Balmoor Venkat | ముఖ్యమంత్రిపై అనుచిత వ్యాఖ్యలు చేస్తే ఊరుకునేది లేదు: బ‌ల్మూర్‌ వెంక‌ట్

Balmoor Venkat | ముఖ్య‌మంత్రి (CM) రేవంత్‌రెడ్డి (Revanth Reddy)పై అనుచిత వ్యాఖ్య‌లు చేస్తే ఊరుకునేది లేద‌ని ఎమ్మెల్సీ (MLC) బ‌ల్మూర్‌ వెంక‌ట్ (Balmoor Venkat) అన్నారు. వైఖ‌రి మార్చుకోక‌పోతే ప్రజలే కేటీఆర్‌ (KTR)కు చెప్పులతో సమాధానం చెబుతారని హెచ్చ‌రించారు. ఆంధ్రా గురించి ఉద్యమ సమయంలో ఒకలా.. పార్టీని బీఆర్ఎస్‌ (BRS)గా మార్చినప్పుడు మరోలా మాట మార్చింది వాళ్లేన‌ని ఎద్దేవా చేశారు. పదేళ్లు మీరు చేసిన విధ్వంసానికే ప్రజలు చెప్పుతో కొట్టినట్టు తీర్పు ఇచ్చారని గుర్తు చేశారు. మొన్న జూబ్లీహిల్స్ ఉప ఎన్నిక‌లు, నిన్న స్థానిక ఎన్నికల్లోనూ ప్రజలు మరోసారి బుద్ధి చెప్పినా వారికి సిగ్గురావ‌డం లేద‌న్నారు. వాళ్లు పదేళ్ల పాలనలో చేయలేని పనులను ముఖ్యమంత్రి రేవంత్ రెడ్డి చేస్తుంటే తట్టుకోలేక ఆరోపణలు చేస్తున్నారని మండిప‌డ్డారు. ప్రజలు రెండేళ్ల కిందటే సరైన బుద్ధి చెప్పారని, అయినా మారడం లేదన్నారు. అదే అహంకార‌పూరిత ధోర‌ణితో వ్య‌వ‌హ‌రిస్తున్నార‌ని, స‌రైన స‌మ‌యంలో ప్ర‌జ‌లే స‌రైన గుణ‌పాఠం చెబుతార‌ని హెచ్చ‌రించారు.