Akira Nandan | మ‌రాఠీ సినిమాలో ప‌వ‌న్ క‌ళ్యాణ్ కొడుకు అకీరా నంద‌న్ – తెలుగులో రిలీజ్‌

Akira Nandan |  ప‌వ‌ర్ స్టార్ ప‌వ‌న్ క‌ళ్యాణ్ త‌న‌యుడు అకీరా నంద‌న్ హీరోగా ఎంట్రీ ఇవ్వ‌బోతున్న‌ట్లు టాలీవుడ్‌లో చాలా కాలంగా వార్త‌లు వినిపిస్తున్నాయి. ప‌వ‌న్ క‌ళ్యాణ్ ఓజీలో తండ్రితో క‌లిసి అకీరా న‌టించిన‌ట్లు ప్ర‌చారం జ‌రిగింది. మేక‌ర్స్ మాత్రం ఇవ‌న్నీ రూమ‌ర్స్ అంటూ తేల్చేశారు. అయితే ఈ సినిమాకు టెక్నీషియ‌న్‌గా వ‌ర్క్ చేశాడు అకీరా నంద‌న్‌. మ్యూజిక్ డైరెక్ట‌ర్ త‌మ‌న్ టీమ్ మెంబ‌ర్స్‌లో ఒక‌రిగా బీజీఎమ్ అందించ‌డంలో సాయం చేశాడు. ఈ విష‌యాన్ని స్వ‌యంగా త‌మ‌న్ వెల్ల‌డించాడు.

హీరో ఎంట్రీ...

అకీరా నంద‌న్‌ హీరోగా ఎంట్రీ ఇచ్చేది ఎప్పుడ‌న్న‌ది అభిమానుల్లో ఆస‌క్తిక‌రంగా మారింది. అకీరా ఫ‌స్ట్ మూవీకి ప‌లువురు టాలీవుడ్‌ స్టార్ డైరెక్ట‌ర్ల పేర్లు వినిపిస్తోన్నాయి. అకీరా నంద‌న్‌కు కెమెరాను ఫేస్ చేసిన అనుభ‌వం ఇది వ‌ర‌కే ఉంది. చైల్డ్ యాక్ట‌ర్‌గా ఓ సినిమా చేశాడు. అయితే తెలుగులో కాదు. మ‌రాఠీ మూవీతో యాక్ట‌ర్‌గా ఎంట్రీ ఇచ్చాడు. రేణు దేశాయ్ ద‌ర్శ‌కురాలిగా ఎంట్రీ ఇస్తూ మ‌రాఠీలో ఇష్క్ వాలా ల‌వ్ పేరుతో ఓ సినిమా చేసింది.
ఆదినాథ్ కొఠారే, సుల‌గ్నా పాణిగ్ర‌హి హీరోహీరోయిన్లుగా న‌టించిన ఈ మూవీని రేణుదేశాయ్ స్వ‌యంగా నిర్మించారు.
రొమాంటిక్ ల‌వ్‌స్టోరీగా తెర‌కెక్కిన ఈ మ‌రాఠీ మూవీలో అతిథి పాత్ర‌లో అకీరా నంద‌న్ న‌టించాడు. హీరోహీరోయిన్ల‌ను క‌లిపే కీల‌క పాత్ర‌లో మెరిశారు.

తెలుగులో రిలీజ్‌...

ఈ మ‌రాఠీ సినిమాను తెలుగులో రిలీజ్ చేయాల‌ని రేణు దేశాయ్ భావించారు. ఇష్క్ వాలా ల‌వ్ తెలుగు ట్రైల‌ర్‌తో పాటు సాంగ్స్‌ను రిలీజ్ చేశారు. ప్ర‌మోష‌న్స్ భారీగానే చేసినా అనివార్య కార‌ణాల వ‌ల్ల థియేట‌ర్ల‌లో ఈ సినిమా విడుద‌ల కాలేదు. ఇష్క్ వాలా ల‌వ్ తెలుగు వెర్ష‌న్ యూట్యూబ్‌లో అందుబాటులో ఉంది. ఫ్రీగా ఈ మూవీని చూడొచ్చు.ఇష్క్ వాలా ల‌వ్ మాత్రం క‌మ‌ర్షియ‌ల్‌గా విజ‌యాన్ని సాధించ‌లేదు. ఈ సినిమా త‌ర్వాత రేణు దేశాయ్ మ‌ళ్లీ మెగా ఫోన్ ప‌ట్ట‌లేదు. ఈ సినిమా హిట్టు కాలేక‌పోయినా అకీరా నంద‌న్ డెబ్యూ మూవీగా ఇష్క్ వాలా ల‌వ్ నిలిచింది.

 

&https://x.com/kalyan__cult/status/2015285268333683001;