AR Rahaman | వాఘా బోర్డ‌ర్ వ‌ద్ద ఆస్కార్ విన్న‌ర్ లైవ్ మ్యూజిక్ కాన్సెర్ట్ – వీడియో వైర‌ల్‌

AR Rahaman | ఆస్కార్ విన్న‌ర్ ఏఆర్ రెహ‌మాన్ వాఘా - అట్టారి బోర్డ‌ర్ వ‌ద్ద లైవ్ మ్యూజిక‌ల్ ప‌ర్ఫార్మెన్స్ ఇచ్చారు. దేశ‌ ర‌క్ష‌ణ‌లో బోర్డ‌ర్ సెక్యూరిటీ ఫోర్స్‌ సిబ్బంది త్యాగాల‌కు నివాళిగా ఈ మ్యూజిక్ కాన్సెర్ట్‌ను నిర్వ‌హించారు. ఈ లైవ్ షోలో ప‌లు దేశ‌భ‌క్తి పాట‌లు ఆల‌పించి ఆహుతుల‌ను ఆల‌రించారు రెహ‌మాన్‌.

బాలీవుడ్ మూవీ ప్ర‌మోష‌న్స్‌...

బాలీవుడ్ మూవీ మై వాప‌స్ ఆవూంగా ప్ర‌మోష‌న్స్‌లో భాగంగా ఈ మ్యూజిక్ కాన్సెర్ట్‌ను ఆదివారం వాఘా - అట్టారీ బోర్డ‌ర్ వ‌ద్ద నిర్వ‌హించారు. ఈ లైవ్ మ్యూజిక‌ల్ షోలో ఏఆర్ రెహ‌మాన్‌, సింగ‌ర్ మోహిత్ చౌహ‌న్‌, డైరెక్ట‌ర్ ఇంతియాజ్ అలీతో పాటు బాలీవుడ్ హీరో వేదాంగ్‌ రైనా పాల్గొన్నారు.

తొలి మ్యూజిక్ డైరెక్ట‌ర్‌...

ఈ మ్యూజిక‌ల్ కాన్సెర్ట్‌లో సింగర్స్ తో కలిసి రహమాన్ మా తుజే స‌లామ్‌, జైహో, వందేమాత‌రంతో పాటు ప‌లు పాట‌లు ఆల‌పించారు. ర‌హ‌మాన్ లైవ్ మ్యూజిక్ కాన్సెర్ట్‌కు భారీ సంఖ్య‌లో జ‌వాన్ల‌తో పాటు ప్రేక్ష‌కులు హాజ‌ర‌య్యారు. ర‌హ‌మాన్ పాట‌లు, ప్రేక్ష‌కుల హ‌ర్ష‌ద్వానాల‌తో వాఘా బోర్డ‌ర్ మొత్తం మారుమోగింది.

తొలి మ్యూజిక్ డైరెక్ట‌ర్‌...

వాఘా బోర్డ‌ర్‌లో లైవ్ మ్యూజిక‌ల్ ప‌ర్ఫార్మెన్స్ నిర్వ‌హించిన‌ తొలి మ్యూజిక్ డైరెక్ట‌ర్ ఏఆర్ రెహ‌మాన్ ఘ‌న‌త‌ను సాధించారు. ఇటీవ‌లే పెద్ది మూవీతో మ్యూజిక్ డైరెక్ట‌ర్‌గా తెలుగులో పెద్ద హిట్‌ను అందుకున్నారు ఏఆర్ ర‌హ‌మాన్‌. రామ్‌చ‌ర‌ణ్ హీరోగా న‌టించిన ఈ మూవీ నాలుగు రోజుల్లోనే 290 కోట్ల వ‌సూళ్ల‌ను ద‌క్కించుకుంది.

దేశ‌విభ‌జ‌న క‌థ‌తో...

1947లో ఇండియా - పాకిస్థాన్ దేశ‌విభ‌జ‌న నేప‌థ్య క‌థతో మై వాప‌స్ అవూంగా మూవీ తెర‌కెక్కుతోంది. ఇంతియాజ్ అలీ ద‌ర్శ‌క‌త్వం వ‌హిస్తోన్న ఈ సినిమాలో వేదాంగ్‌ రైనా, శ‌ర్వ‌రి కీల‌క పాత్ర‌లు పోషిస్తున్నారు. ఈ సినిమాకు ర‌హ‌మాన్ మ్యూజిక్ అందిస్తున్నారు. షూటింగ్‌ను పూర్తిచేసుకున్న ఈ మూవీ త్వ‌ర‌లో థియేట‌ర్ల‌లోకి రాబోతుంది.