Viral Video | బార్‌లో మద్యం మత్తులో యువతిని అక్కడ పట్టుకున్న ఆకతాయి.. పక్కనే ఉన్న భర్త ఏం చేశాడంటే?

Viral Video | త్రినేత్ర.న్యూస్ : సోషల్ మీడియాలో నిత్యం ఎన్నో రకాల వీడియోలు వైరల్ అవుతుంటాయి. తాజాగా నెట్టింట వైరల్ అవుతున్న ఓ పాత వీడియో తీవ్ర చర్చనీయాంశంగా మారింది. బార్‌లో తన భార్య పట్ల అసభ్యంగా ప్రవర్తించిన ఓ వ్యక్తిని.. ఆమె భర్త కోపంతో కొట్టి కిందపడేశాడు. ప్రస్తుతం ఈ వీడియో ఇంటర్నెట్‌ను షేక్ చేస్తుండగా.. నెటిజన్లు రెండు వర్గాలుగా విడిపోయి కామెంట్లు పెడుతున్నారు. అతడు చేసింది ఆత్మరక్షణా? లేక అతిక్రమణా? అన్న దానిపై తీవ్ర చర్చ నడుస్తోంది.

అసలేం జరిగిందంటే?

ఈ వీడియో దాదాపు ఏడాది క్రితం నాటిదిగా భావిస్తున్నారు. ఓ జంట బార్‌లో పూల్ గేమ్ ఆడేందుకు సిద్ధమవుతున్నారు. ఇంతలో మద్యం మత్తులో ఉన్న ఓ వ్యక్తి ఆ మహిళ వద్దకు వచ్చి అసభ్యకరంగా తాకుతూ ప్రవర్తించాడు. కళ్ల ముందే తన భార్య పట్ల ఓ ఆకతాయి ప్రవర్తించిన తీరు చూసి ఆ భర్త రక్తం మరిగిపోయింది. క్షణాల్లో ఆ వ్యక్తి వద్దకు దూసుకెళ్లి బలమైన పంచ్ ఇచ్చాడు. ఆ దెబ్బకు అతడు నేలపై కుప్పకూలిపోయాడు.

ఈ గొడవను ఆపేందుకు భార్య మధ్యలో రాగా.. ఆ గందరగోళంలో ఆమెకు ప్రమాదవశాత్తు పూల్ స్టిక్ తగిలింది. ఆ తర్వాత బార్ సిబ్బంది ఒకరు అక్కడికి చేరుకుని.. ఆ భర్తను అక్కడి నుంచి వెళ్లిపోవాలని కోరడం వీడియోలో రికార్డ్ అయ్యింది. అయితే, ఈ ఘటన ఎక్కడ జరిగింది? అందులో ఉన్న వ్యక్తులు ఎవరు? ఆ తర్వాత వారిపై ఏదైనా చట్టపరమైన లేదా పోలీసు చర్యలు తీసుకున్నారా? అనే వివరాలు మాత్రం ఇంకా తెలియరాలేదు.

నెట్టింట తీవ్ర చర్చ.. రెండుగా చీలిన నెటిజన్లు

ఈ వీడియో చూసిన నెటిజన్లు భిన్నాభిప్రాయాలు వ్యక్తం చేస్తున్నారు. కొంతమంది ఆ భర్త చేసిన పనిని గట్టిగా సమర్థిస్తున్నారు. "తన భార్యను వేధింపుల నుంచి కాపాడుకునేందుకు అతడు సరైన గుణపాఠం చెప్పాడు. ఆ సమయంలో ఎవరైనా అలాగే చేస్తారు" అని ప్రశంసిస్తున్నారు.

మరికొందరు మాత్రం అతడి తీరును తప్పుబడుతున్నారు. "హింసకు దిగకుండా సమస్యను పరిష్కరించుకోవాల్సింది.. అలా బలంగా కొట్టడం వల్ల అవతలి వ్యక్తికి తీవ్ర గాయాలై ప్రాణాపాయం కూడా జరగొచ్చు" అని ఆందోళన వ్యక్తం చేస్తున్నారు. ఏది ఏమైనప్పటికీ.. పబ్లిక్ ప్రదేశాల్లో మహిళల భద్రత, ఆకతాయిల వేధింపులకు ఎలా స్పందించాలి, అలాగే ఆత్మరక్షణకు ఉన్న పరిమితులు ఏంటి? అనే విషయాలపై ఈ వీడియో నెట్టింట మరోసారి పెద్ద చర్చకు తెరతీసింది.

A drunk guy grabbed a guys wife ass in front of him... Is this the only way to respond? pic.twitter.com/IVOkQLnVFm

— Insane Vids (@Insanevidz_) April 26, 2026