దేశంలో అత్యంత నెమ్మదిగా ప్ర‌యాణించే రైలు ఇదే.. ఎందుకో తెలిస్తే మీరూ ఎక్కేస్తారు.!

రైలు ప్రయాణం అంటే సాధారణంగా చాలా మంది ఇష్టపడతారు. బస్సుల్లో మాదిరిగా కాకుండా రైళ్లలో ప్రయాణం చేస్తే ఆ అనుభూతి వేరేగా ఉంటుంది. ప్రయాణాలు చేసేటప్పుడు వాంతులు అయ్యేవారు కూడా రైళ్లలో వెళ్లేందుకు ఇష్టపడతారు. అయితే రైళ్లలో వెళ్లినా కూడా రైలు ఆలస్యం అయితే సహించలేరు. త్వరగా వెళ్లాల్సిందే. కానీ ఈ రైలులో వెళ్తే మీరు ఎప్పటికీ ఆలస్యంగానే గమ్యస్థానం చేరుకుంటారు. ఎంతలా అంటే.. 46 కిలోమీటర్ల ప్రయాణానికి ఏకంగా 5 గంటల సమయం పట్టేంత. అవును. మీరు విన్నది నిజమే. ఈ రైలు ఎల్లప్పుడూ నెమ్మదిగానే వెళ్తుంది. అసలు వేగంగా వెళ్లదు. అయినా కూడా ప్రయాణికులు ఎంతో ఓపిగ్గా ఈ రైలులో ప్రయాణం చేస్తారు. అయితే మరి ఈ రైలు ఎక్కడ ప్రయాణిస్తుంది..? ఎందుకు అలా నెమ్మదిగా వెళ్తుంది..? అయినా కూడా ప్రయాణికులు ఎందుకు ఫిర్యాదు చేయరు..? అంటే.. అందుకు కొన్ని కారణాలు ఉన్నాయి. 46 కిలోమీటర్లు.. 5 గంటలు.. తమిళనాడులోని కోయంబత్తూరు జిల్లాలో ఉన్న మెట్టుపాలయం అనే ప్రాంతం నుంచి ఊటీకి నీలగిరి మౌంటెయిన్ రైల్వే ట్రెయిన్ నడుస్తుంది. ఈ ట్రెయిన్ మెట్టుపాలయంలో ఉదయం 7.10 గంటలకు బయల్దేరి ఉదయం 11.55 గంటలకు ఊటీకి చేరుకుంటుంది. మళ్లీ అక్కడి నుంచి మధ్యాహ్నం 2 గంటలకు తిరుగు ప్రయాణం చేస్తుంది. ఈ ట్రెయిన్ను మెట్టుపాలయం నుంచి 56136 నంబర్తో నడిపిస్తున్నారు. అయితే ఈ రైలు దేశంలోనే అత్యంత నెమ్మదిగా ప్రయాణించే రైలుగా రికార్డులకెక్కింది. 46 కిలోమీటర్ల దూరం వెళ్లేందుకు ఏకంగా 5 గంటల వరకు సమయం పడుతుంది. అయితే అందుకు కారణం ఉంది. ఈ రైలు ప్రయాణించే మార్గం పూర్తిగా కొండలు, మలుపులతో ఉంటుంది. కనుక ప్రయాణికుల భద్రత దృష్ట్యా ఈ రైలును చాలా నెమ్మదిగా నడిపిస్తారు. అయితే అంత ఆలస్యంగా ఈ రైలు వెళ్లినా అందులో ప్రయాణించే వారు ఏమాత్రం విసుగు చెందరు. అద్భుతమైన ప్రకృతి రమణీయత.. ఈ రైలు వెళ్లే మార్గంలో ఎన్నో అద్భుతమైన పర్వత శ్రేణులు, పచ్చని టీ తోటలు, సుందరమైన అడవులు, కొండలు, వాగులు, మలుపులు అత్యంత ప్రకృతి రమణీయంగా ప్రయాణికులకు దర్శనమిస్తాయి. దీంతో వాటిని చూస్తూ ప్రయాణికులు ఆ ప్రయాణాన్ని ఆస్వాదిస్తారు. కనుకనే ఆ రైలు అంత ఆలస్యంగా వెళ్లినా ప్రయాణికులు ఎక్కడా విసుగు చెందరు. ఆద్యంతం ప్రయాణాన్ని ఆస్వాదిస్తారు. ప్రకృతి ప్రేమికులు, పర్యాటకులు ఎక్కువగా ఈ రైలులో ప్రయాణం చేస్తుంటారు. చలికాలంలో ఈ రైలు ప్రయాణం అత్యంత మధురమైన అనుభూతులను అందిస్తుంది. కనుక ఈ ప్రాంతానికి ఎవరైనా పర్యాటకులు చేరుకుంటే కచ్చితంగా ఓ సారి ఈ రైలు ప్రయాణాన్ని ఆస్వాదించండి. మీకు మరిచిపోలేని అనుభూతి కలుగుతుంది. ఇక ఈ రైలు ప్రయాణించే మార్గంలోని అరణ్యాలు, పర్వతాలను యునెస్కో ప్రపంచ వారసత్వ సంపద జాబితాలో చేర్చడం విశేషం.

దేశంలో అత్యంత నెమ్మదిగా ప్ర‌యాణించే రైలు ఇదే.. ఎందుకో తెలిస్తే మీరూ ఎక్కేస్తారు.!

FOLLOW US

ట్యాగ్స్:

సంబంధిత వార్తలు

Railway Tickets | రైల్వే ప్ర‌యాణికుల‌కు బంప‌ర్ ఆఫ‌ర్‌.. టిక్కెట్ ధ‌ర‌ల‌పై ఏకంగా 6 శాతం డిస్కౌంట్‌..

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Railway Charges | డిసెంబ‌ర్ 26 నుంచి పెర‌గ‌నున్న రైల్వే టిక్కెట్ల చార్జిలు.. ఎంత అంటే..?

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Railway Tickets | రైల్వే ప్ర‌యాణికుల‌కు బంప‌ర్ ఆఫ‌ర్‌.. టిక్కెట్ ధ‌ర‌ల‌పై ఏకంగా 6 శాతం డిస్కౌంట్‌..

Ukraine Drones Attack On Moscow | మాస్కోపై ఉక్రెయిన్ డ్రోన్ల దాడి.. ధ్రువీక‌రించిన ర‌ష్యా..

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?

POPULAR LINKS

Leo Horoscope | 2026లో సింహ రాశి వారికి అష్ట‌మ శ‌నితో పోరాటం..! చేయాల్సిన ప‌రిహారాలు ఇవే..!!

Damien Martyn | అత్యంత విష‌మంగా ఆస్ట్రేలియ‌న్ మాజీ క్రికెట‌ర్ ఆరోగ్యం.. ఐసీయూలో చికిత్స‌..