Auraiya UP Viral Engagement Video | 75 ఏళ్ల వరుడు, 30 ఏళ్ల వధువు.. కూతురి ఫ్రెండ్‌తోనే పెళ్లి : వీడియో వైరల్

• ప్రేమకు వయసు అడ్డుకాదు
• కూతురి స్నేహితురాలితో 75 ఏళ్ల వృద్ధుడి ఎంగేజ్‌మెంట్
• నవరాత్రుల తర్వాత పెళ్లికి సిద్ధమైన 30 ఏళ్ల ఇన్‌స్టా బ్లాగర్

Auraiya UP Viral Engagement Video | త్రినేత్ర న్యూస్ : "ప్రేమ గుడ్డిది.. దానికి వయసుతో పనే లేదు" అనే సామెతను నిజం చేస్తూ ఉత్తరప్రదేశ్‌లోని ఔరయ్యా (Auraiya) జిల్లాలో ఓ ఆసక్తికరమైన ప్రేమకథ వెలుగులోకి వచ్చింది. ఏకంగా 45 ఏళ్ల వయసు తేడా ఉన్నప్పటికీ, 75 ఏళ్ల రామ్‌సుగర్ అనే వృద్ధుడు, 30 ఏళ్ల రాణి రాజ్‌పుత్ అనే యువతి ప్రేమించుకుని పెళ్లి పీటలెక్కబోతున్నారు. వారం రోజుల క్రితమే వీరిద్దరి నిశ్చితార్థం (Ring Ceremony) జరగగా, ఆ వీడియో ఇన్‌స్టాగ్రామ్‌లో వైరల్ కావడంతో ఈ జంట ఇప్పుడు దేశవ్యాప్తంగా హాట్ టాపిక్‌గా మారింది.

కూతురి కోసం ఇంటికి వచ్చి.. తండ్రితో ప్రేమలో పడింది

ఔరయ్యా జిల్లా సహార్ ప్రాంతంలోని అరియారీ గ్రామానికి చెందిన రామ్‌సుగర్ (75) కుమార్తె రాధ ఒక యూట్యూబర్ (YouTuber). మరోవైపు, సదర్ కొత్వాలీ పరిధిలోని దయాల్‌పూర్‌కు చెందిన రాణి రాజ్‌పుత్ (30) ఇన్‌స్టాగ్రామ్ బ్లాగర్‌గా వీడియోలు చేస్తుంటుంది.

రాధతో కలిసి యూట్యూబ్, ఇన్‌స్టాగ్రామ్ వీడియోలు షూట్ చేయడం కోసం రాణి గత ఏడాదిన్నర, రెండేళ్లుగా రామ్‌సుగర్ ఇంటికి తరచూ వచ్చి వెళ్తుండేది. ఈ క్రమంలో ఇంట్లో వీడియోలు తీసుకుంటున్న సమయంలో రామ్‌సుగర్, రాణిల మధ్య ఏర్పడిన పరిచయం కాస్తా సాన్నిహిత్యంగా మారి.. చివరకు ప్రేమకు దారితీసింది.

ఈ బంధంపై రామ్‌సుగర్ కూతురు ఏమన్నారంటే?

తండ్రి ప్రేమ వ్యవహారంపై రామ్‌సుగర్ కుమార్తె రాధ సానుకూలంగా స్పందించడం విశేషం. "మా అమ్మ దాదాపు ఏడేళ్ల క్రితమే మరణించింది. రాణి మా ఇంటికి తరచూ రావడంతో మా కుటుంబంలో ఒకరిగా కలిసిపోయింది. ఈ క్రమంలోనే మా నాన్నకు, రాణికి మధ్య ప్రేమ చిగురించింది. వారిద్దరి బంధం గురించి మా కుటుంబ సభ్యులందరికీ తెలుసు, మేమంతా వారి పెళ్లికి మనస్ఫూర్తిగా అంగీకరించాం" అని రాధ వెల్లడించింది.

బ్యూటీ పార్లర్‌లో రింగ్ సెర్మనీ.. నవరాత్రుల తర్వాత పెళ్లి

కుటుంబ సభ్యుల గ్రీన్ సిగ్నల్ లభించడంతో.. ఔరయ్యాలోని ఒక బ్యూటీ పార్లర్‌లో వీరిద్దరూ ఉంగరాలు మార్చుకుని ఎంగేజ్‌మెంట్ (Ring Ceremony) చేసుకున్నారు. ఈ నిశ్చితార్థానికి సంబంధించిన వీడియోను ఇన్‌స్టాగ్రామ్‌లో షేర్ చేయడంతో అది కాస్తా క్షణాల్లో వైరల్ అయింది.

ప్రస్తుతం నవరాత్రి ఉత్సవాలు జరుగుతుండటంతో, నవరాత్రులు ముగిసిన వెంటనే ఘనంగా వివాహం చేసుకోవాలని ఈ జంట నిర్ణయించుకుంది. వయసు అడ్డంకులను చెరిపేసిన ఈ వినూత్న జోడీ పెళ్లి కోసం గ్రామస్తులు సైతం ఆసక్తిగా ఎదురుచూస్తున్నారు.

उम्र सिर्फ एक नंबर है! 🇮🇳
​यूपी के औरैया में प्यार की अनोखी दास्तान: 75 साल के रामसुगर को दिल दे बैठीं 30 साल की इंस्टाग्राम रील्स क्रिएटर रानी राजपूत। बेटी की सहेली/मिलने आने के दौरान हुआ इश्क, रिंग सेरेमनी के बाद अब नवरात्रि के बाद होगी शादी।
​#Auraiya #LoveStory #UttarPradesh #ViralNews #India

— Om Soni (@omsoni_tv) October 15, 2026