Maggi Capsule | 40 మిలియన్ వ్యూస్ దాటిన మ్యాగీ క్యాప్సుల్ వీడియో.. నిజమా లేక ఏఐ సృష్టా?

Maggi Capsule | ఇన్స్టంట్ నూడుల్స్ తెలుసు కదా. 2 నిమిషాల్లో ఫుడ్ రెడీ అవుతుంది. ఇండియాలో మ్యాగీ ఎక్కువగా వాడుతారు. చిన్నపిల్లల నుంచి పెద్దల వరకు అందరూ ఇష్టంగా వేడివేడిగా మ్యాగీని ఆరగించేస్తారు. చాలామందికి మ్యాగీ అంటే చిన్న ప్యాకెట్ల నుంచి పెద్ద ప్యాకెట్ల వరకు లభిస్తుందని తెలుసు. అందులోనే మసాలా ప్యాకెట్లు కూడా ఉంటాయి. కానీ.. మ్యాగీ క్యాప్సూల్స్ చూశారా ఎప్పుడైనా? మ్యాగీ పిల్స్ అన్నమాట. మ్యాగీ క్యాప్సుల్స్ను వేడి నీటిలో వేయగానే అవి క్షణాల్లో నూడుల్స్గా మారిపోతున్నాయి. అందులోనే నూడుల్స్, మసాలా ఉంటుంది. ఇన్స్టాగ్రామ్ వీడియో వైరల్ ఇన్స్టాగ్రామ్లో వైరల్ అవుతున్న వీడియో ప్రకారం ఓ వ్యక్తి పసుపు రంగులో ఉన్న చిన్న క్యాప్సూల్ను చూపిస్తాడు. దాని మీద మ్యాగీ అనే పేరు ఉంటుంది. ఇది మ్యాగీ క్యాప్సుల్ అని దాన్ని వేడి నీటిలో వేయగానే నూడుల్స్ అవుతాయని చెప్పాడు. ప్రాక్టికల్గా మ్యాగీ చేసి చూపించాడు. ఈ వీడియోకు 40 మిలియన్ల వ్యూస్ వచ్చాయి. అసలు నిజం ఏంటి? ఈ వీడియోను చూసి నెటిజన్లు షాక్ అవుతున్నారు. నిజంగానే మ్యాగీ ఇటువంటి ప్రొడక్ట్ను మార్కెట్లోకి తీసుకొచ్చిందా? అని షాక్ అవుతున్నారు. కానీ.. అది నిజమైన వీడియో కాదు. ఏఐ ద్వారా చేసిన వీడియో. అలాంటి ప్రాడక్ట్నేమీ మ్యాగీ తీసుకురాలేదు. ఆ వీడియోపై స్పందించిన మ్యాగీ.. ఏప్రిల్ ఫూల్స్ డేను మీరు వేరే నెలల్లో జరుపుకుంటున్నారా? అంటూ ఫన్నీగా కామెంట్ చేసింది. దీంతో అది ఫేక్ వీడియో అని నెటిజన్లు గుర్తించారు. మ్యాగీ కామెంట్ చేయకముందే అది ఫేక్ వీడియో అని కొందరు నెటిజన్లు చెప్పుకొచ్చారు. ఫోర్క్ వంకరగా ఉండటం, పొడవుగా ఉండటం చూసి ఇది పక్కా ఏఐ క్రియేటెడ్ వీడియో అని కామెంట్లు చేశారు. View this post on Instagram A post shared by Aditya Soni (@adityasoni01_)