Allu Arjun | అల్లు అర్జున్ – లోకేష్ క‌న‌గ‌రాజ్ మూవీ లాంఛ్ అప్పుడేనా? – పాన్ ఇండియ‌న్ రేంజ్‌లో ఈవెంట్‌!

Allu Arjun | ఐకాన్ స్టార్ అల్లు అర్జున్‌, కోలీవుడ్ అగ్ర ద‌ర్శ‌కుడు లోకేష్ క‌న‌గ‌రాజ్ కాంబినేష‌న్‌లో రూపొందుతోన్న సినిమాపై ఓ ఇంట్రెస్టింగ్‌ రూమ‌ర్ సోష‌ల్ మీడియాలో చ‌క్క‌ర్లు కొడుతోంది. ప్ర‌స్తుతం త‌మిళ ద‌ర్శ‌కుడు అట్లీతో రాకా సినిమా చేస్తున్నాడు అల్లు అర్జున్‌. దాదాపు 1300 కోట్ల భారీ బ‌డ్జెట్‌తో తెర‌కెక్కుతోన్న ఈ సైన్స్ ఫిక్ష‌న్ మూవీ షూటింగ్ ముంబాయిలో శ‌ర‌వేగంగా సాగుతోంది. రాకాలో దీపికా ప‌డుకోణ్‌, ర‌ష్మిక మంద‌న్న‌, జాన్వీక‌పూర్‌, మృణాల్ ఠాకూర్ హీరోయిన్లుగా న‌టిస్తున్నారు.

వ‌ర్కింగ్ టైటిల్‌....

రాకా సెట్స్‌పై ఉండ‌గానే లోకేష్ క‌న‌గ‌రాజ్‌తో ఓ సూప‌ర్ హీరో మూవీకి అల్లు అర్జున్ గ్రీన్‌సిగ్న‌ల్ ఇచ్చాడు. ఓ వీడియోతో స్పెష‌ల్‌గా ఈ సినిమాను అనౌన్స్‌చేశారు. ఏఏ 23 అనే వ‌ర్కింగ్ టైటిల్‌తో తెర‌కెక్కుతోన్న ఈ మూవీ ప్రీ ప్రొడ‌క్ష‌న్ స్టేజ్‌లో ఉంది. హైద‌రాబాద్‌లోనే బ‌న్నీ సినిమా కోసం స్పెష‌ల్‌గా ఆఫీస్ ఓపెన్ చేసిన లోకేష్ క‌న‌గ‌రాజ్ త‌న టీమ్‌తో క‌లిసి స్క్రిప్ట్‌కు తుది మెరుగులు దిద్దుతున్నాడు.

న‌వంబ‌ర్‌లో లాంఛ్‌...

న‌వంబ‌ర్‌లో అల్లు అర్జున్ - లోకేష్ క‌న‌గ‌రాజ్ మూవీ గ్రాండ్‌గా లాంఛ్ కానున్న‌ట్లు స‌మాచారం. ఓపెనింగ్ ఈవెంట్‌ను హైద‌రాబాద్‌లోనే గ్రాండ్‌గా నిర్వ‌హించేందుకు మేక‌ర్స్ ప్లాన్ చేస్తున్న‌ట్లు తెలిసింది. పాన్ ఇండియ‌న్ లెవెల్‌లో జ‌రిగే ఈ ఈవెంట్‌కు టాలీవుడ్‌తో పాటు బాలీవుడ్‌, కోలీవుడ్ సెలిబ్రిటీలు అటెండ్ అయ్యే అవ‌కాశం ఉంద‌ని అంటున్నారు. డిసెంబ‌ర్ నుంచి రెగ్యుల‌ర్ షూటింగ్ ప్రారంభం కానున్న‌ట్లు స‌మాచారం. మైత్రీ మూవీ మేక‌ర్స్ నిర్మించ‌నున్న ఈ సినిమాకు అనిరుధ్ మ్యూజిక్ అందిస్తున్నారు. ఏఏ23తోనే లోకేష్ క‌న‌గ‌రాజ్ డైరెక్ట‌ర్‌గా టాలీవుడ్‌లోకి ఎంట్రీ ఇస్తున్నాడు.

డీసీ రివ్యూ...

కాగా లోకేష్ క‌న‌గ‌రాజ్ హీరోగా న‌టించిన డీసీ మూవీపై అల్లు అర్జున్ ప్ర‌శంస‌లు కురిపించాడు. ఈ సినిమాను హైద‌రాబాద్‌లో స్పెష‌ల్‌గా వీక్షించిన బ‌న్నీ క్లాసిక్ అంటూ రివ్యూ ఇచ్చాడు. "డీసీ మూవీ చూశా. త‌మిళంలో క్లాసిక్ మూవీ ఇది . ప్ర‌తి మూవీ ల‌వ‌ర్ ఖ‌చ్చితంగా చూడాలి. క‌ళ‌ను అర్థం చేసుకొని...ప్రేమించే వారికి ఇదొక క‌విత‌లా అనిపిస్తుంది" అని అల్లు అర్జున్ సోష‌ల్ మీడియాలో పోస్ట్ పెట్టాడు. బ‌న్నీ పోస్ట్ వైర‌ల్ అవుతోంది. డీసీ మూవీకి అరుణ్ మాథేశ్వ‌ర‌న్ ద‌ర్శ‌క‌త్వం వ‌హించాడు. వామికా గ‌బ్బి హీరోయిన్‌గా న‌టించింది. యాక్ష‌న్ ల‌వ్‌స్టోరీగా తెర‌కెక్కిన ఈ మూవీ త‌మిళంలో వంద కోట్ల వ‌సూళ్ల‌ను ద‌క్కించుకుంది. డీసీతోనే లోకేష్ క‌న‌గ‌రాజ్ హీరోగా మారాడు.