Mohali child kidnapping | దారుణం: తాతయ్య కళ్లెదుటే 4 ఏళ్ల చిన్నారి కిడ్నాప్.. సీసీటీవీలో షాకింగ్ దృశ్యాలు

Mohali child kidnapping | పంజాబ్‌ రాష్ట్రం మొహాలీ జిల్లాలోని కురాలి (Kurali) ప్రాంతంలో దారుణ ఘటన చోటుచేసుకుంది. పట్టపగలే అందరూ చూస్తుండగానే ఓ నాలుగేళ్ల చిన్నారిని దుండగులు అత్యంత కిరాతకంగా కిడ్నాప్ (Kidnap) చేశారు. బైక్, కారులో వచ్చిన నలుగురు దుండగులు పక్కా ప్లాన్‌తో ఈ ఘాతుకానికి పాల్పడ్డారు.

కళ్లెదుటే మనవరాలిని తీసుకెళ్తుంటే..

అప్పుడే చిన్నారిని స్కూటీ మీద ఆమె తాత తీసుకొని రాగా.. ఆ చిన్నారిని టార్గెట్ చేసిన కిడ్నాపర్లు.. ఒక్కసారిగా ఆమెను బలవంతంగా కారులోకి ఎక్కించుకున్నారు. ఇది గమనించిన ఆ పాప తాతయ్య, నానమ్మ వెంటనే అప్రమత్తమయ్యారు. తమ ప్రాణాలను సైతం లెక్కచేయకుండా మనవరాలిని కాపాడుకునేందుకు దుండగులతో తీవ్రంగా పోరాడారు.

కారుతో తొక్కించే యత్నం

కారును ఆపేందుకు ఆ వృద్ధ దంపతులు వాహనానికి అడ్డంగా నిలబడ్డారు. అయినా ఏమాత్రం కనికరం లేని ఆ దుర్మార్గులు.. వారిని కారుతో గుద్ది, తొక్కించేందుకు ప్రయత్నించి అక్కడి నుంచి వేగంగా పరారయ్యారు. ఈ కిడ్నాప్ ఉదంతం మొత్తం అక్కడే ఉన్న సీసీటీవీ (CCTV) కెమెరాల్లో స్పష్టంగా రికార్డ్ అయ్యింది.

ప్రస్తుతం ఈ కిడ్నాప్ వీడియో సోషల్ మీడియాలో వైరల్‌గా మారి స్థానికంగా తీవ్ర కలకలం రేపుతోంది. పసిబిడ్డను అలా ఎత్తుకెళ్లడం చూసి నెటిజన్లు తీవ్ర ఆగ్రహం వ్యక్తం చేస్తున్నారు. ఘటనపై సమాచారం అందుకున్న పోలీసులు.. సీసీటీవీ ఫుటేజ్ ఆధారంగా కేసు నమోదు చేసుకున్నారు. ఆ నలుగురు కిడ్నాపర్ల కోసం ప్రత్యేక బృందాలతో గాలింపు చర్యలు ముమ్మరం చేశారు.

🚨SHOCKING | Child kidnapped from outside her house by four men on bike and in car while the family tried to protect her pic.twitter.com/CqA3aWv6HX

— The Tatva (@thetatvaindia) May 20, 2026