Anupama Parameswaran | అనుప‌మ ప‌ర‌మేశ్వ‌ర‌న్ డ‌బుల్ ట్రీట్ – రెండు వారాల గ్యాప్‌లో రెండు తెలుగు సినిమాలు రిలీజ్‌

Anupama Parameswaran | తెలుగు ఆడియెన్స్‌కు అనుప‌మ ప‌ర‌మేశ్వ‌ర‌న్ డ‌బుల్ ట్రీట్ ఇవ్వ‌బోతుంది. ఆమె హీరోయిన్‌గా న‌టించిన రెండు సినిమాలు రెండు వారాల గ్యాప్‌లో థియేట‌ర్ల‌లోకి రాబోతున్నాయి. ఈ రెండు సినిమాలు తెలంగాణ బ్యాక్‌డ్రాప్‌లోనే రూపొంద‌డం గ‌మ‌నార్హం.

భోగి టీజ‌ర్‌

శ‌ర్వానంద్‌, అనుప‌మ ప‌ర‌మేశ్వ‌ర‌న్ హీరోహీరోయిన్లుగా న‌టించిన భోగి టీజ‌ర్‌ను ఆదివారం రిలీజ్ చేశారు. ఇంటెన్స్ యాక్ష‌న్ అంశాల‌తో ఈ టీజ‌ర్ ఆస‌క్తిక‌రంగా సాగింది. ఈ టీజ‌ర్‌లో ప‌ల్లెటూరి అమ్మాయిగా డీ గ్లామ‌ర్ పాత్ర‌ల‌తో అనుప‌మ ప‌ర‌మేశ్వ‌ర‌న్ క‌నిపించింది. శ‌ర్వానంద్, అనుప‌మ లుక్స్‌, వారిద్ద‌రి ట్రాన్స్‌ఫ‌ర్మేష‌న్, మేకోవ‌ర్ అభిమానుల‌ను ఆక‌ట్టుకుంటున్నాయి.

తెలంగాణ నేప‌థ్యం...

టీజ‌ర్‌తో పాటు భోగి మూవీ రిలీజ్ డేట్‌ను ఆదివారం మేక‌ర్స్ వెల్ల‌డించారు. న‌వంబ‌ర్ 12న ఈ యాక్ష‌న్ మూవీ థియేట‌ర్ల‌లోకి రానున్న‌ట్లు ప్ర‌క‌టించారు. తెలంగాణ నేప‌థ్యంలో రూపొందిన ఈ మూవీకి సంప‌త్‌నంది ద‌ర్శ‌క‌త్వం వ‌హించారు.

క్రేజీ క‌ళ్యాణం...

అనుప‌మ ప‌ర‌మేశ్వ‌ర‌న్ హీరోయిన్‌గా న‌టించిన మ‌రో తెలుగు మూవీ క్రేజీ క‌ళ్యాణం విడుద‌ల తేదీ కూడా ఖ‌రారైంది.
అక్టోబ‌ర్ 30న ఈ రొమాంటిక్ కామెడీ ప్రేక్ష‌కుల ముందుకు తీసుకొస్తున్న‌ట్లు మేక‌ర్స్ వెల్ల‌డించారు. క్రేజీ క‌ళ్యాణం సినిమాలో అనుప‌మ ప‌ర‌మేశ్వ‌ర‌న్‌తో పాటు త‌రుణ్ భాస్క‌ర్‌, న‌రేష్ వీకే, అఖిల్ ఉద్దెమారి కీల‌క పాత్ర‌ల్లో క‌నిపించ‌బోతున్నారు. భ‌ద్రప్ప గాజుల ద‌ర్శ‌క‌త్వం వ‌హించారు.

అల సెంద్ర‌వంక‌...

క్రేజీ క‌ళ్యాణం నుంచి 'అల సెంద్రవంకస అనే లిరికల్ సాంగ్ రిలీజ్ చేశారు. సురేష్ బొబ్బిలి సంగీతం అందించిన ఈ పాట‌కు గోర‌టి వెంకన్న లిరిక్స్ అందించారు. అనురాగ్ కులకర్ణి సాంగ్‌ను పాడారు. 'అందం మురిసే, గంధం కురిసే పిల్లా నీ మేని సొగసులనే చూసి...అంటూ బ్యూటిఫుల్ లిరిక్స్‌తో ఈ పాట అభిమానుల‌ను ఆక‌ట్టుకుంటోంది.

తెలంగాణ పెళ్లి వేడుక‌ల వెన‌కున్న స‌ర‌దాలు, సంతోషాల‌తో క్రేజీ క‌ళ్యాణం మూవీ రూపొందుతోంది. ఇందులో తెలంగాణ అమ్మాయిగా అనుప‌మ క‌నిపించ‌బోతుంది.