Viral Video | ‘నా డ్యూటీ అయిపోయింది.. నేను విమానం నడపను’

Viral Video | నా డ్యూటీ అయిపోయింది.. ఇక నేను విమానం నడపను.. అంటూ ఎయిర్‌పోర్ట్‌లో విమానం ఎక్కిన ప్రయాణికులను పట్టించుకోకుండా ఓ పైలట్ చేసిన వింత చేష్టలకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ముంబై నుంచి థాయిలాండ్‌లోని క్రాబి అనే ప్రాంతానికి వెళ్తున్న ఇండిగో విమానంలోనే ఈ ఘటన చోటు చేసుకుంది.

6ఈ 1085, ఇండిగో విమానం ఉదయం 4 గంటలకు ముంబై నుంచి బయలుదేరాలి. ప్రయాణికులు కూడా విమానం ఎక్కి పైలట్ ఎప్పుడు వస్తాడా? ఎప్పుడు విమానం టేకాఫ్ అవుతుందా? అని ఎదురు చూస్తున్నారు. ఇంతలో విమానం పైలట్ వచ్చి తన డ్యూటీ టైమ్ అయిపోయిందని.. తాను ఇప్పుడు విమానం నడపలేనని ప్యాసెంజర్లకు చెప్పడంతో అందరూ షాక్ అయ్యారు. దీంతో విమానంలో ఉన్న పైలట్, సిబ్బందితో ప్రయాణికులు గొడవకు దిగారు. విమానం నడపకుండా వెళ్లిపోతే తమ పరిస్థితి ఏంటంటూ ఆగ్రహం వ్యక్తం చేశారు. మూడు గంటల పాటు విమానంలోనే ప్రయాణికులు పడిగాపులు పడాల్సి వచ్చింది. కోపంతో కొందరు ప్రయాణికులు విమానం ఎగ్జిట్ డోర్‌ని కూడా తన్నారు. దీంతో ఇండిగో సంస్థ స్పందించి ఆ విమానాన్ని మూడు గంటలు ఆలస్యంగా థాయిలాండ్‌కి పంపించింది. కానీ.. విమాన సిబ్బందితో అమర్యాదగా ప్రవర్తించి, ఎగ్జిట్ డోర్‌ని కాళ్లతో తన్నిన ఇద్దరు ప్రయాణికులను వెంటనే కిందికి దించి సెక్యూరిటీ ఏజెన్సీకి అప్పగించారు.

ఈ ఘటనకు సంబంధించిన వీడియో సోషల్ మీడియాలో వైరల్ కావడంతో ఇండిగో సంస్థ స్పందించింది. కొన్ని కారణాల వల్ల విమానం ఆలస్యం అయింది. బయటి నుంచి రావాల్సిన విమానం లేట్‌గా ల్యాండ్ కావడం, ఎయిర్ ట్రాఫిక్ కంజెషన్, సిబ్బంది డ్యూటీ టైమ్ పూర్తవడం లాంటి సమస్యల వల్ల ఆలస్యం అయిందని ప్రకటన విడుదల చేసింది.

New:

-Pandemonium in @IndiGo6E flight from Mumbai to Krabi

-Passengers wanted to beat pilot

-Who is said to have refused to operate flight as he was breaching his duty time & had told airline in advance

-But flight was boarded & passengers were stuck inside for 3 hours

✈️ pic.twitter.com/vAYWjCBHov

— Tarun Shukla (@shukla_tarun) January 15, 2026