Arshdeep Singh | అర్ష‌దీప్‌పై గంభీర్ ఫైర్ – షేక్ హ్యాండ్ కూడా ఇవ్వ‌లేదుగా!

Arshdeep Singh | గురువారం జ‌రిగిన రెండో టీ20లో సౌతాఫ్రికా చేతిలో టీమిండియా చిత్తుగా ఓడిపోయింది. బ్యాటింగ్‌తో పాటు బౌలింగ్‌లో టీమిండియా ప్లేయ‌ర్లు తేలిపోయారు. తొలి టీ20లో బౌలింగ్‌తో ఆక‌ట్టుకున్న పేస‌ర్లు రెండో టీ20లో మాత్రం త‌డ‌బ‌డ్డారు. సౌతాఫ్రికా బౌల‌ర్ల‌ను క‌ట్ట‌డి చేయ‌డంలో విఫ‌ల‌మైన టీమిండియా పేస‌ర్లు ధారాళంగా ప‌రుగులు ఇచ్చారు. ముఖ్యంగా అర్ష‌దీప్ సింగ్ ఒకే ఓవ‌ర్‌లో ఏడు వైడ్లు వేయ‌డంతో కోచ్ గంభీర్ ఫైర్ అయ్యారు.
ప‌దో ఓవ‌ర్ వేసిన అర్ష‌దీప్... ఏడు వైడ్ల‌తో మొత్తం ఆ ఓవ‌ర్‌లో ప‌ద‌మూడు బాల్స్ వేశాడు. టీ20 హిస్ట‌రీలో ఒకే ఓవ‌ర్‌లో హ‌య్యెస్ట్ బాల్స్ వేసిన పేస‌ర్‌గా చెత్త రికార్డును మూట‌గ‌ట్టుకున్నాడు. ఆ ఓవ‌ర్‌లో మొత్తం 18 ప‌రుగులు వ‌చ్చాయి.
అర్ష‌దీప్ బౌలింగ్‌పై గంభీర్ అగ్ర‌హం వ్య‌క్తం చేశాడు. ఒకేఓవ‌ర్‌లో ఏడు వైడ్లు వేయ‌డంతో డ్రెస్సింగ్ రూమ్‌లో ఉన్న గంభీర్ కోపంగా క‌నిపించాడు.
మ్యాచ్ ముగిసిన త‌ర్వాత కూడా అర్ష‌దీప్‌పై గంభీర్ కోపం త‌గ్గ‌లేదు. టీమిండియా ప్లేయ‌ర్ల‌కు గంభీర్‌ షేక్ హ్యాండ్ ఇచ్చే క్ర‌మంలో చివ‌ర‌గా అర్ష‌దీప్ వ‌చ్చాడు. కానీ గంభీర్ మాత్రం అత‌డికి షేక్ హ్యాండ్ ఇవ్వ‌లేదు. అర్ష‌దీప్ చేయి చాచినా ప‌ట్టించుకోకుండా అత‌డివైపు కోపంగా చూస్తూ ఉండిపోయాడు. ఇందుకు సంబంధించిన వీడియో సోష‌ల్ మీడియాలో వైర‌ల్ అవుతోంది.
బౌలింగ్‌లో మాత్ర‌మే కాదు రెండో టీ20లో బ్యాట‌ర్లు కూడా విఫ‌ల‌మ‌య్యారు. ముఖ్యంగా కెప్టెన్ సూర్య‌కుమార్ యాద‌వ్‌తో పాటు వైస్ కెప్టెన్ గిల్ త‌క్కువ స్కోర్ల‌కే ఔట‌వ్వ‌డం టీమిండియాను దెబ్బ‌కొట్టింది. వారిద్ద‌రిపై నెటిజ‌న్లు విమ‌ర్శ‌లు కురిపిస్తున్నారు.
మూడో టీ20లో బ్యాటింగ్‌తో పాటు బౌలింగ్ ప‌రంగా టీమిండియాలో కొన్ని మార్పులు ఉండ‌బోతున్న‌ట్లు ప్ర‌చారం జ‌రుగుతోంది. అర్ష‌దీప్ సింగ్‌ను ప‌క్క‌న‌పెట్ట‌వ‌చ్చ‌ని చెబుతున్నారు. ఐదు మ్యాచ్‌ల టీ20 సిరీస్‌లో ప్ర‌స్తుతం టీమిండియా , సౌతాఫ్రికా 1-1తో స‌మంగా ఉన్నాయి.

After today's loss, Gautam Gambhir was looking angry during the handshake with Indian players like Jitesh Sharma and Arshdeep Singh.

Look at the attitude of this man; rather than boosting the confidence of players, he was looking at them angrily 💔 pic.twitter.com/0nJTTZ8qfQ

— Tejash (@Tejashyyyyy) December 11, 2025