#AA23 | అఫీషియ‌ల్ అప్‌డేట్‌..! లోకేశ్ క‌న‌గ‌రాజ్ డైరెక్ష‌న్‌లో అల్లు అర్జున్ మూవీ..!

#AA23 | ఐకాన్ స్టార్ అల్లు అర్జున్‌, త‌మిళ్ సెన్సేష‌న‌ల్ డైరెక్ట‌ర్ లోకేశ్ క‌న‌గ‌రాజ్ కాంబినేష‌న‌ల్ ఓ మూవీ తెర‌కెక్క‌నున్న‌ట్లుగా గ‌త కొంత‌కాలంగా ప్ర‌చారం జ‌రుగుతున్న‌ది. తాజాగా మూవీ అఫీషియ‌ల్ అప్‌డేట్ ఇచ్చారు మేక‌ర్స్‌. ఈ ప్రాజెక్టును మైత్రీ మూవీ మేక‌ర్స్ నిర్మించ‌నున్న‌ది. ఈ మేర‌కు నిర్మాణ సంస్థ భోగి పండుగ సంద‌ర్భంగా బుధ‌వారం అధికారికంగా ప్ర‌క‌టించారు. #AA23 అనే వర్కింగ్ టైటిల్‌తో వీడియోను విడుద‌ల చేసింది. ఈ ప్రాజెక్టుకు సెన్సేష‌న‌ల్ మ్యూజిక్ డైరెక్ట‌ర్ అనిరుధ్ ర‌విచంద్ర‌న్ సంగీతం అందించ‌నున్నాడు. పాన్ ఇండియా స్థాయిలో యాక్షన్ డ్రామాగా మూవీని తెర‌కెక్కించ‌నున్నారు. ఈ ఏడాదిలోనే షూటింగ్ జ‌రుగ‌నున్న‌ది. కథ ఇప్పటికే ఖరారైందని, స్క్రిప్ట్ పనులు మొద‌లైన‌ట్లు తెలుస్తున్న‌ది.

ఇదిలా ఉండ‌గా.. గ‌తంలో సుకుమార్ ద‌ర్శ‌క‌త్వంలో పుష్ప‌-2 మూవీలో న‌టించాడు. ఈ మూవీ బాక్సాఫీస్ వ‌ద్ద బ్లాక్ బ‌స్ట‌ర్ హిట్‌గా నిలిచింది. ప్ర‌స్తుతం మ‌రో త‌మిళ డైరెక్ట‌ర్ అట్లి ద‌ర్శ‌క‌త్వంలో సైన్స్ ఫిక్ష‌న్ మూవీలో న‌టిస్తున్నాడు. AA22xA6 అనే వర్కింగ్ టైటిల్ నిర్ణ‌యించ‌గా.. ప్ర‌స్తుతం షూటింగ్ జ‌రుగుతున్న‌ది. బాలీవుడ్ బ్యూటీలు దీపికా ప‌దుకొనే, జాన్వీ క‌పూర్ ఇద్ద‌రు హీరోయిన్లుగా న‌టిస్తున్నారు. ఈ మూవీ షూటింగ్ ముగిశాఖ లోకీ మూవీ షూటింగ్ మొద‌లుకానున్న‌ది. లోకేశ్ క‌న‌గ‌రాజ్ ఇప్ప‌టికే అల్లు అర్జున్‌కు స్టోరీని వినిపించాడు. ఇద్ద‌రి కాంబోలో రానున్న మూవీపై అంచ‌నాలు పెరిగాయి. ఎల్‌సీయూలో ఖైదీ-2ని లోకేశ్ తెర‌కెక్కించ‌నున్న‌ట్లుగా ప్ర‌చారం జ‌రిగింది. తాజాగా బ‌న్నీ మూవీనే ట్రాక్‌లో పెట్టిన‌ట్లు తెలుస్తున్న‌ది. చివ‌ర‌గా లోకీ ద‌ర్శ‌క‌త్వంలో కూలీ పెద్ద‌గా ఆక‌ట్టుకోలేక‌పోయింది. గ‌త చిత్రాల‌కు భిన్నంగా లోకీ ద‌ర్శ‌క‌త్వంలో రానున్న మూవీలో అల్లు అర్జున్ క‌నిపించ‌నున్నాడ‌ని టాక్‌. ఈ మూవీ 1962లో ప్రచురితమైన డీసీ కామిక్స్ నవెల్ “ది స్టీల్ క్లా” ఆధారంగా తెర‌కెక్కించ‌నున్న‌ట్లు తెలుస్తున్న‌ది.