Car Modification | కారును అక్ర‌మంగా మోడిఫై చేశాడు.. కొన్న ఖ‌రీదు క‌న్నా ఫైన్ల‌నే అధికంగా చెల్లించాడు..

Car Modification | చాలా మంది యువత తమ ద్విచక్ర వాహనాలకు కంపెనీ ఇచ్చిన సైలెన్సర్ కాకుండా మోడిఫై చేయబడిన ఎగ్జాస్ట్లను బిగిస్తుంటారన్న విషయం తెలిసిందే. అయితే తరచూ ఇలాంటి వాహనాలపై ట్రాఫిక్ పోలీసులు కొరడా ఝులిపిస్తుంటారు. అలాంటి వాహనాలను సీజ్ చేసి వాటి సైలెన్సర్లను తీసి రోడ్డు రోలర్తో తొక్కిస్తుంటారు. ఇలాంటి సంఘటనలను మనం తరచూ చూస్తూనే ఉంటాం. అయితే సరిగ్గా ఇదే కోవలో ఓ యువకుడు తన కారును మోడిఫై చేశాడు. ఆ కారుతో రహదారులపై అందరికీ ఇబ్బంది కలిగించేలా తిరిగాడు. దీంతో పోలీసులు వెంటనే అతన్ని అదుపులోకి తీసుకుని అతని కారుపై భారీ ఎత్తున జరిమానా విధించారు. ఈ క్రమంలో అతను ఆ కారును కొన్న ఖరీదు కన్నా జరిమానాలనే అధికంగా చెల్లించాల్సి వచ్చింది. కేరళలోనూ కన్నూర్ జిల్లాకు చెందిన ఓ యువకుడు 2002 మోడల్ హోండా సిటీ కారును రూ.70వేల చవక ధరకు కొనుగోలు చేశాడు. అయితే ఆ కారు బాగానే ఉన్నా అతను అంతటితో ఆగలేదు. దాన్ని అనేక రకాలుగా మోడిఫై చేయించాడు. చూస్తేను కళ్లకు ఫ్లాష్ అయ్యే విధంగా మెరుపు లాంటి కలర్ను కార్కు కోట్ వేయించాడు. అలాగే ఎగ్జాస్ట్ కూడా మార్చాడు. కారుపై అర్థం పర్థం లేని రెచ్చగొట్టే గ్రాఫిటి డిజైన్లను కూడా వేయించాడు. అనంతరం ఫ్రెండ్స్తో పార్టీ చేసుకునేందుకు బెంగళూరుకు వచ్చాడు. అయితే అక్కడ ప్రశాంతంగా ఉండకుండా రహదారులపై కారును వేగంగా నడిపిస్తూ హల్ చల్ చేశాడు. ఆ కారు సైలెన్సర్ శబ్దం స్థానిక ప్రజలను తీవ్ర ఇబ్బందులకు గురి చేసింది. ఈ క్రమంలోనే కొందరు ఈ విషయాన్ని స్థానిక ట్రాఫిక్ పోలీసుల దృష్టికి తెచ్చారు. అతనిపై సోషల్ మీడియా వేదికగా పోలీసులకు కొందరు ఫిర్యాదు చేశారు. అయితే ఆ ఫిర్యాదుతోపాటు ఆ యువకుడు పాల్పడుతున్న న్యూసెన్స్ను పోలీసులు సామాజిక మాధ్యమాల్లో షేర్ అయిన వీడియోల్లో గమనించారు. దీంతో వెంటనే వారు ఆ కార్ను ట్రాక్ చేసే పనిలో పడ్డారు. ఈ క్రమంలో ఆ కారును బెంగళూరులోని భారతీయ సిటీలో గుర్తించారు. వెంటనే ఆ కార్ను సీజ్ చేయడంతోపాటు అతన్ని పోలీసులు అదుపులోకి తీసుకున్నారు. అయితే అతను అక్రమంగా కారునే అనేక రకాలుగా మోడిఫై చేశాడు కనుక అతనికి జరిమానా విధించడం ఆర్టీవో పరిధిలోకి వస్తుందని చెప్పి అతన్ని ఆర్టీవో ఎదుట ప్రవేశపెట్టారు. దీంతో అతనికి అధికారులు ఏకంగా రూ.1.10 లక్షల జరిమానా విధించారు. ఆ జరిమానా చెల్లిస్తేనే కారును ఇస్తామని తేల్చి చెప్పారు. దీంతో చేసేది లేక అతను ఆ జరిమానా మొత్తాన్ని చెల్లించి కారును వెనక్కి తీసుకున్నాడు. అయితే అధికారులు అతనికి వార్నింగ్ ఇచ్చారు. వీలైనంత త్వరగా ఆ మోడిఫికేషన్లను తీసేయాలని, లేదంటే పరిణామాలు ఇంకా తీవ్రంగా ఉంటాయని హెచ్చరిక చేశారు. మరి అతను దాన్ని పాటిస్తాడా, లేదా.. అన్నది తెలియాల్సి ఉంది. ఏది ఏమైనా అతను కారును కొన్న ధర కన్నా అధిక మొత్తంలో ఫైన్నే చెల్లించాల్సి వచ్చిందని సోషల్ మీడియాలో నెటిజన్లు కామెంట్లు పెడుతున్నారు.

Car Modification | కారును అక్ర‌మంగా మోడిఫై చేశాడు.. కొన్న ఖ‌రీదు క‌న్నా ఫైన్ల‌నే అధికంగా చెల్లించాడు..

FOLLOW US

ట్యాగ్స్:

సంబంధిత వార్తలు

Traffic Restrictions | ఇవాళ రాత్రికి హైద‌రాబాద్‌లో అన్ని ఫ్లై ఓవ‌ర్లు మూసివేత‌..!

Gold and Silver Rates | ప‌రుగుకు బ్రేక్‌.. స్వ‌ల్పంగా త‌గ్గిన బంగారం, వెండి ధ‌ర‌లు

Sankranthi Traffic Diversion | సంక్రాంతి ట్రాఫిక్ రద్దీ.. హైదరాబాద్ వెళ్లే వాహనాలు దారి మళ్లింపు..

తాజావార్తలు

పాపులర్

IND Vs NZ | న్యూజిలాండ్‌తో టీ20 సిరీస్‌.. శ్రేయాస్‌, బిష్ణోయ్‌ల‌కు చోటు..

Revanth Reddy | నేడు పాల‌మూరుకు సీఎం రేవంత్‌.. జ‌డ్చ‌ర్ల‌లో ఐఐఐటీకి శంకుస్థాప‌న‌

Diabetes | భార‌త్‌లో పెరుగుతున్న మధుమేహులు.. ప్ర‌పంచంలోనే రెండోస్థానం

Google Personal Intelligence | గూగుల్ ప‌ర్స‌న‌ల్ ఇంటెలిజెన్స్ ఫీచ‌ర్.. ఏఐలో మ‌రో మెట్టు పైకి..

POPULAR LINKS