Gold Rate | బంగారం, వెండి కొనాల‌నుకుంటున్నారా.. అయితే మీకు గుడ్‌న్యూస్‌!

trinethra.news: గ‌త కొన్ని రోజులుగా ఆకాశ‌మే హ‌ద్దుగా పెరుగుతున్న‌ బంగారం (Gold Rate), వెండి ధ‌ర‌లు (Silver Price) కాస్త దిగివ‌చ్చాయి. అంత‌ర్జాతీయంగా చోటుచేసుకున్న ఉద్రిక్త ప‌రిస్థితుల నేప‌థ్యంలో ఇటీవ‌ల కాలంలో పుత్త‌డి, వెండి ధ‌ర‌లు వ‌రుస‌గా పెరుగుతూ వ‌స్తున్నాయి. దీంతో ఆభ‌ర‌ణాలు కొనాలంటేనే కొనుగోలు దారులు భ‌య‌ప‌డిపోతున్నారు. అయితే స్పాట్ మార్కెట్‌లో ఇన్వెస్ట‌ర్లు లాభాల స్వీక‌ర‌ణ‌కు మొగ్గుచూప‌డంతో బంగారం, వెండి ధ‌ర‌లు త‌గ్గాయి. గురువారం తులం బంగారం రూ.270 త‌గ్గ‌గా, కిలో వెండిపై రూ.5000 వ‌ర‌కు త‌గ్గింది.

బులియ‌న్ మార్కెట్‌లో 24 క్యారెట్ల స్వ‌చ్ఛ‌మైన తులం బంగారం ధ‌ర రూ.1,38,000 వ‌ద్ద ట్రేడ్ అవుతున్న‌ది. ఇక 22 క్యారెట్ల 10 గ్రాముల ధ‌ర రూ.250 త‌గ్గ‌డంతో రూ.1,26,500గా ఉన్న‌ది. దీంతో రాష్ట్రంలోని హైదరాబాద్, వరంగల్, నిజాంబాద్, ఖమ్మం నగరాల్లో స్వచ్చమైన బంగారం రేటు గ్రాముకు రూ.13,800గా కొనసాగుతున్న‌ది. అదేవిధంగా 22 క్యారెట్ల బంగారం ధ‌ర‌ గ్రాముకు రూ.12,650గా ప‌లుకుతున్న‌ది.

లేడికి లేచిందే ప‌రుగు అన్న‌ట్లుగా రోజురోజుకు పెరుగుతూ పోతున్న వెండి కూడా కాస్త శాంతించింది. కిలో వెండిపై రూ.5వేలు తగ్గింది. ప్ర‌స్తుతం బులియ‌న్ మార్కెట్‌లో రూ.2,52,000గా ట్రేడ్ అవుతున్న‌ది. అయితే హైదరాబాద్‌లో మాత్రం కేజీ స్వచ్ఛమైన వెండి ధ‌ర‌ రూ.2,72,000గా ఉంది. అంటే గ్రాము ధర రూ.272 అన్న‌మాట‌. చెన్నైలో కూడా ఇదే ధ‌ర వ‌ద్ద అమ్ముడ‌వుతున్న‌ది. అందువ‌ల్ల సంక్రాంతి పండుగ‌కు న‌గ‌లు కొనాల‌నుకునే వారు ముందుగా తమ నగరాల్లో ఉన్న ధ‌ర‌ల‌ను ఒక్క‌సారి గమస్తే మంచిది.