T20 World Cup | అట్ట‌హాసంగా టీ20 వ‌ర‌ల్డ్ క‌ప్ ప్రారంభోత్స‌వ వేడుక‌లు..

T20 World Cup | టీ20 వ‌ర‌ల్డ్ కప్ ప్రారంభోత్స‌వ వేడుక‌లు అట్ట‌హాసంగా జ‌రిగాయి. ముంబ‌యి వాంఖ‌డే వేదిక‌గా జ‌రిగిన భార‌త్‌-యూఏఈ మ్యాచ్‌కు ముందు వేడుక‌ల‌ను ఘ‌నంగా నిర్వ‌హించారు. బాలీవుడ్ న‌టి నోరా ఫ‌తేహి, రిషబ్ రిఖిరామ్, శివమణి, బాద్షా ప్ర‌ద‌ర్శ‌న‌లు ప్రేక్ష‌కుల‌ను అల‌రించాయి. భార‌త్ మ్యాచ్ సంద‌ర్భంగా స్టేడియం మొత్తం అభిమానుల‌తో కిక్కిరిసింది.

అంత‌కు ముందు జెట్ ప్యాక్‌తో ఓ వ్య‌క్తి గాల్లో ఎగురుతూ ట్రోఫీని మైదానంలోకి తీసుకురాగా.. ఆ త‌ర్వాత అభిమానుల హ‌ర్ష‌ధ్వానాల మ‌ధ్య ప్రపంచకప్ అంబాసిడర్‌, మాజీ కెప్టెన్ రోహిత్ శర్మ క‌లిసి ఐసీసీ అధ్యక్షుడు జై షా మైదానంలోకి ట్రోఫీతో మైదానంలోకి ఎంట్రీ ఇచ్చాడు.

రోహిత్.. రోహిత్ నినాదాలతో అభిమానులు హోరెత్తించారు. ఆ త‌ర్వాత డ్రమ్స్ శివమణి బ్యాండ్ ప్ర‌ద‌ర్శ‌న‌తో అభిమానుల‌ను ఉర్రూత‌లూగించాడు. ప్ర‌ముఖ ర్యాపర్ బాద్షా త‌న పాట‌ల‌తో స్టేడియాన్ని హోరెత్తించాడు. రిషబ్ రిఖిరామ్ సితార్ ప్ర‌ద‌ర్శ‌న ఆక‌ట్టుకుంది. అలాగే, బాలీవుడ్ న‌టి నోరా ఫ‌తేహి త‌న డ్యాన్స్‌తో అభిమానుల్లో జోష్ నింపింది.