీమియ‌ర్‌ను హైద‌రాబాద్‌లో టెలికాస్ట్ చేశారు. ఈ ప్రీమియ‌ర్‌కు క‌ళ్యాణ్ ప‌డాల‌, వియానాతో పాటు బిగ్‌బాస్ సీజ‌న్ 9 కంటెస్టెంట్స్ త‌నూజ‌, రీతూ చౌద‌రి, గౌత‌మ్ కృష్ణ‌తో పాటు మ‌రికొంద‌రు అటెండ్ అయ్యారు.

సామాన్యుడి నుంచి విన్న‌ర్‌గా...

ఆర్మీలో జాబ్ చేసిన క‌ళ్యాణ్ ప‌డాల సెల‌వుల్లో బిగ్‌బాస్ అగ్ని ప‌రీక్షకు అప్ల‌య్ చేశాడు. అనూహ్యంగా ఈ షోకు ఎంపిక‌య్యాడు. అగ్నిప‌రీక్ష‌లో అద‌ర‌గొట్టి కామ‌న్ మ్యాన్‌గా బిగ్‌బాస్ సీజ‌న్ 9లోకి అడుగుపెట్టాడు. నిజాయితీతో కూడిన ఆట‌తీరుతో బిగ్‌బాస్ 9 విన్న‌ర్‌గా నిలిచాడు. బిగ్‌బాస్ కోసం చివ‌ర‌కు త‌న ఆర్మీ జాబ్‌ను వ‌దిలేశాడు.