LPG Cylinder Price | నెల మారింది.. సిలిండ‌ర్ ధ‌ర పెరిగింది..

LPG Cylinder Price | త్రినేత్ర‌.న్యూస్‌: నెల మారింది. ఒక‌టో తారీఖు వ‌చ్చింది. ఎప్ప‌టిలానే గ్యాస్ సిలిండ‌ర్ ధ‌ర‌లు (LPG Cylinder Price) పెరిగాయి. వాణిజ్య అవ‌స‌రాల‌కు ఉప‌యోగించే 19 కిలోల‌ గ్యాస్ సిలిండ‌ర్‌పై (Commercial LPG Cylinders) గ‌త నెల ఏకంగా రూ.993 పెంచిన దేశీయ చ‌మురు కంపెనీలు ఈసారి ద‌య త‌లిచాయి. క‌మ‌ర్షియ‌ల్ ఎల్పీజీ సిలిండ‌ర్‌పై రూ.42 భారం (Price Hike) మోపాయి. దీంతో ఢిల్లీలో సిలిండ‌ర్ ధ‌ర రూ.3,113.50కి చేరింది. హైద‌రాబాద్‌లో (Hyderabad) రూ.52 పెరిగి రూ.3,367కి చేరింది. ఇక గృహావ‌సరాల‌కు వినియోగించే సిలిండ‌ర్ ధ‌ర పెర‌గ‌క‌పోవ‌డం గ‌మ‌నార్హం.

ఇప్ప‌టికే పెరిగిన ధ‌ర‌ల‌తో స‌త‌మ‌త‌మ‌వుతున్న వ్యాపారులు మ‌రోసారి భారం మోప‌డంతో ఆగ్ర‌హం వ్య‌క్తం చేస్తున్నారు. గ్యాస్ సిలిండ‌ర్ దొర‌క్క‌, వ్యాపారాలు న‌డ‌వ‌క‌, ధ‌ర‌లు పెంచ‌లేక చిన్న హోట‌ళ్లు, తోపుడు బండ్ల‌పై టిఫిన్ సెంట‌ర్లు నిర్వ‌హించేవారు, టీ దుఖాణాలు మూత‌ప‌డుతున్నాయి.

దేశంలో ప్ర‌ధాన న‌గరాల్లో ధ‌ర‌లు ఇలా..

న్యూఢిల్లీ- రూ.3,113.50 (+42)
కోల్‌క‌తా- రూ.3,255.50 (+53.50)
ముంబై- రూ.3,067.50 (+43.50)
చెన్నై- రూ.3,283.00 (+46)
బెంగళూరు- రూ.3,198.00 (+46)
హైద‌రాబాద్‌- రూ.3,367.00 (+52)
ల‌క్నో- రూ.3,236.00 (+42)
తిరువ‌నంత‌పురం- రూ.3,152.00 (+46)