Strait of Hormuz Cargo Ship Sinking | హార్మూజ్ జలసంధిలో మునిగిన కార్గో నౌక.. సముద్రంలో తేలియాడుతున్న ఐఫోన్లు, పెర్ఫ్యూమ్ బాటిళ్లు

Strait of Hormuz Cargo Ship Sinking | త్రినేత్ర న్యూస్ : ప్రపంచ వాణిజ్యానికి అత్యంత కీలకమైన హర్మూజ్ జలసంధి (Strait of Hormuz) ప్రాంతంలో ఊహించని సముద్ర ప్రమాదం చోటుచేసుకుంది. విలువైన వస్తువులు, ఐఫోన్లు (iPhones), లగ్జరీ పెర్ఫ్యూమ్ బాటిళ్లతో వెళ్తున్న ఒక భారీ కార్గో నౌక సముద్రంలో మునిగిపోయింది. దీంతో అందులోని సరుకంతా నీటిపై తేలియాడగా, స్థానికులు వాటిని ఎత్తుకెళ్తున్న దృశ్యాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.

అసలేం జరిగింది?

సింగపూర్ ఫ్లాగ్‌తో ప్రయాణిస్తున్న 'జీఎఫ్‌ఎస్ ప్రైడ్' (GFS Pride) కంటైనర్ నౌక దుబాయ్ నుంచి వస్తువులను తరలిస్తుండగా ఈ ప్రమాదం జరిగింది. ఈ నౌకలో ఐఫోన్లు, ఖరీదైన పెర్ఫ్యూమ్ బాటిళ్లు, ఇతర విలువైన వస్తువులతో కూడిన దాదాపు 2,500 కంటైనర్లు ఉన్నట్లు తెలుస్తోంది.

#StraitOfHormuz | Two ships sink near Hormuz after being hit by projectiles amid surge in attacks

A ​container ship and a dry bulk carrier have both sunk near the Strait of Hormuz in the past ‌24 hours after being hit by projectiles in separate incidents.

#MiddleEastCrisis #WestAsiaConflict

— DD News (@DDNewslive) October 15, 2026

ఈ నౌక సముద్ర గనిని (Naval mine) ఢీకొట్టడం వల్లే మునిగిపోయిందని ఇరాన్ ఇస్లామిక్ రెవల్యూషనరీ గార్డ్ కార్ప్స్ (IRGC) వెల్లడించింది. అయితే, అనధికారిక మార్గంలో వెళ్లడం వల్లే ఈ ప్రమాదం జరిగిందని వారు తెలిపారు. మరోవైపు, అజ్ఞాత క్షిపణి లేదా ప్రక్షేపకం (Projectile) తగలడం వల్లే నౌక మునిగిపోయిందని మెరీటైమ్ అధికారులు చెబుతున్నారు. ఈ ప్రమాదంలో నౌకలోని 21 మంది సిబ్బందిని సకాలంలో సురక్షితంగా రక్షించినట్లు సింగపూర్ సముద్ర, ఓడరేవు అధికార వర్గాలు వెల్లడించారు.

నీటిలో తేలియాడుతున్న ఐఫోన్లు.. వీడియో వైరల్

ప్రమాదం జరిగిన ప్రాంతంలో ఐఫోన్ బాక్సులు, సీల్డ్ పెర్ఫ్యూమ్ ప్యాకెట్లు నీటిపై తేలియాడుతున్న దృశ్యాలు నెట్టింట హల్‌చల్ చేస్తున్నాయి. చిన్న పడవలపై (Small boats) సముద్రంలోకి వెళ్లిన స్థానికులు, మత్స్యకారులు ఆ ఖరీదైన వస్తువులను ఏరుకుంటున్న వీడియోలు ఇప్పుడు తెగ వైరల్ అవుతున్నాయి.

ఉద్రిక్త  ప్రాంతంలో పెరుగుతున్న దాడులు

ఈ కార్గో నౌక మునిగిపోవడం వెనుక అమెరికా-ఇరాన్ మధ్య నెలకొన్న తీవ్ర ఉద్రిక్తతలు ఉన్నట్లు తెలుస్తోంది. గల్ఫ్ ఆఫ్ ఒమన్ ప్రాంతంలో అమెరికా బలగాలు ఒక ఇరాన్ అనుబంధ నౌకను ధ్వంసం చేసిన రోజుల వ్యవధిలోనే ఈ ఘటన చోటుచేసుకోవడం గమనార్హం. ప్రపంచ చమురు, లిక్విడ్ నాచురల్ గ్యాస్ (LNG) రవాణాకు అత్యంత కీలకమైన హార్మూజ్ జలసంధి మార్గంలో గత కొన్ని రోజులుగా వాణిజ్య నౌకలపై డ్రోన్ దాడులు, ప్రక్షేపకాల దాడులు విపరీతంగా పెరిగిపోయాయి. ఇరాన్ పోర్టులపై అమెరికా ఆంక్షలు, దిగ్బంధానికి ప్రతిగా ఇరాన్ తన దాడులను ఉధృతం చేసినట్లు తెలుస్తోంది. ఈ పరిణామాలు అంతర్జాతీయంగా సంచలనం సృష్టిస్తున్నాయి.

iPhones and other goods float on the sea surface after a container ship sank in the Strait of Hormuz due to hitting a naval mine. https://t.co/L0FYq55h0r

— Middle East Observer (@ME_Observer_) October 14, 2026